احببتها من اول نظره بقلم هاجر صلاحرواية احببتها من اول نظره
هاجر هاجر يا هاااااااجر اصحى بقى يا جوجو
هاجر:ايه ده يا ماما حد يصحى حد بالطريقة ديه حاضر حاضر خلاص صحيت
ماما :هتقومى ولا انادى للحاج ها.
هاجر:ايه ايه الحاج لا خلاص سيبيه نايم احسن انا خلاص قمت اهو
اهو انا قمت اهو فى ايه بقى
ماما :يلا روحى البسى بسرعه
هاجر:ايه البس ده لي
ماما: عايزاكى تشتريلى العيش وتجيبيلى طلبات من بره
هاجر :نعم العيش لا انا مالى خلى ساره تروح. الله
ماما:يا حااااااااج
هاجر:لا لا خلاص انا هلبس اهو يا رب ده ايه موال كل يوم ده وانت
لبست الاسدال وخلاص راحه نزلت وانا خارجه من الشارع العربيه كانت خلاص ثنيه وهتخبطني
: ومره واحده خرج شاب جمييييل اوووووى بس مش ديه المشكله خرج وقالى انا اسف والله ماكنش قصدى بس بعد ايه بعد لما انا فتحت وقولتله ايه انت اعمى ولا ايه
هاجر:وبعد ماقالي كدا قولتلو خلاص خلاص
قالي: انتي كويسه ولو في حاجه انا ممكن اوديكي المستشفي
هاجر: لا لا خلاص علي العموم انا اسفه علي الاسلوب اللي كلمتگ بيه
قالي: لااا ولا يهمگ خلاص ممكن نتعرف بقاا قوليلي اسمگ اي
هاجر: وانت مالگ هي دي حاجه تخصگ!!!
قالي طب خلاص خلاص اهدي علي العموم انا اسمي احمد وانتي اسمگ ايه بقاا
هاجر: اتنهدت وقولتله انا اسمي هاجر وقولتهاله بنرفزه ومشيت
”وقولت اي الواد الغبي دا بقوله انت مالگ يقولي انا اسمي احمد وانتي اسمگ ايي الغبااء دا يا ربي“
وقام ماشي بالعربيه ورايا وقالي انا اسف لو كنت ضايقتگ
هاجر:اه فعلا انت ضايقتني ممكن امشي بقا لاني اتأخرت
احمد:ماشي ممكن تركبي معايا وانا اوصلگ بسرعه
هاجر:لا طبعاا!!! اي الهبل ده
احمد: طب ممكن رقمگ عشان ابقا ارن عليگي واتطمن عليگي
هاجر:لا طبعا انت عبيط؟!
احمد:طب وليه الغلط بقا
احمد في سره”حاضر ياحيوانه انا هوريگي اه انتي جميله جدا بس بردو مش مهم انا هوريگي ازاي تتكلمي مع احمد البشندي كدا ازاي
طبعا هاجر اول لما رجعت قعدت تبص في الفون بتاعها علشان تلقط الواي فاي🤭
وطبعا اول ما لقطت كلمت منار ومريم وبسمله بسرعه و حكيت لهم على كل اللي حصل في حين ان احمد كان ماشي وراها كل المشوار و ما اصدق ان هو عرف بيتها واول لما عرفه قعد يجمع اخبار عنها لان هو طبعا رائد بقى واصل في البلد وكده وغنى وكل ما يلاقي حد يدفع له وياخذ منه معلومات لان هو كانت نيته وحشه كان نفسه يعرف اى خبر عنها وحش بس الحمد لله اتبكس 🤭😹
بسم الله ما شاء الله كل الاخبار اللي جمعها كانت جميله جدا و مشرفه لهاجر المهم هو ما كتفاش بكده هو كمان قعد يدور على حد ياخذ رقمها منه واخيرا لقاه واخده
بس بقى نرجع لى هاجر
هاجر كلمت منار ومريم وبسمله مكالمه جماعيه على الماسنجر و حكيت لهم هاجر: الو
مريم ومنار وبسمله:
ايه ده ازيك يا هاجر وكل واحده طبعا مستغربه من الباقي
هاجر : بصو يا جماعه ما تستغربوش وعرفتهم بعض
مريم ومنار وبسمله ماشي تمام وكلهم سلموا على بعض
هاجر: يا جماعه انا عايزه احكي لك على موقف حصل معي النهارده
