ثمن احلامي بقلم إنتصار حسن

ثمن احلامي بقلم إنتصار حسن
##الفصل السابع والعشرون
ليليان : لاء لازم حل انا اعصابي تعبت منها ومش فاهمه بتعمل ايه
…ليه الوقت ده كله بره البيت مش زي اي بنت ليه في العيله ؟؟
فريده : خلاص يا ماما في حاجه تاني
نجوي : معلشي يا فريده ادخلي انت
تدخل فريده وترمي كل متعلقاتها علي الارض وتجلس تبكي من ضغط كل شئ وتبحث عن حل لنفسها ولا تجد
نجوي : ليه كده يا ماما
ليليان : مفيش ليه انا اعصابي تعبت خلاص ومش قادره اتحمل تاني
……………………
شقه محي
امه : علي فين
محي : عند لوزي
امه : كنت هناك من يومين
محي : ايه المشكله ؟؟
امه : كلهم موجودين انت مش بتكون محرج
محي : ماشي وبعدين
امه : براحتك من يوم خطوبتك مش قادره اتفاهم معاك في حاجه خالص
يتلقي اتصال من لوزي
لوزي: بسرعه بقي الاكل هيبرد
محي : ثواني واكون عندك
………….
شقه سوسن
سوسن : انزلي هاتي فريده
لوزي : محي طالع
سوسن : ايه المشكله هيجي معاه زين
لوزي : مش عارفه بس ليه
سوسن : بحس انه معجب بفريده ..فعلا ولا؟؟؟
لوزي : ما اتكلمش في حاجه
سوسن : يا ريت ويا ريت هي كمان توافق به
لوزي : وعبد الرحمن؟؟؟
سوسن : هي مش بتحبه والجواز مش عافيه
لوزي : ايه الرضا ده كله علي فريده
سوسن: انا بحبها وكلكم عارفين
لوزي: عارفين بس ليه بتتمني كده
سوسن : بحبها ومش عايزه اخسرها
وكمان منال بنت خالتك هتنفع مع عبد الرحمن اكتر لانها بتحبه فعلا وامها كلمتني اكتر من مره
لوزي : قولي كده بقي
سوسن : ايوه الايام الجايه هحاول اقرب بينهم
لوزي : براحتك يا سو علي رأي فريده
سوسن : انزلي عشان تاكل معانا ليليان كانت بتتخانق معاها من شويه واكيد مش هتاكل
يرن جرس الباب ويكون محي
لوزي : تعالي ساعدني
سوسن : هتعملي ايه
لوزي : بالصينيه هنزل لديده اصالحها اكيد راجعه تعبانه وامها بتقدر صراحه
محي يحمل عنها الصينيه وينزلوا معا ويتصل بزين ليأتي لهم
زين : لا انا هنام شويه
محي : براحتك فريده متخانقه مع امها واحنا نازلين نطمن عليها
زين : خلاص جاي
ترن لوزي الجرس وتفتح نجوي وترحب بهم وهي منزعجه
لوزي : ايه يا بنتي مالك كده
نجوي: عادي بس ماما وفريده
محي : ناديها تيجي تقعد معانا
نجوي : صعب
لوزي : ابعدي كده وافتحي الباب لزين ع السلم
تدق الباب بشده فترفع فريده كل اشيائها علي الفور وتفتح الباب
لوزي : ايه يا بنتي مالك
فريده : كويسه بس هنام شويه
لوزي : نامي بس تعالي كلي معانا انا ومحي وزين ونوجا مع بعض
فريده : تمام بس بلاش انا
لوزي تشد فريده من ذراعها وتخرجها الي الريسبشن
في دخله زين الذي تقع عينيه علي عين فريده التي كانت تبكي
زين ” يقترب”: في ايه يا فريده
فريده: ابدا مفيش حاجه كويسه
لوزي : تعالي هناكل يا فريده
ليليان تخرج “: اهلا اهلا شرفتونا …فريده مشروبات بقي
فريده “: تمام
تدخل الي المطبخ ثم تتذكر الموبايل فتدخل غرفتها وتحضره بجوارها وتقوم باعداد كيكه وتضعها في لفرن
زين ” يقلق ويريد ان يطمئن علي فريده فيتظاهر بمساعدتهم فيحمل بعض الاطباق الي المطبخ حيث فريده
في هذا الوقت تتلقي فريده “رساله من اسامه يهددها بارسال جزء من ملف القضيه لها
فريده ” توترت بشده لمارأت وحاولت ان تتمالك اعصابها بقدر الامكان
زين : مالك في حاجه؟؟
فريده : زي ايه ؟؟
زين : حاجه وترتك ملامحك متغيره خالص
فريده : لاء خالص انا كويسه بس في جزء مهم محتاجه اراجعه بس
زين : تمام منتظرك
فريده : حاضر
زين يجلس في مكانه ويشرد في حاله فريده وملامحها الغير طبيعيه بالمره
تخفي فريده الموبايل في جيبها وتضع الاطباق والكاسات وتخرج علي الفور
ليليان : ايه يا فريده
فريده : في حاجه ؟؟
نجوي : ديده الاطباق والكاسات فاضيين
