حكايات وبنعيشها بقلم دعاء حسن
(هو ليه الكل بيبعد عني علشان تخينه.!)
……/انتي فاكره اني هتجوزك بجد؟
البنت بدموع/ايوا بقالنا سنه بنحب بعض و اكيد هنتجوز يا علي.
علي بخبث/انتي مشوفتيش نفسك في المرايه ولا ايه انتي قدي عشر مرات اكيد يوم ماهتجوز هتكون وتكه مش عجله يا استاذه نور!
نور بصدمه/بس انت قولت ليا اني جسمي مش فارق معاك اشمعني دلوقتي.
علي بسخريه/علشان انتي واحده دحيحه مفيش غيرك هيساعدني اني أنجح في الجامعه. لكن احبك مستحيل.
نور ببكاء/بس بس انا حبيتك.
علي بستهزاء/يا نور هانم انتي متخيله اني هحبك بحجمك ده اكيد لاء ف مليش دعوه انك غبيه و صدقتي اني حبيتك.
نور وهي تمسح دموعها/تمام بتمنالك التوفيق في حياتك بس افتكر كما تدين تدان…………قولت الكلمتين دول و مشيت بوجع و صدمه و كسرة قلب…مر سنه علي الحوار ده من ساعتها مروحتش الجامعه خالص ولا عايزه اروح بس بعد بكره لازم اروح علشان المراجعه بدأت..بس مش عايزه اروح هتعرفو ليه بعدين…كنت بكتب كلام ده في مذكراتي لحد مادخلت بنت عمي سلمي.
سلمي/فرح مريم بنت عمتنا بعد كام يوم.
نور بفرحه/بجد.
سلمي/اه والله و هنجيب فساتين كتيير تعالي قولي ل مامتك.
نور بتردد/لالا خلاص.
سلمي بحنان/مش هيحصل حاجه ده حقك.
قومت بتردد و خرجت معاها كان الكل قاعد بيضحك و بيهزر اول مادخلت الكل سكت.!
سلمي/طنط جيبي ل نور فستان معانا.
الام بضيق/و نجيب ليها ليه.
أختي منه/انتي فاكره نفسك هتيجي معانا الفرح.
نور بستغراب/أكيد هاجي ده فرح بنت عمتي.
الام بسخريه/انتي عايزه تيجي معايا بجسمك ده هتفضحيني قدام عيلتي كلها.
منه بضيق/صحابي هيكونو موجودين اكيد هيسألوني انتي مين هتكسف اقولهم انك اختي.
سلمي بعصبيه/في ايه مالكو من حقها تروح زينا.
الام وهي تغادر/مستحيل امشي معاها ده بيفتكروها أمي مش العكس.
منه ببتسامه صفراء/الهضبات اللي زيك ملهمش مكان وسطنا.
سلمي بحزن/نور متزعليش منهم امك و اختك هنعمل ايه.
نور ببتسامه/لا عادي..
دخلت أوضتي علطول فضلت أعيط كتير مش من كلامهم انا علطول بسمعه منهم من وانا صغيره علطول مش بياخدوني اي مناسبه او احتفال او خروجه عاديه بس صعب ان أقرب ناس ليك بيقولو عليك كده…
•••••••••••••••••••••••••••••••••••••••••••
تاني يوم جه كنت برتب حاجتي علشان بكره هروح الجامعه..بعد ماخلصت كل حاجه لقيت أتصال من عبير..عبير دي صحبتي من ابتدائي اقرب صاحبه ليا او هي الوحيده اللي اعرفها لان الكل بيبعد عني علشان تخينه معنديش صحاب خالص علشان كده جالي عقده من البشر اني أقرب من حد..فتحت عليها…
عبير/الو نور.
نور بحب/الو يا بيبو عامله أيه.
عبير بضيق/كويسه اكويسه المهم هتيجي بكره.
نور/اه هاجي.
عبير/تمام علشان تسجلي اللي هيحصل في المحاضره و تدهولي.
نور/طبعا يا حبيبتي.
عبير/تمام سلام ماما بتنادي.
قفلت معاها و بدات أكتب كل حاجه في مذكراتي انا بحب الكتابه اوي حتي مألفه روايه بس خايفه أنشرها…بعدين بدأت اقراء اللي هاخده بكره يكون عندي خلفيه بس لحد مانمت.
•••••••••••••••••••••••••••••••••••••••••••
جه تاني يوم و دخلت الجامعه كان الكل بيبصلي و بيهمسو لبعض كنت متأكده انهم بيتكلمو عني كفايه نظرتهم ليا بس انا متعوده مهو عشان كده كنت حابسه نفسي في أوضه لمدة سنه خايفه أقابل حد من البشر لانهم ناس مؤذيه اوي…كنت بدور ع عبير لحد مالقيتها واقفه مع شلة علي حبيبي السابق و كانت واقفه جمبه خطيبته الكل بيقول عليها ملكة جمال الجامعه…خوفت أروح أنديها حد يتريق عليا ف طلعت علي القاعه علطول اقعدت في اخر القاعه رغم اني نظري ضعيف و لابسه نضاره بس مش هستحمل حد يكسفني و يقولي مش شايف منك و كده.. فضلت قاعده لحد ماجه وقت المحاضره لحد مادخلت دكتوره جميله جدا طويله جسمها نفس جسم ياسمين صبري ملامحها جميله.. هي جت جديده السنه دي بس أول مره أشوفها هي دكتوره نفسيه اسمها ياسمين علاء الدين…بدات تشرح فهمت منها جدا كانت ببتكلم عن الروح و جمال الروح أبتسمت بسخرية مفيش حد دلوقتي بيهتم بجمال الروحاني..المهم بعد وقت خلصت المحاضره و خرجت أدور علي عبير علشان أديها الكشكول لحد مالقيتها واقفه مع شلة علي كنت همشي بس قولت هي هتذاكر ازاي قولت اروح و خلاص…لما قربت منهم سمعتهم بيقولو…
علي/مستنيه ايه يا عبير.
عبير بضيق/هكون مستنيه مين غير برميل البحر نور!
دنيا(خطيبة علي)/انتي لسه بتكلمي العجله دي.
عبير بغمزه/طبعا ده بسببها بنجح من أبتدائي.
علي/ااه والله بتنفع كتير.
عبير/انت اللي حمار حد قالك تسيبها انا حكتلك كل حاجه عنها علشان تعرف توقعها ف تسيبها بسهوله.
علي بضيق/أعمل ايه منا زهقت مش بطيق افضل معاها ربع ساعه.
عبير/حاول توقعها تاني.
دنيا بغيظ/اوف بقا يوقع مين مش ناقصه عجلة البحر دي تاخدو مني.
عبير بستهزاء/عجله البحر دي هتنجحنا كلنا.
انا كنت بسمع الكلام ده وانا مش مصدقه عبير! تبقي زيهم زي كل الناس كنت بحسبها بتحبني زي مابحبها..مقدرتش أقف كتير جريت بسرعه علي الجنينه و قاعدة علي الارض فضلت أعيط كتير هما ليه كده! ليه الكل بيكرهني علشان حاجه مليش ذنب فيها! حاولت أعمل كذا حاجه بس مخستش انا مولوده كده! اعمل ايه طيب علشان الكل يحبني الكل يقرب مني انا تعبت ياارب أموت ياارب..وانا ببكي حسيت بحد حط أيده علي راسي بحنان رافعت راسي علشان أشوف مين لقيتها الدكتوره ياسمين!
ياسمين بستغراب/مالك يقمر بتعيطي ليه.
مكنتش عارفه اقول ايه بس لقيت نفسي بعيط جامد ونا بقولها/هو ليه الكل بيبعد عني علشان تخينه؟
ياسمين بصدمه/ايه مش فاهمه بطلي عياط علشان تفهميني.
نور ببكاء حاد/يعني ليه من اول ماتولدت وانا مش بعرف اركب عجل علشان تخينه؟ ليه لما بشتري هدوم بفضل بالايام علشان الاقي مقاسي و في الاخر مش بلاقي؟ ليه بشوف في عيون الكل نظرات سخريه؟ ليه من اول مادخلت مدرسه و الكل بيبعد عني مفيش حد بيرضي يصاحبني ليه؟ ليه الكل بيكرهني؟ ليه الشخص الوحيد اللي حبيته و صحبتي الوحيده كانو بيعرفوني مصلحه؟ ليه الكل بيتريق عليا و شتايم و بيشبهوني بحاجات ضخمه؟ ليه حتي أهلي بيتكسفو ياخدوني معاهم اي مكان؟ ليه الكل بيستحقرني؟ انا مش وحشه مش ذنبي أتولدت كده مش ذنبي…خلصت كلامي وانا بعيط جامد و بحاول أمنع شهقاتي.. ببص علي ياسمين لقيتها بصالي بصدمه و تعيط!
ياسمين وهي تمسح دموعها/طظ في ده كله انتي مالك بيهم انتي بسم الله ماشاء قمر خالص يعني بيضه و غمازات و خدود حمرا و عيون وسعه و عسلي ملامحك قمر بجد و مش بقول كده و خلاص علشان اطايب خاطرك لاء انتي قمر. كل مشكلتك جسم بس! بكره هتخسي حتي لو مخستيش حبي نفسك لانها تستاهل انها تتحب.
نور بدموع/بجد انا حلوة!
ياسمين بصدمه فهي فاقده الثقه لا يوجد ثقه من الاساس/ده انتي وتكه ده لو كنت ولد كنت أتجوزتك.
نور ببتسامه/بجد شكرا يا دكتور ياسمين.
ياسمين بتذمر/دكتور! انتي عندك كام سنه يابت انتي.
