فراق التقسيمة
بقلم السيد حسن
ف عالم تاني موازي
انا شوفت عينيكي ملاذي
وبقيت ف عالمنا مجازي
مسجون لحظه الهام
شايفك ف الشعر الخام
أجمل من ميت جوليت
صوتك احسن م الست
وكإنك بحر و شط
قلبي ل قلبك بيحازي
ف عالم تاني موازي
انا وانتي اتنين ف حكايه
بتقول انك لو روح
ف الجسم خريطته معايا
نصين لحقيقه قديمه
تحت فراق التقسيمه
اتشرخت حته سليمه
من وهم ظالم نازي
ف عالم تاني موازي
الناس بتضحك شوق
والشوق بيضحك ناس
وانا وانتي كنا اساس
الشوق بنانا عليه
سلمنا مد ايديه
فرحنا من غير ليه
اتاريه عدو وغازي
ف عالم تاني موازي
الحكيم_بيدبا