فريده ” ترتبك “: آه انا خوفت للحاجه تقع مني وتدخل وتخرج بدورق كبير لعصير الفواكه
وسرفيس شيك عليه قطع الكيك وتضعهم فقط
وتجلس بالقرب من زين الذي يتأكد انها مرتبكه
لوزي : ايه يا بنتي ما تكملي
فريده ” بعصبيه “: ايه بقي تاني
لوزي : وزعي الكيك والعصير وقدمي
فريده : انا مش فايقه خالص
زين ” يقترب منها ليهون عليها “: علي فكره مش هاخد غير من ايدك
فريده ” كأنه انتشلها من حيرتها وبالفعل تضع له العصير والكيك بالقرب من البلكون
زين : ليه بعيد كده
فريده ” تبتسم “: مش بعيد ولا حاجه هو كرسي واحد تعالي
ليليان تكون بالخارج تتحدث في الهاتف وتدخل تجد فريده بالقرب من البلكون مع زين يتحدثوا
ليليان ” تدعو بداخلها ان يوفقها الله للخير” وتجلس مع سيف ومحي ولوزي والجميع
زين : عملتي ايه النهارده
فريده : استني هحكي لك
اولا مذاكره من 10بالليل ل 5 ص تقريبا وبعدين كليه وبعدين مراجعه مع صحابي وبعدين ع البيت وشويه كده واكمل
زين : ليه ده كله علي تجاره
: فعلا دانا تجاره بالنسبه لي شويه حسابات
: انا كنت انجلش وما ذاكرتش زيك ازاي بتعيدي السنه
فريده : صحيح ؟
: ارادت ان تشاغبه “: مش ماما طلبت منك تشغلني في البنك
زين : عنيه ليك بس محتاج ورقه م الكليه انك طالبه عندهم بالاسم والفرقه والقسم ومختومه وم الصبح تتدربي
فريده ” تعلم بمراوغته لها “: لوكده ماشي امر عليك في البنك واجيب لك الورق
زين يبادلها نفس نظرات المشاغبه والخبث ويشعر انه امام طفله تجيد المراوغه
قضوا السهره معا وفريده تحاول ان تكون معهم ولكن كان ذهنها مشتت بين اسامه و الامتحانات وزين
انتهت السهره وذهب زين وهو يعلم ان الامر اكبر من الدراسه وانها مشتته لامر جديد وواضح انه يزعجها بشده كبيره
مر يومان علي فريده تحاول ان تجمع شتاتها وتركز في الامتحانات وايضا اسامه كان يزيد من ضغطه عليها ويزيد من الرسائل
……………
الكليه
ضياء: في ايه يا فريده اليومين الجايين صعبين جدا
لينا : انا مش فاهمه في ايه تحس انهم متفقين علينا
سما : فعلا والله انا تعبت بجد
فريده : تمام كده انا في البيت هرتاح شويه وبعدين نبدأ
لينا : اوصلك ؟؟
فريده : لا هاخد تاكسي سلام
00000000000000000
تستقل تاكسي وما ان تصل الي منزلهم تجد ان شقه جدتها مفتوحه فتتعجب وتدخل
فؤاد : اتفضلي يا فريده اسامه بيه
فريده ” تتوتر بشده وترتبك “: خير في حاجه
اسامه : لا ابدا حبيت اتعرف عليكوا عشان تساعديني في الخدمه اللي طلبتها
فريده : آه طبعا اتفضل بس
ليليان : هيشرب بس حاجه
فريده : هنشرب مع بعض عن اذنكم هوصله بس
يستئذنهم اسامه وينزلا معا
………………….
الكافيه
اسامه : قلت لك هوصلك انت اجبرتني
فريده : في ايه ليه دخلت البيت
اسامه : عشان تسمعي كلامي
فريده : وايه كلامك
اسامه : توافقي اتكلم بس معاكي
فريده : علي ايه مفيش بينا كلام
اسامه : لاء في بس انت اسمحي لي
فريده : بأيه ؟؟
اسامه : نتقابل كام مره واوعدك اني اقولك
فريده : مش هينفع اتقابل معاك عيلتي وكلام كتير مش هينفع صدقني
اسامه : خلاص اسمحي لي اتعرف علي عيلتك
فريده : ليه
اسامه : هتعرفي بس فرصه واحده بينا
فريده : فرصه ايه انت بالنسبه لي مرحله مش عايزه افتكرها بأي شكل
اسامه : وانا ذنبي ايه اني اتعرفت عليكي في وقت صعب ليكي
فريده : ارجوك انهي الموقف كله
اسامه : صعب
فريده : الاصعب اني استحاله اوافق عن اذنك
اسامه : جميل بس اوعي تزعلي من اللي هعمله
فريده ” تتركه وتذهب لبيتها”
…………………….
بيت فريده
عبد الرحمن : معقول اللي سمعته ده فعلا
ليليان : ايوه يا سيدي فعلا ضابط اتقدم لها
عبد الرحمن : وانا
ليليان : انت واقف مكانك مفيش جديد
عبد الرحمن : يعني اعمل ايه ؟؟
ليليان : لازم تظهر نفسك انت اتشغلت بالمصنع الجديد ونسيت واختفت كمان
………………..