نور/20
ياسمين/وانا 25 يعني خمس سنين بس و اسمي ياسمين بس انا خلاص انتي صحبتي اصلا.
نور بصدمه/بجد ممكن نبقا صحاب.
ياسمين ببتسامه/طبعاا المهم بقا بكره هاخدك و نشتري شويه حاجات.
نور/زي ايه.
ياسمين بتنهيده/بصي انتي بتخافي جدا رابطه حياتك بالناس ليه! الناس هيعملو ليكي ايه يلعن ابو الناس اللي تخلي القمر ده زعلان الاااه.
نور بحزن/مش عارفه اعمل ايه علشان يحبوني و محدش يبعد عنك.
ياسمين بغيظ/وانتي مالك بيهم انتي لو حبيتي نفسك الكل هيحبك خلي عندك ثقه في نفسك اللي يقولك كلمه ردي عليه عشره متسبيش حقك انتي مش أقل منهم علشان تسبيهم يهزو ثقتك بنفسك انتي مجرد مليانه حبتين بس اومال الناس المحروقه و التعبانه دي كلها تعمل ايه… انتي مش هتخسي هتحبي نفسك كده و بكره هاخدك و هنشتري هدوم تليق علي جسمك تبينك أحلي اكتر مانتي حلوة و نروح الكوافير نضبط نفسنا و ياستي كل ده علي حسابي المقابل انك تحبي نفسك و بس و في حد في مكان ما بيحبك و هتتقابلو اكيد و هيحبك بكل حاجه فيكي يبقا انتي كمان حبيها.
كنت بسمع كلامها وانا بعيط مكنتش متخيله حد هيديني شويه الثقه دول في يوم لقيت نفسي بحضنها/شكرا بجد شكرا شكرا.
ياسمين/يور ولكم اااه صح أسمك ايه.
نور بتتسامه/اسمي نور.
ياسمين/اسم حلو اوي يا نوري… امم هوايتك أيه.
نور/الكتابه
ياسمين/بجد كتابتي حاجه قبل كده.
نور/اه كتبت رواية بس خايفه أنزلها.
ياسمين بضيق/ياربي علي الخوف ده طب بصي هو جاي دلوقتي أخليه يساعدك.
نور بعدم فهم/مين اللي جاي..خلصت كلامي لقيتها بتقوم و بتجري علي شاب قمور و طول و عضلات و بتحضنه.
ياسمين ببتسامه/ده ياستي سامر مكتوب كتابنا.
نور بتتسامه/بجد الف مبروك ربنا يتمم علي خير.
ياسمين/عقبالك يارب.
سامر بتتسامه/الله يبارك فيكي يا قمر.
ياسمين/بقولك ايه ياض ايه رأيك في نور.
سامر بغمزه/ايه ده هتخليني أتجوزها.
ياسمين بضيق/علشان أقتلك و أقتلها.
نور بضحكه/انا مش مستغنيه عن نفسي.
سامر بضحكه/ولا انا بس بجد هي قموره اوي كفايه جمالك جمال طبيعي مش زي مراتي جعفر بتحط كيلو مكياج علشان توصل لحلوتك..قال اخر جملته بهمس و غمزه.
ياسمين بتذمر/بقا انا جعفر يا سامر ها انا جعفر…كانت تضربه في صدره.
سامر بضحكه هو يحضنها/جعفر بس بحبك.
كنت ببص عليهم و بدعيلهم ربنا يديمهم لبعض علطول و كنت بفكر هلاقي حد يحبني كده ولا لاء فوقت علي صوت ياسمين.
ياسمين/سمورتي نور عامله رواية عايزه انك تنشرها ليها.
نور بصدمه/ايه بجد.
سامر ببتسامه/طبعا انشرها ليكي هي ورقي ولا أكتروني.
نور/انا كتباها علي الفون.
ياسمين/أسمها ايه.
نور/احببت يهودي.
سامر/اسم حلو طب أبعتهالي بقا…قال كلامه وهو يفتح الفون بتاعه بعتهالو وانا مش مصدقه.
سامر ببتسامه/بكره هتكون في مصر كلها..هرد علي المكالمه دي و هاجي.
ياسمين/مبروك ياستي.
نور بدموع وهي تحضنها/بجد شكرا شكرا انا مش عارفه اقولك ايه انتي خلال ساعه بس عملتي مقدرتش اعملو بقالي سنين.
ياسمين ببتسامه/مفيش بين الصحاب شكر و انا معملتش حاجه انتي كنتي محتاجه حد يسحبك من اللي انتي فيه.
أبتسمت و فضلنا نتكلم كتير كنت فرحانه جدا كنت هطير من الفرحه انا عمري ماشوفت حد كده روحت البيت و دخلت أوضتي و فضلت ارقص و اغني اول مره احس حد بيحبني بجد رغم اني مشوفتش في عيونها شفقه خالص قاعدت علي المكتب كتبت كل حاجه حصلت معايا في مذكراتي و قومت علي السرير علطول علشان انام و يعدي اليوم بسرعه و يجيي بكره..
•••••••••••••••••••••••••••••••••••••••••••••
تاني يوم جه و نزلت لقيت ياسمين واقفه بالعربيه بتاعتها مستنياني ركبت معاها و روحنا أشترينا لبس كتير جداا.
نور بتذمر/بس ده عجبني.
ياسمين بغيظ/يبنتي ده لونو فاقع اوي و كمان في خطوط بالعرض اي حاجه فيها خطوط بالعرض بتعرض الجسم اكتر و اكتر لكن اي حاجه فيها خطوط بتلطول بتطول الجسم و تبينك رفيعه
نور بضيق/طيب خلاص.
ياسمين بضحكه/طفله اوي.
بعد ماخلصنا البس روحنا الكوافير و اتغيرت خالص من شكل البشره و لون شعري جديد و اتهورت و قصيته تغير و خلاص بعدين ياسمين أصرت اني البس طقم جديد و فعلا لبست و عملتلي ميكب خفيف و لفه جديده للطرحه بصيت لنفسي لقيت نفسي اتغيرت 180 درجه فعلا البس كان مخليني رفيعه كان معاها حق لما قالتلي ان في لبس بيتخن و لبس لاء انا معرفتش نفسي و بعدين خرجنا اتغدينا علي النيل و فضلنا نتكلم كتير و نتصور أكتر بكتير بجد حبيتها اوي و روحنا السينما و روحنا اماكن كتير خلتني اعمل حاجات كانت في احلامي بس طلع ان الجسم ملهوش علاقه المهم احنا عايزين ايه بعدين رجعت البيت كنت فرحانه جدا جدا صليت و فضلت ادعي كتير اني نفضل انا و ياسمين علطول صحاب مع بعض ابتسمت علي فضل ربنا لما خرج عبير من حياتي دخل ياسمين فضلت أحمده كتير وبعدين كتبت كل حاجه حصلت معايا في مذكراتي و نمت وانا مستنيه يوم جديد ابداء فيه من جديد….
••••••••••••••••••••••••••••••••••••••••••••••••
مر أسبوع وانا بتقابل مع ياسمين و بتعلم حاجات اكتر و اكتر و كان النهارده اول يوم أمتحانات دخلت و حمدلله عرفت أحل كويس و خرجت بدور علي ياسمين علشان بقينا نروح مع بعض و نرجع مع بعض بس لقيت عبير و علي و الكل جاي عليا الاؤل خوفت بعدين افتكرت كلام ياسمين و قولت لازم أثبت نفسي.
عبير بسخريه/اهلا بالعجلتي.
نور ببرود/اسمها كيرفي يا جاهله ولا متعلمتيش اوه سوري نسيت انك طول عمرك بتغشي مني خلينا نشوف السنه دي هتعدي ازاي.
علي بسخريه/ايه ده القطه طلع ليها لسان.
نور/و بتخربش كمان.
دنيا بعصبيه وهي توقع نور علي الارض/بس مش علينا يا برميل البحر.
بصيت حوليا لقيت الكل بيضحك عليا قولت مش لازم اعيط لازم اثبت نفسي روحت قومت بسرعه و ضربتها بالقلم قدام الكل/ده علشان تلمسيني تاني و كمان انا مش هتكلم معاكي اصل مش عارفه انتي ملكه جمال علي ايه وانتي فلات اصلا كله نفخ مفيش فيكي حاجه حلوة علي الاقل انا قمر و ملامحي حلوة لكن انتي لازم كيلو مكياج علي وشك علشان تبقي ربع جمالي بس مش بتوصلي علشان كده انتي حقوده همك تجرحيني و بس لكن انا مش هسيب ليكي فرصه تاني….قولت كلامي و مشيت وانا بترعش مش عارفه جبت القوه دي منين او اني اضربها كده او اتكلم كده…كانت ياسمين بتنادي عليا ببص عليها لقيتها جت و خدتني في حضنها.
ياسمين ببتسامه/انا فخوره بيكي.
نور/شوفتيني.
ياسمين/كنت واقفه بعيد قولت اشوفك هتعملي ايه.
نور/انا مش عارفه عملت كده ازاي.
ياسمين/و هتعملي اكتر من كده بكره الطريق لسه طويل.
نور ببتسامه/وانا قده ان شاء الله.
•••••••••••••••••••••••••••••••••••••••••••••••••••••
مر تقريبا شهر ونص اتقربت اكتر من ياسمين و سامر و اخت سامر برضو بقينا صحاب و بقيت اثق في نفسي بس مش اوي بس احسن من الاؤل بقيت برد علي اي حد يقولي كلمه وحشه..النهارده اخر يوم امتحانات كنا متفقين انا و ياسمين و اخت سامر اننا نسافر اسكندريه و نرجع بكره…دخلت الجامعه بثقه غير زمان خالص و دخلت الامتحان و حليته و اخيرا الوقت خلص و خرجت أدور علي ياسمين بس كالعاده ملقتهاش روحت أقف في الجنينه لقيت دنيا جايه عليا انا مقبلتهاش من اخر مره.
