بقلم انتصار حسن
ثمن احلاميالفصل السادس والعشرون
بقلم انتصار حسن
غرفه فريده
تجلس في منتهي الحزن لانها شعرت بالدائره التي دخلت فيها
ولا تستطيع الخروج منها ” وهي الكذب علي الجميع من اجل احلامها وشردت في تساؤلاتها
الي متي ….الي متي تخفي الحقيقه عنهم
تاره تلتمس لنفسها الاعذار بأنهم هم السبب الرئيسي فيما فعلته
تاره اخري تتهم نفسها بأنها خانت ثقتهم
وبين عالم الحقيقه والكذب تتوه فريده وتتسأل ماذا ستفعل
تقطع تساؤلاتها دخول
لوزي : ايه يا بنتي هي اول مره نتكلم في دراستك
فريده : لاء بس ما ينفعش تحرجوني كده
نجوي : حقك يا ديده انا اسفه اخر مره ….اطلعي بقي سيف كمان بره ومنتظرك
فريده : حاضر ولكنها تتلقي اتصال وتضأ الشاشه بأسم ضياء فتخرج الي
الشرفه ويكون زين في الشرفه الاخري بجوارها فيسمع
فريده : ايه يا ضياء
ضياء : انا مش فاهم اخر حل د الفت عملته النهارده
فريده : ده شرحته
ضياء: عارف بس لما جيت اتناقشت مع بابا وشرح لي حل تاني اسهل واحسن
فريده : مش عارفه بس عامه انا فهمت جزء النهارده وبعدين الاهم شرحك للحاله
ضياء: تمام يبقي هحتاج ساعتان معاكي
فريده : عنيه ليك ع 1 بالليل كويس
ضياء : لاء …لازم فيس تو فيس
فريده : تمام ع الساعه 7 تعالي لاول الشارع ورنه واحده هكون جوا العربيه
ضياء : لاء بعد الفجر عشان الحق اراجع
فريده : نعم وانزل م البيت ازاي . بعد الفجر
..لاء اعقل كده هنقفل الماده كلها الليله واكون في آخر جزء معاك ولينا
ضياء: لينا يا ستي هي و سما مع دكتور بسام زميل اخوها
فريده : بسام ممتاز جدا
ضياء: خلاص سلام وع 1 تبقي معايا
فريده : سلام
” زين يستمع لكل ما يقال ويزيد ضيقه اكثر ” لنفسه ” ومين بسام ده كمان
وعايزك بعد الفجر لا انا اعصابي تعبت آخر حاجه
تمام يا فريده هنام النهارده مع محي واشوف بتعملي ايه ؟؟
فريده ” تنهي الاتصال وتخرج بأبتسامه وتجلس بجوار لوزي
لوزي : تخيلي مفيش دم خالص يعني صالحتك وجايه تغلسي علي
فريده : انا قلت اكون جنبك
لوزي : يا خفيفه محي بيصلي العشا وجاي
فريده : تمام بتستغني عني دلوقتي
فجاءه يخرج سيف من الصالون ويمسك يدها ويرجوها
زين ” يراقب وهو في قمه ضيقه ”
فريده : خير بس
سيف : عقلي اختك عشان تعبت
فريده : خلاص يا نوجا مش وقته
نجوي : انت عارفه
فريده تحتضنها وتحنو عليها لتهدأ
سيف : سلام بقي وميعادنا بالليل يا ديده
ليليان : كل شويه خلاف كفايه بقي
تجلس فريده بالقرب من زين وتبتسم له
زين ” بصوت منخفض ونظرات ناريه “: قومي يا فريده
فريده ” تتفاجئ”: وتشير لنفسها ” انا ”
زين : طبعا قومي عشان مش عارف هعمل فيك ايه دلوقتي قومي احسن
فريده ” بالفعل تقوم “: وتلاحظ الامر ليليان
محي : الحمد لله انا كده تمام
ليليان : حبيبي ربنا يتقبل
محي : يارب يا طنط
زين : حلو كده يا محي
محي : تمام ان شاء الله بكره بقي مع السلامه
ينزلوا معا
الجميع يتعجب لنزولهم المفاجئ ولكن
ليليان ” تغمز لنجوي “فتذهب معها الي غرفتها
ليليان شوفتي بنفسك
نجوي : ايه يا ماما
ليليان : ملامح زين اللي تغيرت اول ما سيف مسك ايد اختك
نجوي : ده ابن عمها ويعتبر جوزي
ليليان : انا عارفه بس اللي زي زين مش هيتحمل تصرفات اختك ولا علاقاتها صدقني
اختك ما ينفعهاش غير عبد الرحمن متعود عليها ومش غريب تصرفات اي حد له مع فريده اسمعوا كلامي
نجوي : ممكن يكون كلامك صح بس بردوا هي مش موافقه
ليليان : لا هي كلامها انه بعد التخرج …تمام …مش هوقف كلامي مع عبد الرحمن وهشجعه اكتر عليها
نجوي : خايفه يا ماما
ليليان : لازم اعمل كده عشان اطمن علي اختك
………………….
