كوكي فوق

مقدمه من الشيف ابراهيم فوزي محمد غزال

طبعا مفيش حد مش بيحبها وهي السهل الممتنع لان ليها تكات و حركات علشان تطلع مقرمشه وفي نفس الوقت مستويه كويس..

المقادير:

١ دجاجه كامله مقطعه ٨ او ارجل دجاج ( كيلو)

٢ لمون

ملح ..فلفل..بهارات دجاج .. بابريكا..ثوم بودر..

فلفل أحمر حار ( لو حابين سبايسي)

١٠ مكعبات ثلج

كوب دقيق

كوب بقسماط خشن

الطريقه:

لعد غسل الدجاج هنحطه طبق و عليه الليمون و كل البهارات من كل حاجه معلقه كبيره و نقلبه كويس و نضيف ليه الثلج و نقلبه لحد ما الثلج يدوب نغطيه و ندخله التلاجه مده ليله كامله .

اهم خطوه بقي هي خطوه للتحمير او القلي:: ودي الي المفروض نركز عليها اكتر من التتبيله نفسها .

هنجيب طبق نحط فيه الدقيق و عليه كل البهارات الي ذكرتها فوق.. وطبق تاني فيه البقسماط الخشن و مهم جداا يكون خشن مش ناعم .. وطبق فيه مياه بارده.

علي النار هنحط حله مش طاسه حله تكون عميقه و تملأ نصها زيت لحد ما تغلي …هنحط قطعه الدجاج في الدقيق و بعدين نغطسه في المياه بشكل سريع جدا يعني في ثواني تدخلها و تطلعها من المياه و بعدين نحطها في البقسماط و علي الزيت علطول ..مهم الزيت يكون بيغلي جامد عشان تاخد صدمه…و بعدين بعد دقيقه تقريبا اول اقل نبدا نهدي النار عشان تستوي من جوا و يتحتفظ باللون الذهبي من برا و لما نيجي نطلعها مش هنطلعها علي منديل ورق ده غلط بيطريها هنطلعها في مصفاه سلستيل او شبكه لحد ما تصفي الزيت الي فيها و بالهنا