دنيا بخبث/اللي هعملو دلوقتي معاكي ده علشان تحرمي تمدي ايدك عليا تاني هخليكي عبره للعالم كله….مفهمتش حاجه و كانت عبير واقفه بتصور لسه هرد عليها لقيتها بتحدف حاجه سخنه اوي عليا فضلت اصرخ جامد اوي محستش بنفسي تاني غير لما فتحت عيني لقيت نفسي في مستشفى و ياسمين واقفه قدامي باين علي وشها العياط حصل ايه..افتكرت كل حاجه حطيت ايدي علي وشي لقيت شاش..
نور بخوف/حصل ايه مال وشي.
ياسمين بدموع/محصلش حاجه و دنيا اتقبض عليها.
نور وهي تقف سريعا/المهم وشي حصلي ايه.
ياسمين/مفيش حاجه حرق بسيط خالص.
نور بصدمه وهي تتحس وجهها/ايه حرق..اطلعي بره اطلعيي.
ياسمين/لاء مش هطلع لازم تبقي قويه.
نور بعياط/قويه و حرق بتقولي وشي اتحرق و اكون هاديه اذا لما كنت تخينه الكل بيتريق عليا و مش بيكلموني اومال لما ابقي محروقه أعمل ايه…قولت كلامي و زقتها و مشيت و رجعت البيت مكنش حد موجود دخلت اوضتي وقفت قدام المرايه و شيلت الشاش براحه جاتلي صدمه مقدرتش اتحرك نص وشي محروق جامد..فضلت اصرخ جامد وانا بوقع كل حاجه علي الارض و اعيط..انا عملت ايه علشان يحصلي ده كله..انا مالي.. طول عمري في حالي..كنت خلاص ماصدقت حياتي اتعدلت كل حاجه أتهدت..يارب لييه كده انا تعبت..قاعدة علي الارض من كتر التعب و انا بعيط افتكرت ياسمين مفيش غيرها بحبها تفضل معايا..اخدت تلفوني اتصل بيها لقيتها مغلق قولت اكلمها علي الفيس اول مافتحت لقيت صورتي!! ونا وشي محروق و كومنتات كتير تريقه و سخريه خلاص اتفضحت الناس كلها كانت بتكرهني كرهوني اكتر! خلاص محدش هيحبني! كده الكل هيخاف مني! طب ماما و اخواتي الاؤل مش بيحبو ياخدوني معاهم مكان وانا سليمه طب دلوقتي هيقرفو يبصو في وشي لازم اخلص الكل مني انا السبب ان الكل ده يكرهني انا وحشه انا مش حلوه لازم اموت لازم اموت…كنت بتكلم وانا بلف حولين نفسي و بعيط جامد كتبت كل حاجه في مذكراتي بعدين روحت البلكونه و وقفت علي السور لازم اموت انا السبب انا وحشه…
•••••••••••••••••••••••••••••••••••••••••••••
خلاص كل اللي بنيته فيها أتهد..كانت تتحدث ياسمين بدموع وهي تجلس بجانب سامر في السيارة.
سامر بحزن/كل حاجه هتتحل أن شاء الله.
ياسمين/يارب..بعدين لقيت فوني بيرن فتحته فضلت دقايق لحد ما اتنفضت من مكاني و قفلت بسرعه و قولت ل سامر يروح بيت نور اكيد كدب ازاي يحصل كده…وصلنا بيت نور كان ناس كتير متجمعه و ناس بتصرخ جامد و في جثة حد متغطيه علي الارض اول ماشوفت كده وقفت مكاني بصدمه يعني الخبر صح نور انتحرت و سبتني خدت قلبي معاها و راحت خلاص مبقتش موجوده..فضلت امشي براحه لحد ماوصلت للجثه و شلت الغطا اول مالقيتها نور محستش بنفسي غير وانا بصرخ جامد لاء اكيد هزار في حاجه غلط ازاي تموت و كافره كمان!….فات يومين علي موتها و ادفنت كنت في بيتها العزا كان هناك مامتها كانت في صدمه و اختها كانت في غيبوبه فعلآ صح مش بنحس بقيمة الشخص غير لما يروح! دخلت اوضتها ريحتها لسه فيها و لقيت صوره لينا كبيره متعلقه فضلت أعيط روحت علي المكتب بتاعها لقيت كشكول كبير مكتوب عليه مذكراتي فتحته و بدات أقراء………..
••••••••••••••••••••••••••••••••••••••••••••••
ياسمين ببتسامه/بكده تكون كده دي حكاية نور اللي مر علي موتها خمس سنين! كانت جميلة بسبب عنيهاا التي تتألق لما تتكلم عن حاجه بتحبها، كانت جميلة بسبب قدرتها على جعل الآخرين يبتسمون حتى وهي حزينة. كان جمالها ينبع من أعماق روحها بس هي مكنتش تعرف ده. كان همها راحت الناس هه حتي لما انتحرت كانت بتفكر فيهم. و هما برضو الناس اللي كانو السبب انها تتعذب كده تحت مسمي تخينه كانت بتاخد كمية تنمر بطريقه غبيبه خليكو معايا كده الناس بتتنمر عليها كده علشان تخينه اومال الناس المحروقه او اللي عندهم بهاق او اللي عندهم عيب خلقي في شكلهم او جسمهم دول بيحصل معاهم ايه؟ أنتو متخيلين اني امبارح بقلب في الفيس عادي لقيت واحده قموره خالص عندها السرطان منزله صورتها و شعرها واقع ده طبيعي دخلت علي كومنتات كمية تنمر و سخريه عليها بدل مانقول ربنا يشفيها دي أكتر حاجه تثبت اننا في مجتمع متخلف و متأخر فكريا و بسببه بنخسر كل يوم بنات زي نور في بنات كتير زي نور بيموتو في اليوم مليون مره بسبب الكلام اللي بيتقال ليهم حتي لو هزار؟ ليه مش بنجبر بخاطرهم؟ ليه مش بنقول كلمه حلوه. ده الرسول قالها الابتسامه في وجه أخيك صدقه مابالكم من الكلمه الحلوه محدش عارف اي بيحصل في الشخص اللي قولتله كلمه وحشه بيحصل فيه ايه. انت و انتي وانا احنا كلنا مين علشان نتريق علي حد تخين رفيع مشلول بيعرج عنده بهاق محروق شكلها وحش سمرا بيضه احناا مين علشان نتريق علي حاجه عند حد ملهوش علاقه بيها غير انه اتخلق بيها او حصلتلو دي خلقة ربنا ممكن تبقي في مكانهم في يوم من الايام تقبل حد يتريق عليك اكيد لاء يبقا بتتريقو عليهم ليه! حب ل أخيك كما تحب ل نفسك طب الأهل مفروض انتو اكتر ناس قريبه من عيالكم ليه بتهدموهم حتي لو بكلمه صغيره بتوجعهم مفروض انتو السند ليهم كلمه صغيره لو قولتوها هتشجعهم لكن انتو السبب وفي الاخر بتقولو ليه بيبعدو عننا علشان انتو بتبعدهم بكلمكوا معاهم. جربوا تشجعوهم انتي هتنجحي انتي حلوة انتي هتعمليها كام كلمه زي كده هتكسبوهم. و بالنسبه للصحاب انا لما دخلت حباة نور بدات تتغير علشان حبيتها بجد و كنت بساعدها ليه كلنا مش كده ليه لما بنلاقي حد بيحبنا بنستغلو! بدل كده ممكن نشوف بيعمل ايه غلط و ننصحو هيسمع مننا لانه بيحبنا نسحبه من الضلمه للنور بتاعنا نشجع بعض نصلي نصوم نلبس واسع نلبس دريسات نثق في نفسنا نساعد غيرنا ليه الصحاب بقا كل واحد يهتم ل مصلحته ليه منبقاش زي أبي بكر الصديق و الرسول لما الرسول بيتوجع ابي بكر بيبكي للاسف عمرنا ماهنتغير غير لما كل بيت يخسر حد زي نور ساعتها هنفوق انا فعلا بقول لكل واحد بيتنمر ربنا يشفيك لانك مريض بجد و اي بنت زي نور او عندها حاجه بتخلي الكل يتنمر عليها انتي حلوة مهما كنتي طويله قصيره رفيعه تخينه سمرا بيضه مهما كنتي انتي حلوة حبي نفسك ثقي في نفسك محدش واخد من الدنيا حاجه عيشي حياتك فكك من الناس و هيجي في يوم حد هيحبك زي مانتي مهما كنتي انا مش عايزكو تبقو زي نور تخسرو دنيا و أخرة و شكرا….قولت كلامي لقيت الكل بيصقف أخدت نفس وانا ببص علي سامر واخيرت الحلم اتحقق نزلت و روحت عنده بدات الصحافه تسألني و تصورني لحد ماجه واحد.
استاذه ياسمين/الفلوس اللي بطلع من الروايه مفروض تبقا من نصيب نور بس هي ماتت.
ياسمين ببتسامه/كل ربع جنيه يطلع يتوزع علي الغلابه و الجوامع و كل مكان يمكن ربنا يغفر ليها…..اه نسيت أقولكو ان بعد ماقريت المذكرات نور عملتها رواية و كنت دلوقتي في مؤتمر صحفي علشان الروايه…فوقت علي صوت سامر.
سامر/يلا نروح.
ياسمين ببتسامه/يلا.