غرفه فريده
تحاول النوم ولكنها تتعجب لموقف زين وتفكر فيما فعلته لكي يغضب امسكت الموبايل
فريده : اتصل به اعرف زعل ليه …..لاء لاء ما ينفعش مفيش صفه بينا عشان اتصل مش هينفع
وبينما هي تفكر تأتي لها رساله فتفتحها تجدها
اسامه : هوصلك هوصلك بس بقول لو تيجي انت احسن ليك عشان لو تعبتني مش هيكون كويس خالص
فريده ” وبعدين في الزفت ده ايه حكايته بس هخلص منه ازاي معقول هقابله لاء …توء .
..لا لا ما عندوش حاجه اخاف منها اسيبني منه احسن
تحاول النوم مره اخري ولكن يداهمها القلق بسبب الامتحان فتقوم وتحكم اغلاق الباب
وتضئ غرفتها و تضع كتبها واللاب وتبدأ رحلتها في المذاكره
……………….
غرفه محي
محي : ايه يا بني موقفك الغريب ده
زين : سيبك يا محي محتاج انام ساعتان بس وبعدين نتكلم
محي : براحتك بس صحيح ايه حكايه محاسب ده كدبت وانا كملت من بعدك
زين : عادي يعني مش كدب ده مجرد تغيير بيانات
محي : ده تزوير
زين : يسمع الكلمه ويشعر بكل حرف فيها ويفكر في حاله فريده التي تعتبر مزوره كل شئ عن عائلتها
ويحاول ان ينفض هذه الحقيقه عن رأسه بشتي الطرق حتي يدخل في النوم
محي يتلقي اتصال من لوزي وتبدأ رحلته اليوميه في الموبايل يتحدثوا لساعات ممتده في الليل
زين يستيقظ ويدخل البلكون يجد فريده تتحدث في الهاتف مع احدهم
” لنفسه “: ويا تري مين ده بقي اللي بتذاكري معاه ضياء ولا بسام
محي : ايه يا بني نمت
زين : هو انا عرفت من صوتك
لوزي : محي احنا قلقنا زين فعلا
محي : عادي براحتنا ده مكان نومي وهو المتطفل
زين : اسكت عشان تشوفك سليم الصبح
لوزي : خلاص بقي انا تعبت يا محي هذاكر شويه كمان
محي : تمام ذاكري كويس الله يخليكي عايزين نتجوز بسرعه
لوزي : عيب عليك زين جنبك
محي : عادي ولا يهمك بحبك
لوزي ” تخجل وتنهي الاتصال
محي : المفروض اول ما تسمعني بقول كده تدخل جوا
زين : علي اساس بتكسف انا سامعك طول الوقت وانت بتقول كلام سافل
محي : سافل ايه يخربيت عقلك ده مراتي ولازم تسمع وتحس بحبي لها
زين : طول عمرك نحنوح الحب تصرفات نظرات مش كلام عيب عليك الكلام للبنات مش للرجاله
محي : الله يكون في عون اللي هتقع من نصيبها
زين : يا رب لاني انا نفسي مش هصدق اني حبيت حد
محي : من بعد لالي وانت اعتزلت
زين : تخيل شوف تقريبا خمس سنين وكأني مش شايف حد ولا حد قدر يهزني
محي : مع ان كتير حواليك حتي الشغل
زين : صحيح بس مش عارف هل فقد ت قدره الحب او حتي الاعجاب بحد مشكلتي كمان اني اي حد اتعامل معاه يعجب
محي : بس متهيأ لي اتغيرت مع فريده
زين : ايه بقي
محي : خلاص يا سيدي المهم فعلا ايه احسا سك هينفع تحكي
زين : مش عارف فعلا نجحت تثير الفضول جوايا من نحيتها حابب اعرف كل حاجه عنها ..
.بتعجبني في حاجات كتير بس مش عارف احدد
محي : تحدد ايه …معقول انت مش بتشوف لهفتك عليها وانت داخل بيتهم .
…ما لاحظتش نظرتك لما شوفتها نايمه علي رجل اخوها
زين : فعلا فكرتني بمشاعر كتير واتفاجئت بحاجات كتير موجوده جوايا
محي : زي ايه؟؟
زين : الغيره …مش فاهم بغير عليها حتي من خيالها …ايام لالي ما كنتش بغير كده …تفتكر ليه ؟؟
محي : يمكن كنت صغير ومش منتبه
زين : ما اظنش المفروض ان مشاعري كانت اكتر في وقتها والجنان اكبر
محي : فعلا يمكن تصرفات لالي يعني كنت عارفها اكتر ومش بتستغرب لها
زين : فعلا تصرفات فريده بتجنيني لها علاقات مع كله
محي : من طيبتها …بس بردوا ليه محاسب
زين : لو فريده سمعت اني مخابرات او كلهم بشكل عام هيتحفظوا في تعاملهم معايا وانا عايز كله علي طبيعته .
