غريب وحياتي غريبة بقلم آية علي
عايش غريب طول حياتي ،
من يوم ولادتي ولحد مماتي ،
غريب فيكي يادنيا ،
لاليا صديق ولاقريب ولاحتي حبيب ،
والغربة عذبتني ودوبتني وكتير والله وجعتني ،
كنت في البداية غريب عن الحياة والبشر والناس ،
دلوقتي أصبحت غريب عن أهلي وحبايبي وناسي
وعن نفسي قبلهم كلهم ،
وده بالنسبالي أصعب وأوجع إحساس ،
بقيت حاسس بحاجة صعبة جوايا مؤلمة ومتعبة ومن الحالات الصعبة المرعبة ،
وخايف من حياتي وأخرتي ونهايتي لاتكون مريبة ،
ولكل اللي حواليا تبقي أغرب وأصعب حالة عجيبة ،
غريب حتي عن ربي وبعيد عنه ونفسي ليه أقرب وانسي نفسي معاه وانسي الدنيا والناس،
دائما تعبان ومهموم ونفسي ابعد من الدنيا كلها
لأبعد مكان مافيش فيه أي إنسان ،
واخليني فيه لوحدي هادي ومرتاح البال
ورايق لو حتي يوم ،
لاني اكتشفت إني لما كنت بفكر في قربي للناس لقيت نفسي كتير كنت غلطان ،
لكن دلوقتي الحال اتغير عن الأول بكتير وبقت أمنياتي وأحلامي أهم وأكبر وفوق كده وبقيت أحسن وأفضل تغيير ،
أمنيتي وحلمي هما أكون من ربي ولنفسي قريب لأول مرة في حياتي ،
وعن الأحزان والهموم والتعب وكل شئ صعب ومؤلم غريب وكذلك الأمر لأول مرة في حياتي ،
وغربة بغربة يادنيا عنك وعن ناسك وكل ما فيكي،
يكفيني حب ربنا ليا ورضاه عليا وقربه …..
…………………………………………………………..