……/وانا كمان خدوني معاكم ااه نستوني صح.
ياسمين وهي تحملها/محدش يقدر ينساكي يا نوري….بعدين ركبنا العربيه و روحت المقابر و روحت عن قبر نور.
نور بفضول/مامي هي خالتو نور جوه هنا.
ياسمين/اه جسمها جوه لكن عقلها عند ربنا يلا نقراء الفاتحه الاؤل.
نور ببتسامه/يلا…صدق الله العظيم…أكلمها دلوقتي.
ياسمين/ااه.
نور بصوت طفولي/السلام عليكم يا خالتو نور تعرفي ماما بتحبك اوي علطول بتحكيلي عنك علطول حتي سمتني علي اسمك. كان نفسي اشوفك بس بشوف صورك مع ماما. هي قالتلي انك مش هتردي عليا بس سمعاني انا بحبك اوي و علطول بدعي ربنا انه يدخلك الجنه علشان نتجمع مع بعض.
سامر/يلا بقا يا نور نستني ماما بره.
نور بتذمر/كان نفسى افصل اتكلم معاكي اكتر من كده بس اكيد ماما وحشتك ف همشي انا بحبك يا خالتو…قالت كلامها و ذهبت هي و سامر.
ياسمين ببتسامه/السلام عليكم يا ستي عارفه انك زعلانه مني علشان بقالي اسبوع مش بزورك علشان مش بقيتي تجيلي في الحلم بس عارفه انك بتحبني و هتعذريني كنت مشغوله في المفاجأة طبعا أول حاجه انتي وحشتيني كنت بتمني تبقي معايا النهارده و تاني حاجه دي ياستي كانت نور بنتي عندها 4 سنين شبهك اوي نفس خدود و العيون و طيبة القلب و تالت حاجه ان حكايتك اتعرفت في العالم كلها يا نور قصة حياتك انا عملتها رواية تحت أسم(فتاة التنمر) نجحت اوي اتعرفت عالميا و أترجمت ل 14 لغة و هيتعمل منها فيلم مصري و امريكي و النهارده كنت في مؤتمر خلاص حكايتك فوقت ناس كتير و كانت ممكن تبقا مكانك و خلت ناس كتير يبطلو تنمر يارب بس يعملو بيها الكل بيدعيلك يانور…لتقف تمسح دموعها بتنهيده ل تكمل وهي تلمس القبر/صح انتي موتي لكن هتفضلي جوه قلوبنا يا نور…
“التنمر يقوم به الأشخاص الذين ليس لديهم ثقة بأنفسهم على الإطلاق ، يجب أن تتذكر أن المتنمر خائف منك لأنك لديك شيء لا يملكه ، وهذا ما يجعله يضايقك باستمرار ، لذا لا تدع كلماته تؤثر عليك لأنه هو الذي يحتاج إلى الثقة وليس أنت .!!” ♥️
♡♡♡♡♡♡♡♡♡♡♡♡♡♡♡♡♡♡♡♡♡♡
(فتاة التنمر)
حكايات_بنعيشها
♡بقلمي:دعاء حسن♡
انت يااض هات الساعة.
……/بتكلمني انا! انا اسمي زياد يحلوة مش ياض.
انا/انا مال أهلي اسمك ايه هات الساعه.
زياد ببرود/بس انا شوفتها الاؤل و هخدها انا.
انا/لااا بقولك منا مش بقالي شهر بحوش حقها وفي الاخر تاخدها انت
زياد/دي بتاعة ولاد هتعملي بيها ايه انتي.
انا/انت ماالك هاتها.
البائع/أهدو ممكن تستني يومين و أجبلك واحده غيرها.
انا /لاء عايزه دي مليش دعوه.
في نفس الوقت كان زياد دفع فلوسها و خدها و جري خرجت وراه لقيته أختفي كنت هموت من الغيظ.. ااه صح نسيت أعرفكم عليا انا دعاء 18 سنه بنت بسيطه حلمي بسيط اتجوز واحد زي ابطال الروايات بس ده حلم لان بكره أول يوم دراسه ل سنه الجديده تالته ثانوي مع طارق اللي هينفخني.. ايه ده انا بحكي ايه انا نسيت المكرونه ماما هتنفخني أسيبكم مع حكايتي..
•••••••••••••••••••••••••••••
تاني يوم جه و طبعا روحت المدرسه و بعدين علي الدروس في السنتر وانا واقفه مع صحابي لقيت زياد داخل من الباب مع صحابه ولما شافني غمز ليا وهو بيشاور علي الساعه في أيده عملت نفسي مش شايفه حاجه…. بعدين دخلت قاعة الدروس كان قاعد لانهم بيدخلو الاولاد الاؤل.. بس ده طلع قدي كنت فاكرة أكبر….حضرنا الدرس وبعد ماخلص عديت علي السوبر ماركت و باخد الأندومي لقيت حد حط أيده علي الكيس بتاعي ببص عليه لقيته زياد!!
زياد/علفكره انتي مستقصداني.
دعاء بعصبيه/انا ولا انت اللي بتمشي ورايا.
زياد بسخريه/من جمالك يعني همشي وراكي.
دعاء بستفزاز/انا مش هرد عليك علشان طلعت قدي يعني عيل سلام.
سيبته و مشيت وانا بدعي ربنا مشوفش وشه تاني.
••••••••••••••••••••••••••••••••••••••••
تاني يوم وانا واقفه في موقف الاتوبيس منا مدرستي بعيده فضلت واقفه ربع ساعه تقريبا لحد ماجه الاتوبيس كان مش مليان اوي طلعت و قاعدة جمب الشباك لقيت حد قاعد جمبي ببص لقيته زياد!!.
دعاء بغيظ/لا كده كتير علفكره.
زياد/انا بقول كده بقينا أوفر.
دعاء بضيق/طب ممكن لو سمحت تقعد في كرسي تاني.
زياد وهو يرفع رجل علي رجل/والله لقيت كرسي فاضي مليش دعوة.
دعاء/هوووف طيب.
زياد/مدرستك فين.
دعاء/وانت مالك.
زياد/اكيد الصدف دي مش عاديه ممكن نبقا صحاب حبايب محدش عارف أيه هيحصل.
بصيت عليه من تحت ل فوق/وسع علشان نازله.
زياد/والله انتي اللي خسرانه.
سيبته و نزلت هو شخص مستفز بس قمور أوي.
••••••••••••••••••••••••••••••••••••••••••
بعد مرور أيام كان في السنتر عملو جروب علي الواتساب بس كانو بيتكلمو كتير ف خرجت منه مكملتش خمس دقايق لقيت رقم داخل يكلمني.
الرقم/خرجتي ليه.
انا/مين؟
الرقم/بتاع الملامين.
انا بضيق/هه بلوك يا خفيف.
الرقم/استني استني.
انا/مين؟
الرقم/هو في حد هيعبرك غيري بتاع الساعه.
انا/ااه هو انت. عايز ايه؟
زياد/قولت ارخم مش أكتر.
انا/امسح الرقم.
زياد/لاء.
مكملتش ثواني لقيت صورته ظهرت/ايه ده سجلتني؟ امسحح الرقم مش بتفهم.
زياد/مش هعمل حاجه بيه بس علشان لو احتاجت حاجه هكلمك.
انا/انا مش ناقصه صداع بلوك.
وعملتله بلوك لاني مليش في الحوارات دي بس كنت هموت و افضل أكلمه!!!
•••••••••••••••••••••••••••••••••••••••••••
تاني يوم وانا واقفه مستنيه صحبتي تحت بيتها لقيته نازل من البيت أتصدمت.
زياد بغمزه/مكنتش اعرف انك عارفه بيتي و بترقبيني.
دعاء/لو اعرف انك ساكن هنا مكنتش جيت أصلا.
زياد وهو يضع يده علي قلبه/يااه مكنتش اعرف انك بتحبيني اوي كده.
دعاء/سلام.
زياد بضحكه/خلاص خلاص عايزك في موضوع بجد.
دعاء وهي تنظر اليه/خير.
زياد/بجد مش ملاحظه ان الصدف كترت و دي أشاره اننا نتكلم و مش عايز رد فكري لو موافقه فكي البلوك سلام.
سبني و مشي مكنتش عارفه اعمل ايه عقلي بيقولي لاء و قلبي بيقولي جربي بس فضلت افكر طول اليوم أعمل ايه لحد ماروحت بليل و مسكت الفون كنت متردده بس شيلت البلوك و قفلت الفون بسرعه و فتحت بعديها بساعه تقريبا لقيت 20 مسدج منه بينادي عليا.
انا/ايييي فييي
زياد/كنت متاكد انك هتشيلي البلوك.
غظني جدا/ممكن احطه تاني علفكره.
زياد/بهزر يا رمضان مبتهزرش.
انا/لا يخويا بهزر.
زياد/ايوا كده فكي.
انا/انت شكلك بترغي كتير وانا عايزه انام سلام.
زياد/أستني بكره في نفس الموقف؟
اترددت معرفتش أقوله أيه كنت حاسه اني بعمل حاجه غلط/ااه نفس الموقف.
زياد/اشطاا تصبحي وانتي من أهله الجنه.
انا/وانت فيهاا.
قفلت الفون كان قلبي بيدق بطريقه غريبه بس معرفش ليه ف قولت أسيب كل حاجه علي ربنا.