..برتاح كده اكتر
محي : تفكير صح جدا
فجأه يظهر اضاءه الروف
محي : واوو القطه بتاعتك في الروف لوحدها اهه
زين : الهانم عشان تتكلم في الموبايل براحتها
تقضي فريده الليله كلها علي الروف حتي الصباح تحمل كل ادواتها وتنزل علي رنه ضياء لها
زين” يستيقظ ” فيراها تخرج وتجري في الشارع وهي تحمل كل ادواتها وتستقل سياره تنتظرها بعيدا عن بنايتها
” لنفسه حرام عليكي كل يوم في حدث جديد ليكي حرقت اعصابي”
………………………….
سياره ضياء
لينا : انا تعبانه موت وخايفه جدا
فريده : نهدي بس وان شاء الله خير نبدا
ضياء: تعالوا النادي ده في مكان هادي
يدخلوا معا وتبدأ فريده في الشرح للجميع ويتفاعل معها ضياء ويشاركهم كل المعلومات ويستغرقوا في المذاكره
يمر يومان تركزفيهم فريده علي المذاكره وتضطر ان تذهب مع ضياء الي مستشفي والده لحضور عمليه معه
د وهد ان : لا لا بس انت مشكله يا فريده فعلا
لينا : وانا يا عمو ايه ؟؟
د وهدان : انت البندقه
ضياء: لا ده انت وصلتي
فريده : بس لاحظت حضرتك حذرتني وانا بقفل الجرح
د وهدان : العمليات ده بتكون حساسه جدا والخياطه بتكون مهمه بس صراحه انت انجزتي
ضياء: هاه ايه رأيك
د وهدان : لا مفيهاش رأي لو تحب اتفضلوا تدريب في التيم م الصبح تحت اشرافي
ضياء: ايه رأيكم
لينا : بس الامتحانات
د وهدان : ده هيساعدكم عليها اكتر ويكسبكم الثقه
فريده : المواعيد اتمني تكون الصبح
ضياء : والامتحانات انت ناسيه
فريده : خلاص هشوف حل ” تنظر للساعه “: ممكن استئذنكم لاني اتأخرت
د وهدان : اتفضلوا
ضياء يمشي معهم “: اتمني ما تتسرعوش وتفكروا في حلول
فريده : ان شاء الله بس نخلص الهموم اللي ورانا انا فعلا هلكت ود الفت طلباتها مزعجه جدا مش فاهمه في ايه السنه ده
لينا : تحسي مش عايزنا نتخرج
ضياء : اجمدوا
فريده : يارب
يوصلهم ضياء الي البيت وتري ليليان سياره ضياء فتغضب بشده
فريده ” تصعد ” وما ان تدخل حتي تقابلها ليليان بعصبيه
ليليان : انت مش هتحترمي نفسك
فريده : عملت ايه بس
ليليان : يعني ايه عملتي ايه مين اللي جاي يوصلك لهنا ده
فريده : ده لينا معانا
ليليان : ومين ده كمان كل يوم بتتعرفي علي حد مجهول بالنسبه لنا ليه ؟؟
فريده : ماما بهدوء بس كلهم شوفتهم اكتر من مره
ليليان : وعشان كده اتسحبتي الصبح ونزلتي وركبتي عربيته
فريده : كنا بنذاكر
ليليان : مذاكره ايه ده كلها انت بتحضري الدكتورا ه بجد تعبنا وتحملنا وصبرنا عليكي وبتفشلي
فريده ” تحاول الهدوء ”
ليليان ” تزيد من عصبيتها
نجوي : خلاص يا ماما ارجوكي
ليليان : لاء لازم حل انا اعصابي تعبت منها ومش فاهمه بتعمل ايه
…ليه الوقت ده كله بره البيت مش زي اي بنت ليه في العيله
##صحيح ليه يا فريده مش زي بنات العيله ؟؟🤨🤨🤨🤨
##طيب انتوا رأيكم ان ليليان زي امهات العيله 🤓🧐🤓
##حاولوا يا جماعه الهدوء وفكروا مين غلطان فريده ولا ليليان🧐🤓😟😕
##ايه السبب في العلاقه المتوتره دايما بينهم🧐🤓🤨
##اتمني لكم قراءه ممتعه …اظن انا فسرت ولو لغز واحد 👍👍👍👍
##نتابع مع بعض ونشوف احداث ابطالنا مع الحياه🤔🤭🤫🤗
##في انتظار تفاعلاتكم وتعليقاتكم 👇👇👇👇👇👇👇👇
##دمتم في امان الله ودعواتي الدائمه بأن يحفظكم جميعا من اي سوء🤲🤲🤲🤲🤲🤲🤲🤲🤲🤲🤲
##مع حبي الدائم للجميع🥰😘😍
