حنان ترك : هي الدُنيا كده
كتب شريف بدر
تتكعبل في بوست شغل وانت عالسرير وبتنام و تبعت الCV وتتقبل وتشتغل وتمسك مرتب وتترقي ويبقا أكبر باب خير ليك ، تعرف ناس و تعاشرهم و تحبُّهم و تتخدع فيهم و تتوجع بعدين تختار ناس عالفرّازه يكمّلوا حياتهم معاك ، تروح ميعاد شغل تقابل بنت تخلص شغلك و تمشي بعدين تقابلها تاني صدفه و تبدأ قصه كانت أبعد ما يكون عن خيالك ، هي الحياه كده ، مهما رتبتلها ملهاش ترتيب ، مهما كنت مآمن إنك هتصحي بكره بنفس حياتك النهارده هتلاقي الدنيا ليها ترتيبات تانيه تماماً ، خططك دي كلها بتكون من باب الإستعانه و التوكل، بس صدقني مفيش حد حسبها فالدنيا و صابت ١٠٠٪ ، فكّر فيها هتلاقي كُل أو أغلب اللي إنته فيه دلوقتي محض صدفه ، و كرم من رب خزاينه مابتفضاش ، متحسبهاش أَوي ، أستعن و توكّل ، الحمدُلله