•••••••••••••••••••••••••••••••••••••••••••
مرت الاسابيع و انا و هو بنقرب من بعض بشكل كبير بنروح مع بعض و بنيجي مع بعض و بقينا بيست فريند عارف كل حياتي وانا عارفه كل حياته و بنتكلم فون بالساعات و اوقات بنخرج في كافيه بنذاكر مع بعض و كنت بفرح اوي لما ببقا معاه و حبيته جدا بس ضميري صاحي كنت عارفه اني بغلط لما بكلمه من وراه أهلي و بمشي معاه و كلام صحابي عليا غير الذنوب اللي باخدها بس كنت لما بشوف ضحكته كنت بنسي ده كله..بس أخدت قرار من يومين اني أبعد عنه بقيت أروح سنتر تاني و بقيت قافله الفون خالص مكنتش بنزل خالص لانه عارف كل مكان بروحو.
••••••••••••••••••••••••••••••••••••••••••••
بعد مرور اسبوع وانا بعيده عنه و مش بكلمه كان في درس في السنتر القديم و المستر ده مش بيدي في سنتر تاني غيره كان لازم أروح…. وفعلا روحت اول مادخلت لقيته في وشي مع صحابه فضل واقف يبصلي كتير أكنه مش مصدق اني قدامه لقيته بيشاور براسه علي فوق يعني اطلع الدور التاني بس انا عملت نفسي ماخدتش بالي و مشيت علطول و دخلت القاعه كان في طلاب كتير ف روحنا انا و صحابي عند أخر صف قاعدنا فيه و بعدين دخلت الأولاد راح هو برضو راح عند اخر صف من ناحية ألتانيه و قاعد فيه.. طول الحصه كان بيبصلي بس انا كنت بحاول مابصش عليه….و أخيرا خلصت الحصه و طبعا الاولاد بتخرج الاؤل قام هو و حدف عليا ورقه و مشي وانا أتحرجت جامد لان البنات معظمها بصتلي بس خرجت علطول فتحتها لقيت مكتوب فيها(اقسم بالله يا دعاء لو مطلعتيش الدور التاني هكون رايح عند بيتك و هنادي عليكي في نص الشارع) انا خوفت لانه مجنون و يعملها بس طلعت الدور التاني كان في حمامات و أوض مقفوله فضلت واقفه لقيت حد فتح أوضه و بيشدني لجوه.
دعاء بعصبيه/انت متخلف بتعمل ايه.
زياد وهو يشد شعره بعصبيه/انا متخلف! اومال انتي ايه بتبعدي ليه مش بتردي عليا ليه مش بتيجي ليه.
دعاء بستهزاء/مفروض اجاوب علي ده كله.
زياد/اه و متعصبنيش اكتر علشان اكيد في حاجه.
دعاء/تمام انا شايفه اللي بنعملو ده غلط كلمنا و خروجنا و كل حاجه حرام.
زياد/و لسه ملاحظه دلوقتي بعد ما اتهبتت.
انا بعدم فهم/اتهبتت في ايه.
زياد وهو يخبط يده في الحيطه/اني حبيتك.
دعاء بصدمه/ايه.
زياد وهو بيبصلي بعيون دامعه/ايوا من بدري ازاي محستيش اني بحبك ازاي.
انا ببعض الفرحه و الحزن/بس مش هينفع كده غلط كبير.
زياد وهو ينظر اليا بقوه/بتحبيني.
دعاء/كده حرام هنتحاسب.
زياد/بتحبيني.
دعاء/مش عايزه أكسر ثقة أهلي فيا.
زياد/بتحبيني
دعاء/هتقول عليا شمال واني مشيت معاك قبل الجواز.
زياد/بتحبيني
دعاء/هتيجي يوم و هتسيني
زياد/بتحبيني
دعاء/هتوجع قلبي و هتجرحني.
زياد/بتحبيني.
دعاء بستسلام/اه بحبك
زياد ببتسامه/وانا كمان بحبك و وعد مني عمري ماهجرحك ولا هزعلك و مش هقول حاجه تزعلك و كلامنا هيبقا بحدود أخرنا بحبك بس علشان بحس بانتعاش كده حتي ايدك مش همسكها غير لما نتجوز و مش هسمح لحد يتكلم عليكي حرف واحد.
بصيت علي عيونه حسيت انه مش بيكدب حاجه فيا بتقولي بلاش و حاجات بتقولي وافقي بس طبعا استسلمت و وافقت.
زياد بتنهيده/واخيرا يلا قوليلي بحبك.
دعاء بكسوف/زيييااااد
زياد بحب/قلبه و عمره
دعاء/يووه
زياد بضحكه/خلاص خلاص علشان خدودك هتنفجر.
دعاء/طب يلا همشي
زياد/يلا.
مشيت وانا فرحانه. لا فرحانه ايه هموت من الفرح.
••••••••••••••••••••••••••••••••••••••••••••••
انا بغضب/الووو بتتصل ليه.
زياد/يعني مفروض مين يتعصب انا ولا أنتي.
انا/والله شوف نفسك بتحب تستعرض نفسك علشان البنات تعكسك.
زياد/ايه ده بتغيري.
انا بعصبيه/ياااض متعصبنيش هقفل في وشك.
زياد/بقا حد يقول ل حبيب قلبه هقفل في وشك.
انا بغيظ/سلاام.
زياد وهو يضحك/خلاص يا مجنونه.
انا/عايز ايه.
زياد/احنا بقالنا قد ايه مرتبطين.
انا بتنهيده/خمس اسابيع.
زياد/فل اوي شوفتيني بكلم بنت فيهم.
انا/لاء
زياد/او عبرت حد غيرك
انا/لاء
زياد/يبقا مليش دعوه لما واحده تتكلم عليا و تقول كلام حلو منا جمالي ميتقومش.
انا بغيظ/سلام ياض.. قفلت في وشه و بعدين قومت و صليت وانا بدعي ربنا يخليه من نصيبي.
•••••••••••••••••••••••••••••••••••••••••••••
في تاني يوم وانا رايحه الدرس كنت لابسه لبس ضيق سيكا كان قالي قبل كده ملبسهوش بس لبسته تاني علشان اعصبه بس…اول مادخلت طبعا لقيته في وشي بصلي بصه خلتني اموت من الرعب كنت عايزه اجري علي البيت اغير هدومي بس الوقت فات…مره واحده حصل خناقه و كان زياد بيضرب حد!!
عند زياد كان يقف مع صحابه لكن توقف مكانه عندما رأها تدخل بملابس ضيقه لل غايه فاق علي صوت صديقه رامي.
رامي/البت دعاء دي صاروخ.
زياد وهو يضم يده بعصبيه/طلعها من دماغك.
رامي بخبث/وانت مالك منا بعاكس كل البنات اشمعنا دي.
زياد/لان دي غيرهم.
رامي بسخريه/السنتر كله عارف انها المزه بتاعتك.
زياد ببرود/اهو عرفت انها حبيبتي طلعها من دماغك بقا.
رامي/يبختك البت وتكه.
زياد بعصبيه/انا قولتلك بس وانت محرمتش انت حر…في ثواني كان رامي يقع في الارض و بداءت الخناقه بنهم و الكل كانو بيحاولو يبعدوهم عن بعض و بعد فتره بعد زياد عن رامي لقيته جاي عندي و مسك ايدي و شدني وراه بغضب…حتي روحنا عند النيل مكنش حد فينا اتكلم.
دعاء بخوف/ز زياد.
زياد بعصبيه/عايزه ايه من الزفت اسكتي مش عايز اسمع صوتك هنفجر فيكي.
سكت بخوف لقيت نفسي بعيط لوحدي عمر ماحد زعقلي كده.
زياد وهو بيبص عليا/بتعيطي ليه دلوقتي.
دعاء/علشان زعقتلي.
زياد ببتسامه غصب عنه/بحب بنت أختي.
دعاء بتذمر/بتتريق حضرتك.
زياد/لا بس بطلي اومال لو ضربتك هتعملي ايه.
دعاء/هكسر ايدك.
زياد بتنهيده/علشان قولتلك متجيش بطقم ده تاني او متجيش بلبس ضيق تاني كله واسع.
دعاء بغيظ/هتتحكم فيا بقا لما اكون مراتك لكن دلوقتي البس براحتي.
زياد وهو يمسح وجهه بعصبيه/ليه فاهمه انه تحكم ليه مش خوف عليكي.
دعاء/و ايه الخوف في كده.
زياد بهدوء/لانك بنت مش شايفه ده لاكن انا شب عارف تفكير الشباب عامل ازاي نظرتهم ليكي بلبس ده ازاي انا صح من القاهره و فرفوش لكن غيرتي نار و انا مستحملش حد يبصلك او يقول حاجه عليكي و عايز حبيبتي و مراتي تكون صاينه نفسها.
دعاء/قصدك اني مش صاينه نفسي.
زياد/يخربيت دماغك اسكتي اسكتي.
دعاء ببتسامه/تعرف طول عمري نفسي ف واحد زي الروايات طول بعرض بقا بس الحلم متحققش غير حاجه واحده هي غيرتك زيهم.
زياد بستفزاز/احمدي ربنا احسن من مفيش.
دعاء/واد مستفز
زياد بغمزه/بس بيعشقك
••••••••••••••••••••••••••••••••••••••••••••••••••
مر شهور علي علاقتنا كان فاضل كام يوم علي الامتحانات. كنا خلاص بقينا واحد تقريبا طبعا متعدناش الحدود كل يوم بيثبتلي انه راجل من أهتمامه و حبه و غيرته و بدأ يخليني احفظ قرأن و أصلي و خلاني أتحجب بقيت بعشقه جدا علطول بنتكلم فون و بنخرج و بنشجع بعض علي المذكره دايما معايا مستحملني و مستحمل هرموناتي بقيت ادعي ربنا علطول انه يبقا من نصيبي..لحد ماجه اليوم كل حاجه أتبدلت فيه.
انا بعصبيه/ازاي يعني عايزني أوافق عليه انا مش موافقه.