شقه سوسن
لوزي : يعني ايه يا بابا عريس لفريده
جمال : واضح وضابط كمان يعني حاجه تشرف فعلا
سوسن : متهيأ لي بقي ليليان وكله هيوافق به ابن ناس ووسيم كمان
لوزي : فريده جات هنزل شويه اتكلم معاها
سوسن : طمنيني بس عشان ارتب لاخوكي بقي مع منال وتبقي خطوبتهم مع بعض عشان نخلص
لوزي : تمام سيبني بس
………….
غرفه فريده
ليليان : تمام اعرف بس هو يعرفك من فين؟
فريده : هو قال ايه
ليليان : ما تجننيش واضح انك عارفه كويس اول ما شوفته يا اسامه وكمان نزلتي وصلته ايه بقي
فريده : ” ترتبك وتحاول انهاء الحديث “: عادي يا ماما مجرد معرفه عاديه
ليليان : ده جاي تعارف
فريده ” تصعق وترتبك طبقه صوتها “: يعني قال ايه ؟؟
ليليان : في حاجه يا فريده عرفيني
فريده ” بعصبيه وصوت عالي “: يعني لو في حاجه هيجي يتقدم لي انت هتجنني يا ماما
ليليان : تمام ايه معني عصبيتك ده فهميني بس
فريده : مفيش اعصابي تعبانه سيبني
ليليان : تمام بس فكري فيه
فريده : في مين ؟؟
ليليان : اسامه لمح علي خطوبه
فريده ” شعرت كأن انفاسها انقطعت فجأءه “: تمام حا ضر
………………….
غرفه نجوي
لوزي : يعني فعلا عريس …طيب وزين ؟؟
نجوي : ما قالش حاجه خالص
لوزي : بس واضح انه معجب بها
نجوي : بس ماما اعصابها تعبت ومحتاجه ترتاح بردوا
لوزي : بس ديده صعبانه علي
نجوي : انا تعبت بينهم علي طول علاقتهم متوتره وزهقت
تدخل ليليان
لوزي : اهدي يا طنط فريده طيبه
ليليان : الطيبه ده مهربه النوم من عيني اسكتي
لوزي : معلشي عن اذنكم ” تخرج وتغلق الباب الي غرفتها”
ليليان : شايفه عمايل اختك عبد الرحمن : لاء لاء
والضابط ده بعد ما نزلت وصلته بنفسها شكلها مش موافق بردوا
نجوي : زين يا ماما
ليليان : فين زين ده اللي بيظهر مره كل شهره ويظهر يعلقها به ويختفي ولا يعرفنا جاي ليه ولا اختفي عشان ايه
نجوي : بس واضح انه معجب
ليليان : لاء بيحبها كمان وهي زيه بس وبعدين …زين متردد من نحيه فريده مش راضي عليها بس قلبه بيجبره عليها
اختك مش باين لها ليل من نهار…ايه كل يوم في الكليه
وكل ده مذاكره وسهر وفي الاخر تاخدي السنه باتنان وهي كانت احسن بنت في العيله
ايه تهزري مع هشام ويرفعك علي ذراعه وسيف يمسك ايدك وشويه عندنا واسابيع عند سميره
لا لا لا كل ده مش عمايل ابدا
نجوي : يعني ايه ؟؟
ليليان : مفيش هتمم مع عبد الرحمن يجهز كل حاجه وبعد الامتحانات تتجوز مره واحده مش هصبر عليها تاني
نجوي : ولو وافقت علي اسامه
ليليان : اي حد المهم اطمن عليها تبقي في حمي راجل
نجوي : ربنا يستر يا ماما
ليليان : يا رب
تدخل ليليان غرفتها للنوم وتتذكر ياسمين ونهايتها المأساويه وتقوم مفزوعه
يشعربها صلاح فيقوم علي الفور
صلاح : مالك فيه ايه
ليليان : كنت بحلم
صلاح : واضح انه كابوس استغفري ربنا وخدي اشربي
تستغفر ليليان وتشرب وتحاول النوم مره اخري وتقول في نفسها لا ..لا انا هشوف حل لفريده انا مش هسيبها زي ياسمين لاء كانت دكتوره وراحت مني
##ياربي انت عندك عقده يا ليليان ؟؟
##يا تري فريده لها ذنب …طيب مين له ذنب الجميع مذنبين 😢😢😢
##نتابع ونشوف الاحداث هتوصلنا لفين😟😟😟
##يا تري اسامه هينجح …ولا عبد الرحمن …؟؟🤓🧐
##ايه رأيكم في تحليل ليليان ام ومتهيالي كلنا اتعاطفنا مع الاتنان😢😢
##في انتظار تحليلكم للاحداث بشغف🤭🤭🤫🤔
##لا تنسوا التفاعل👇👇👇👇👇👇👇
##دمتم في امان الله ودعواتي لكم بأن يحفظكم جميعا من اي سوء🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