بابا بعصبيه/ليه هتوافقي و رجلك فوق راقبتك كمان الظاهر دلعتك كتير و اعملي حسابك اول ما هتخلصي امتحانات هنعمل الخطوبه….قال كلامه و غادر روحت جريت عند ماما يمكن تقنعه.
ماما/انتي مشوفتيش محمد هو شخص كويس و بيحبك من زمان و مستني تكبري.
انا بدموع/بس انا مش بحبه.
ماما/هتحبي بعد الجواز و زي ما بيقولو خدي اللي بيحبك و متاخديش اللي بتحبيه.
انا/علي الاقل يبقا ليا رأي مش غصب كده.
ماما وهي تغادر/مهما عملتي الجوازه دي هتم.
قالت كلامها وانا كنت في عالم تاني طب زياد؟ طب حبنا؟ مش هقدر ابعد عنه يارب ساعدني يارب….قومت و كلمت زياد قولتله لازم نتقابل ضروري.
زياد/حصل ايه انتي كويسه.
بصيت عليه بدموع و حكيت كل حاجه علي العريس و اهلي و كل حاجه لقيته واقف ساكت.
دعاء/ساكت ليه.
زياد بتنهيده/هقول ايه.
دعاء/اي حاجه
زياد/كلامي مش هيأخر ولا هيزيد.
دعاء/مش فاهمه.
زياد/يعني انا طالب لسه مروحتش جامعه اصلا يعني لسه جامعه و جيش سنيين ل قدام هتستنيني.
دعاء/اه هستني.
زياد بتتسامة وجع/أهلك مش هيستنو ده كله وافقي يمكن هو أحسن مني ليكي.
دعاء بصدمه/بتتكلم بجد.
زياد بوجع/ااه بتكلم جد.
دعاء ببكاء/يعني كنت بتتسلي بيا صح
زياد/مش شرط بس انا شايف اهلك صح انا طالب هو مخلص و جاهز و بيحبك.
دعاء/يعني انت مش بتحبني ولا انا كمان بحبك انا بكرهكك بكرهكك…قولت كلامي و مشيت بسرعه كنت بعيط جامد وجع قلبي كان كبير اتخلي عني بسهوله.!
•••••••••••••••••••••••••••••••••••••••••••••••
مرت ايام الامتحانات و المراجعه و مكنش بيجي خالص كنت فاكره انه هيرجع تاني يوم و هيقولي انتي بتاعتي بس مجاش كنت بكدب نفسي معقول كل ده تسليه كان بيلعب بيا طب الحب و الاهتمام كل ده كدب ساعتها استسلمت للواقع اتنقلنا في منطقه تانيه و بعد النتيجه الثانويه أتعملت الخطوبه كنت بشوف زياد قدامي مش محمد زياد كان في كل تفكيري و كياني و حياتي بس بقيت ادعي ربنا انه يريحني من العذاب ده.
•••••••••••••••••••••••••••••••••••••••••••••••••
……/دعاء جهزي العقد هنروح الشركه بعد ساعه
انا/حاضر يا فندم
المدير/مش عايز غلط ده اهم عقد ل شركتنا.
انا/ان شاء آلله كل حاجه هتبقي بخير.
المدير/ان شاء آلله انتي من أحسن المترجمين في الشركه علشان كده هاخدك معايا.
انا/شرف ليا. انا هروح أجهز نفسي.
المدير/تمام روحي.
خرجت من عنده…طبعا عايزين تعرفو اي اللي بيحصل ده انا هقولكو مرت سنين كتير تقريبا 9 سنين طبعا هتقولو اني حبي ل زياد مكنش حب واني حبيت محمد تؤتؤتؤ بعد خطوبتي من محمد بكام شهر سيبته و دخلت الجامعه و قابلت ناس كتير اوي اوي و ارتبطت اكتر من اربع مرات و سبتهم بنفس السبب اللي هو محستش معاهم بالامان اللي حسيته مع زياد! ااه زياد انا لسه بحبه عمري ما نسيته لحظه مع انه شاف حياته و اكيد اتجوز بس انا لسه واقفه عنده بس نجحت في شغلي و اسمي و كياني الا الحب لحد مازهقت وعدت بابا اول عريس يتقدملي هوافق عليه و نكتب وقتها علطول من غير ماشوفه يمكن هو ده الخير ليا..نسيت أقولكم اني لبست الخمار كان كيوت اوي و كبرت و عقلت و فهمت كل حاجه..شوفتو نسيت نفسي معاكو عارفه انكو زهقتو بس خلاص حكايتي قربت تخلص..يلا المدير بينادي عليا..روحنا الشركه و كان المدير بتاعها لسه مجاش و كنت انا بجهز كل حاجه مره واحده دخل المدير ببص عليه اتصدمت معقول زياد!!! يااه 9 سنين مشفتوش متغيرش اوي بقا طويل و عضلات و دقن حلوة اوي..لقيته بيبص عليا بصدمه نزلت راسي بسرعه مش لازم أضعف…بداء الاجتماع و انا بتجنب أبص عليه..بدات أترجم و اشتغل بكل حرافيه بصيت عليه لقبت في عيونه نظرت فخر! فضلت اسأل نفسي لسه بيحبني اكيد لاء خلاص لازم أنسي…فوقت علي صوته ياااه وحشني اوي.
زياد/مدام دعاء.
دعاء بعمليه/نعم.
زياد/بعيد عن الشغل عامله ايه.
دعاء بجمود/حمدلله كويسه.
زياد/و جوزك.
دعاء/جوزي!
زياد/علشان كنتي اتخطبتي.
دعاء/اااه لاء محصلش نصيب بس دلوقتي مخطوبه لحد تاني اول مايرجع هنتجوز و أكيد هتيجي.
زياد ببتسامه/طبعا ربنا يتمم علي خير.
مش عارفه ليه أتعصبت علشان قالها بفرحه كده هووف لسه هخرج لقيته بيقولي.
زياد/مبروك للخمار شكلك حلو اوي فيه.
دعاء/شكرا.
قولتها و خرجت علطول اول ماروحت البيت لقيت بابا بيقولي بكره جاي عريس ليا و طبعا فضل يقولي كبرتي و هتوافقي وانا وافقت و قولتله لو عايز يكتب كمان موافقه من غير ماشوفه.. خلاص كان لازم اوافق مش هفضل اعيش علي وهم زياد و بس.
•••••••••••••••••••••••••••••••••••••••••••••
تاني يوم المغرب كان العريس بره و اهلي و صحابي كلهم بره انا مش عايزة اخرج و مش عايزه اتجوز بس دي الطريقه اللي هنسي بيها زياد…جه المأذون و بداء يكتب الكتاب و ماما دخلت بالورق و مضيت عليه خلاص بقيت حرم حد تاني معرفش شكله خلاص حمدلله على كل حال…حسيت بحد داخل عليا كنت مديالو ضهري فضل واقف فتره كبيره لحد ماتكلم.
……/ايه حرمي المصون مش ناويه توريني وشها.
سمعت صوته قلبي دق جامد كان هيخرج من مكانه بصيت عليه لقيته هو زياد بنفس ضحكته اللي خطفت قلبي من 9 سنين.
دعاء بصدمه/ز زياد.
زياد بغمزه/قلبه و عمره.
دعاء/ازاي كده.
زياد وهو يقترب مني/ربنا عايز كده.
دعاء/ها.
زياد وهو يبتسم و بيمسك ايدي/ياااه تعرفي بقالي كام سنه اموت و امسكها…لقيته بيخرج حاجه من جيبه.
دعاء بصدمه أكبر/الساعه
زياد وهو يلبسني الساعه/من اول يوم حبيتك فيه وانا شلتها و قولت هحافظ عليها لحد ماتكوني حلالي و هلبسها ليكي.
دعاء بدموع/بس انا مش عايزه حاجه.
زياد/بحبك.
دعاء/جرحتني.
زياد/وبحبك.
دعاء/أتخليت عني.
زياد/و بحبك.
دعاء/مفكرتش تسأل عليا.
زياد/و بحبك.
دعاء/بقالي 9 سنين بتوجع.
زياد/و بحبك.
أبتسمت و بصيت علي الارض لقيت بيرفع وشي وهو بيقول/لسه بتحبيني صح.
أبتسمت و قولت/للاسف لسه بحبك.
لقيته مره واحده حضني و رفعني من الارض وهو بيقول/الحضن ده كان حلم بعيد أوي….
“الأحلي من أنك تحب أنك تلاقي اللي يستاهل الحب ده”♥️
عايزه أقول حاجه”القصه دي مش حقيقيه هي من تأليفي هدفي أوصل رساله يمكن المعظم فهمها بس هي اننا منستسلمش اول حاجه ربنا فرق دعاء و زياد علشان حبو بعض في الحرام 9 سنين دول كان عقاب ليهم بس في الاخر اتجمعو بعد عذاب كبير و كمان خير ليهم يمكن لو متفرقوش مكنوش هيبقو مع بعض دلوقتي! لما اتفرقو اتعرفو علي ناس كتير قبلو مشاكل أكتر اتعلمو دروس كتير يمكن لو فضلو مع بعض مكنش هيحصل ده كله و يسيبو بعض من أول مشكله محدش عارف الخير فين غير ربنا علشان كده نحمد ربنا علي أي حاجة تحصل لينا و نصبر و ندعي كتيير ربنا بيحقق مهما فات الوقت دعاء كانت بتدعي كل يوم انه يبقا من نصيبها و الامنيه اتحققت بعد 9 سنين مش مهم قد ايه المهم انها اتحققت مش كل الشباب زي زياد و في ناس كتير زي زياد المهم تدوري صح و الاهم برضو ان ” لا نهايات للحب الحب الذيي ينتهي لم يكن حبا “. ♥️
♡♡♡♡♡♡♡♡♡♡♡♡♡♡♡♡♡♡♡♡
حكاوي_دعاء♡
♡بقلمي: دعاء حسن♡
هاي عمو ممكن كيس شيبسي.
البائع/عمو!! انتي عندك كام سنه.
البنت بتنهيده/دول سبعه.
البائع/بس باين عليكي في العشرينات.
البنت بدموع بصوت طفولي/لا والله عندي سبعه بس مش العشرينات دي.
البائع ببتسامه/خلاص خلاص طب أسمك ايه.
البنت/مش عارفه اسمي ايه
البائع/ازاي انا مثلا اسمي ‘ياسر’ اكيد ليكي أسم.
البنت/مش عارفه بقا قولي أي حاجة.
ياسر ببتسامه/اممم خلاص هقولك ‘ملاك’ لانك قمر.
ملاك بضيق/قول اللي هتقولو بس دلوقتى بطني بتصوصو جعانه.
أبتسم عليها/طب روحي أقعدي هناك و هجبلك.
ملاك/اوكييي.
بعد ربع ساعه كان أتي لها بطعام و أخدته و كانت تأكل بشهيه كبيره…كان ينظر اليها فاهي جميله و ملابسها كبيره لكن طريقه كلامها و تصرفاتها كالطفله بضبط….
ملاك وهي تضع يديها علي فمها/اااه عيني بتغمض لوحدها عايزه أنام.
ياسر/عندك بيت.
أومأت بنفي/لااع مش عندي.
ياسر بتفكير/خلاص تعالي معايا.
ملاك وهي تضع اصابعها في ذقنها/انت عندك كام سنه.
ياسر/27
ملاك/وه كل ده رقم انت كبيير اوي يلا طيب هاجي معاك.
ياسر بضحكه/مش خايفه أخطفك.
ملاك وهي تتراجع للخلف بدموع/عايز تخطفني ليه انا مش معايا فلوس اجيب أكل ل بطني اللي بتصوصو أصلا يعني هتخطفني ليه أهئ أهئ اهئ اهئ.
ياسر بستغراب/بس أهدي بهزر مش هعمل حاجه.
ملاك وهي تمسح دموعها بطفولية/يلاا
••••••••••••••••••••••
……/مييييين ديي يااض اتجوزت من ورايا علي أخرة الزمن.
ياسر/امي أهدي دي واحده تايها.
مامته بستنكار/بقا بنت شاحطه زيها تتوه ليه هبله.
ملاك وهي تضع يديها في أذنها بصوت طفولي/طنط واطي صوتك شويه كده وداني هتبوظ.
ياسر بضحكه عليها/ملاك روحي أقعدي هناك… ذهبت الي المكان.
مامته/هي بتتكلم كده ليه لسانها معوج.
ياسر بتنهيده/لا دي تقريبا عندها فقدان او حاجه لانها مش فاكره حاجه خالص.
مامته ببعض الحزن/طب دي باين عليها غنيه هنخليها عندنا ازاي و انت هتنام فين.
ياسر/انا هدور علي أهلها بكره و هنام في الاوضه فوق السطح.
مامته/ياربي علي المصيبه دي خلاص ماشي.
ياسر بخوف/ماما هي طيبه متعمليش ليها حاجه.
كادت تجاوب لك شعرت بأحد يدخل رأسه بينهم.
ملاك/هو أنتو بترغو في ايه مش عايزني أسمعه.
ياسر ببتسامه/مفيش يا ستي دي أمي كريمه تمام هتفضلي معاها هنا.
ملاك ببتسامه/ممكن أقولك ماما كريمه.
كريمه بحنيه/طبعا يا حبيبتي.
ياسر/يلا هطلع انا تصبحو علي خير.
•••••••••••••••••••••••••••••••
في اليوم التالي كان يجلس بجانب ولدته/فين ملاك.
كريمه وهي تتابع التلفاز/في الاوضه.
ياسر/طب انا رايح ليها.
~~~~~~~~~
ملااك/أدخل.
ياسر/ملاك مش عايزه تقعدي معانا ليه.
ملاك بحزن/مش عارفه أعمل قطتين.
ياسر بستغراب/عايزه قطط.
ملاك وهي تضرب جبهتها/يوه لاء مش كده قصدي في الشعر قطتين في الشعر يعني واحده كده و واحده كده…كانت تتكلم وهي تشرح له.
ياسر/اه فهمت تعالي أعملك انا
ملاك وهي تجلس أمامه/اوكيي.
“بعد ساعه”
ملاك بغضب/هوووف بقا كل شويه تعملي حاجه مختلفه اتعلم القطتين بقا بقالي كتير بقولك.
ياسر وهو يرميها للامام/بت غوري انا زهقت.
ملاك/هاتلي شيبسي وانت جاي.
ياسر/انا مش بجيب ببلاش هاتي فلوس.
ملاك بتذمر/انا مش معايا يبقا ليك عندي و كمان اصلا عايز ليه انت عندك محل كببير اوي.
ياسر/يخربيتك هيفرقع دلوقتي و اصلا مش بتاعي ده بتاع صاحبي.
ملاك بزعل/يعني انت مش عندك محل و ملاك دلوقتي عايزه شيبسي هات ل ملاك شيبسي.
ياسر بملل/هجبلك بليل انا دلوقتي طالع السطوح.
ملاك وهي تهز رأسها بعنف/لالالالا هتمووت ليه خليك لحد بليل تكون جبتلي شيبسي كتير يكفيني و بعدين موت.
ياسر بضحكه/يارب صبرني تيجي معايا.
ملاك بتفكير/اممممم لو ملاك طلعت معاك السطوح هتجيب ل ملاك شيبسي بليل.
ياسر ببتسامه/اه هجيب بليل.
ملاك بفرحه/طب يلا نطلع السطوح.
••••••••••••••••••••••••••
ياسر/اهو ياستي السطوح ده.
ملاك/حلو اوي بس قطع نفسي.
ياسر ببتسامه/هتتعودي.
ملاك/اي الصوت ده بيقول كووكوو.
ياسر بضحكه/دول فراخ بتوع ماما.
ملاك وهي تنط مثل الاطفال/وااو عايزه العب معاهم فينهم فينهم.
ياسر/دول لو طلعتهم هيهربوا هنشوفهم من بعيد.
ملاك بتذمر/طيب.
ياسر وهو يفتح الشباك/اهو يستي.
ملاك باعجاب/واااو دوول كييوت اويييي هيييييييي.
ياسر بسخريه/ااه جدا.
ملاك بدموع/لالا هو ده انا أكلت منه الصبح حرام عليك انت و امك ناس شريره حد يقتل الكيوت ده.
ياسر/معلش المره الجايه بقا يلا نطلع.
ملاك وهي تنظر الي السماء/هو انا ممكن أطير زي العصفوره دي.
ياسر/ عندك جناح زيها.
ملاك وهي تنظر في جسمها بحزن/لا مش عندي مينفعش دراع.
ياسر/انتي شايفه العصفوره عندها دراع.
ملاك/تؤ تؤ.
ياسر/يبقا خلاص مينفعش.
ملاك بتذمر طفولي/انت كل حاجه مينفعش ده ايه ده.
ياسر ببتسامه/خلاص نطي هتموتي.
ملاك/لالالا خلاص… طب أحكيلي عنك.
ياسر/انا ياسر عندي 27 سنه خريج كليه هندسه بشتغل في شركه و الايام دي أجازه عندي.
ملاك/انت كبير اوي اوي و يعني ايه هندسه.
ياسر بضحكه/مش عارف.
ملاك/انت فاشل اصلا.
ياسر وهو يركض خلفها/انا فاشل.
ملاك وهي تركض/لالا بهزرر بهزر الااااه
••••••••••••••••••••••••••••••••••••••••••
مرت الايام بينهم هكذا يقضون النهار مع بعض بين الضحك و العب و يتفرقون وقت النوم..
حتي أتي يوم كانت ملاك تلعب بالشارع و كان شاب يتغزل بها و أتي ياسر للخناق معه حتي دراعه أتفتح..
كريمه بحزن/ااه ياني يابني يلا علي الدكتور يخيط الجرح.
ياسر بضيق/بقالك ساعه بتصرخي انا كويس.
ملاك ببكاء/انا السبب صح ملاك مش قصدها انك تتعور.
ياسر بحنيه/لاء مش انتي السبب بس مش هتنزلي الشارع تاني انا بروح الشغل مش هعرف اخد بالي منك.
ملاك وهي تمسح وجهها بضهر يديها/ايوا ملاك مش هتنزل تاني غير مع ياسر..
ياسر/ايوا كده ملاك تبقا شاطره.
ملاك بدموع/بس ايدك بتنزل دم.
ياسر ببتسامه/انا هخيطها دلوقتي و مش هتنزل.
ملاك/انت بتعرف تخيط.
ياسر/لاء بس هحاول.
ملاك/كده مينفعش.. وريني ثانيه.
نظرت الي الجرح ثم أخذت المعقم و الابرة و الخيط و بدات تخيط دراعه بحرفيه شديده.
كريمه/ دي ولا أكنها دكتوره.
ياسر بصدمه/عملتي كده ازاي.
ملاك وهي تنظر الي يديها/ايه ده مش عارفه انا عندي قوة خارقه هيييي عندي قوه خارقه… ظلت تنط و ترقص و ركضت الي غرفتها.
كريمه/يعيني البنت هتتجنن.
ياسر ببتسامه/الدكتوره ملاك.
••••••••••••••••••••••••••••••••••••••
في مساء اليوم التالي فتحت باب الشقه و أدخلت رأسها قائله بهمس/ماما كريمه ابنك رجع.
كريمه/يختيي وقفتي قلبي لا مرجعش.
ملاك وهي تدخل براحه/حمدلله افتكرت رجع.
كريمه بتحذير/علشان قولنا مفيش نزول شارع تاني.
ملاك وهي تقبلها في خدها/أخر مره وعد.
كريمه/لما نشوف.. يلا روحي غيري هدومك قبل ما ياسر يرجع.
ملاك وهي تفتح غرفتها/اوكييي… يمامااااا.
ياسر هو يمسكها من الخلف/علشان قولت مفيش شارع تاني.
ملاك/كده امك تضحك عليا و تقولي انك لسه مجتش.
ياسر/بت بقولك ايه متغيريش الموضوع.
ملاك/حموكشه كان عايزني في موضوع.
ياسر برفع حاجب/حموكشه.
ملاك وهي تبتعد عنه/ااه.
ياسر/و عايز ايه الاستاذ حموكشه.
ملاك وهي تخرج من حقيتها ورده حمراء/أداني دي و قالي انه بيحبني.
ياسر بضيق/و قولتي ايه لاستاذ روميو ده.
ملاك بتلقائيه/قولتلو لاء ملاك بتحب ياسر.
ياسر تصنم مكانه/اييه.
ملاك وهي تقترب منه/قولت ملاك بتحب ياسر.
ياسر بتوتر/ملاك انتي لسه صغيره علي الكلام ده.
ملاك بدموع/يعني انت مش بتحب ملاك.
ياسر/انا طالع انام بكره نتكلم.
ملاك وهي تمسك يده ببكاء/انت مش بتحب ملاك صح.
كريمه وهي تدلف/ياسر ميقدرش يحبك لانه هيتجوز قريب و هيمشي من هنا.
نظرت اليه ببكاء/كمان عايز تسيب ملاك و تمشي.. ملاك بتكره ياسر… قالتها و ركضت ل خارج الشقه ولم تستمع اليهم و ظلت تركض في الشارع وهي تبكي و بدات تتذكر كل شئ حتي اتت سياره عليها من بعيد ل تقف سريعا تنظر اليها.
كان يبحث عنها في كل مكان و يسأل كل الناس حتي رأها من بعيد في أحضان شب ما.!
ياسر براحه/ملاك.
لتخرج من أحضان الشب وهي تمسح دموعها و تنظر الي ياسر.
الشب/انت ياسر صح.
ياسر بستغراب/ايوا انا.
ملاك ببرود/تامر أحب اعرفك ده ياسر أهتم بيا هو و مامته من فتره قليله.
ياسر بصدمه/ملاك انتي افتكرتي.
ملاك ببتسامه/اه أفتكرت و ااه صح و اسمي ياسمين مش ملاك.
تامر/انا كنت جاي دلوقتي علشان أجيبها من عندك ناس قالت انها هنا وهي من خمس شهور يوم فرحنا عملت حادثه و من ساعتها وهي ضايعه.
ياسر بصدمه/فرحكو.
ياسمين(ملاك)/ااه احنا حب طفوله و أكيد هنعمل غيره و اكيد هتيجي.
ياسر بحزن/اه الف مبروك.
تامر وهو يصعد السياره مع ياسمين/الله يبارك فيك نشوفك علي خير…ثم غادرت السياره.
ظل ينظر اليها وهي تختفي بدموع/اهو ملاك هي اللي سابت ياسر و مشيت
••••••••••••••••••••••••••••••••••••••••••••
بعد مرور يومين كانت تجلس علي السفره في الفيلا بتاعتهم.
ولدة ياسمين/ياسمين حبيبتي مش بتاكلي فراخ ليه.
ياسمين بشرود/الفراخ كيوت مش تتاكل.
ولدتها/بتقولي ايه.
ياسمين بارتباك/ايه مفيش شبعت.
والد ياسمين/في ضيف في الصالون روحي أقعدي معاه لحد ماجي.
ياسمين/تمام.
~~~~~~~~~~
ياسمين وهي تدلف/السلام علي…. ياسر!.
ياسر باشتياق/ملاك عامله ايه
ياسمين وهي تجلس ببرود/حمدلله بس اسمي ياسمين.
ياسر بأحراج/اسف ياسمين.
ياسمين/ولا يهمك
ياسر/متعرفيش باباكي عايزني في أيه.
ياسمين/لاء خالص.
في هذا الوقت كانت دلفت خادمة وهي تهمس في أذن ياسمين و تعطيها ورقه و ظرف ثم خرجت.
ياسمين ببتسامه وهي تمد الورقه أليه/أتفضل.
ياسر بستغراب/ايه ده.
ياسمين/شيك في فلوس حق الوقت اللي فضلتوا معاكم.
ياسر بستنكار/فلوس! هي الجدعنه بتتباع بالفلوس.
ياسمين ببرود/لاء بس انت مهندس علي قدك و كنت في أجازه وقتها يعني الفلوس كانت قليله و انا كانت طلباتي كتير جدا اكل و شرب و لبس تعويض يعني..
ياسر بستحقار/الظاهر اني ضيعت وقتي علي الفاضي عن أذنك.
ياسمين بستغراب/رايح فين خد الشيك طيب.
ياسر وهو ياخذ الشيك منها و يقطعو و يرميه علي الارض/اعتبريه وصل.
ياسمين/اوكي براحتك اتفضل دي بقا.
ياسر وهو ينظر الي الظرف/اي فلوس برضو
ياسمين/لاء دعوة فرحي بعد أسبوع.
ياسر بوجع وهو ياخدها/تمام الف مبروك.
ياسمين/الله يبارك فيك.
ياسر وهو يمد يده خلفه و يخرج كيس شيبسي و يمده لها.
ياسمين بسخريه/شيبسي.
ياسر ببتسامه/أديه ل ملاك.
ياسمين بستغراب/ياسمين هي ملاك.
ياسر/تؤ تؤ ابداا ياسمين بتاعة فلوس قلبها أسود لكن ملاك طيبه و بريئه جدا لدرجه انها ممكن تموت من الفرحه لو أديتها كيس الشيبسي ده مش هتبص نفس البصه السخريه دي ياسمين عمرها ما هتبقي ملاك….قال كلامه و غادر…ظلت تنظر الي كيس شيبسي بحزن.
~~~~~~~~~~~
كان يجلس في غرفته و ينظر الي دعوة الزفاف.
كريمه/والله يبني انا قولتلها انك هتتجوز خوفت ل تعشمها و تبقي في الاخر بتحب حد و انت هتتعب و أهو حصل اللي كنت خايفه منه.
ياسر بحزن/علشان كده مردتش اقولها اني بحبها.
كريمه/طب هتروح الفرح.
ياسر/ ربنا يسهل وقتها.
•••••••••••••••••••••••••••••••••
بعد مرور الايام في قاعه الفرح كانت تقف بجانب تامر و يسلمون علي الضيوف.
ياسر ببتسامه وجع/الف مبروك.
تامر/الله يبارك فيك عقبالك.
ياسمين ببعض الحزن/الله يبارك فيك عقبالك علي حبيبتك.
ياسر بسخريه/خلاص راحت عن اذنكم.. قالها و غادر.
ظلت تنظر الي أثره بحزن/هو انا لو هربت هتزعل.
تامر بضحكه/مجنونه و تعمليها.
ياسمين بتنهيده/ياريت اعملها.
تامر ببتسامه/بيحبك.
ياسمين وهي تنظر اليه بصدمه/مين.
تامر/ياسر واضح انه بيحبك وانتي كمان بتحبيه.
ياسمين بحزن/خلاص الوقت فات
تامر/لا في وقت روحي وراه وانا هقولهم انك روحتي الحمام.
ياسمين بعدم تصديق/وانت مش هتزعل.
تامر بغمزه/هزعل شويه بس وبعدين هسافر امريكا و هشوف حياتي هناك.
ياسمين/طب كلام الناس
تامر/انتي اوفر ليه فكك من كلام الناس و روحي وراه.
ياسمين بفرحه/ بجد ربنا يخليك… قالتها و ذهبت الي الحمامات ثم الباب الخارجي و ظلت تركض وهي تحمل فستانها الطويل…
كان يقف بالحديقه ينظر الي نهر النيل بوجع حتي شعر باحد خلفه يلتفت ل ينظر اليها بصدمه/ياسميين.
ياسمين وهي تاخد نفسها/بقالي ساعه بدور عليك قطعت نفسي.
ياسر/فرحك يبنتي
ياسمين ببتسامه عريضه/هربت
ياسر بعدم استيعاب/هربتي ليه.
ياسمين/اوف بقا افهم زي مافهمت القطتين المهم…جلست علي ركبتيها وهي تمد اليه ورده حمراء قائله بحب/تتجوزني.
ياسر بتوهان/ها
ياسمين بضحكه/هاا ايه بس رجلي وجعتني جاوب بسرعه.
ياسر ببرود/بس انا عايز ملاكي.
ياسمين/احنا الاتنين واحد.
ياسر/تؤ مش واحد
ياسمين وهي تذهب اليه و تحضنه/ياسمين و ملاك بيحبو ياسر.
ياسر بتنهيده وهو يضمها/و ياسر بيحب ياسمين.♡
“إنبهار البدايات لا يعوّل عليه، الحبّ يبدأ حين ينتهي الحماس!!”♥️
♡♡♡♡♡♡♡♡♡♡♡♡♡♡♡♡♡♡♡♡♡♡♡
ملاك_الياسمين
♡بقلمي: دعاء حسن♡