منار و مريم وبسمله :
ايه ايه قولي
هاجر بص يا جماعه ماما صحتني وعملت موال كل يوم ما روحت اجيب العيش وكان فى عربيه هتخبطنى
منار و بسمله و مريم فى نفس واحد: يا لهوى😱
هاجر : ايه يا جماعه متتخضوش ما حصلش حاجه الحمد لله
كلهم قالوا الحمد لله بس مين بس الاعمى اللى عمل كده
هاجر: بس يا بنت انت وهي اتهدي شويه قلتلكو ما حصلش حاجه والله المهم هو كان عاوز يوصلني بعربيته بس انا ما رضيتش
بسمله : ايه ده هو عنده عربيه
هاجر : ايه يا اختي
تمام : حلو بقي
هاجر: ياه ده مز مش حلو بس
ولا ووقعتى يا بت
مريم: طب هتعملي ايه
هاجر :ما اعرفش والله وطلب رقمي بس انا برده مارضتش
ربنا يسترها بقى
طب يلا سلام انتم بقى دلوقت
وثاني يوم الصبح خرجت عادي خالص و لابسه البالطو الابيض اه صحيح نسيت اعرفكم انا هاجر عندي 20 سنه و بدرس في كليه الطب تمام كده بس ازهري وطبعا هم شارطتين علينا ان نروح بالبالطو الابيض في نزلت ومشيت عادي خالص بس فجأة حست ان الزفت اللي اسمه احمد اللي خبطتنى امبارح ماشي ورايا طبعا انا قعدت اغير في الطريق و اكل شوارع مختلفه علشان اشوفه ماشي برده ورايا ولا لا و فعلا اكتشفت ان هو كان ماشي ورايا بس العبد لله عرفت اتوه بكل سهوله بس للاسف اتاخرت على الكليه🤭🤷🏻♀😹😹☹🤦🏻♀💔
وطبعا احمد خد باله من البالطو وعرف ان هاجر كليه طب فامشي وراها لغايه الكليه وفضل مستنيها
هاجر : السلام عليكم
مريم : وعليكم السلام يا اختي
اي الي اخرك كدا المحاضره الأولى فاتتك يا منيله
هاجر : يالهوي المحاضره الأولى خلصت اصل يا مريم حصل حاجات كتيره أخرتني وانا جيه
مريم : اي اي انتي كويسه
هاجر : اها يبنتي الحمدالله كويسه
مريم : اومال اي في اي
هاجر : حكتلها على كل الي حصل
مريم : يالهوي الموضوع بقا ميسكتش عليه هتعملي اي يا موكوسه
هاجر : موكوسه طب وانا مالي يعني يا مريم
مريم : يالهوي معاك المحاضره جه
هاجر : يلا ولما نخرج نبقا نتصرف
هاجر ومريم دخلو المحاضره وكانت اخر محاضره ليهم وخارجين هاجر بتبص لقيت عربيه لفتت نظرها اي ده انا عارفه العربيه ده ولما شافت ان الي جواها احمد قالت لمريم يالهوي يا مريم ده هو ده هنعمل اي دلوقت
مريم : يادي النيله هو
طب يلا بسرعه ومريم شدت ايد هاجر ومشيو لحد لما وصلو للمترو وركبو
هاجر : الحمدالله عرفنا نهرب منو
مريم : اها يا ختي الحمدالله
بس انهارده قدرنا نهرب بكره ممكن مانعرفش نهرب هنعمل اي بقى
هاجر ومريم ركبو المترو ونزلو ركبوا العربيه هما الاتنين واول مانزلو من العربيه هاجر عدت مريم
هاجر:يلا سلام بقا ياميرو انا هركب توك توگ واروح عشان مش قادره امشي
مريم:مين سمعك انا كمان والله
هاجر:لا خلاص انا هستنا معاگي لغايه ماتركبي انتي الاول
وهاجر ركبت مريم ومستنيه اي توك توك وهي واقفه مستنيه لقت عربيه وقفت فاجأه قدامها
هاجر في سرها ايه ده ديه عربيه احمد
احمد فتح ازاز العربيه :اركبي بسرعه شكلك مستنيه توك توك
هاجر:انا فعلا مستنيه توك توك بس مستحيل اركب معاگ
احمد:ليه بس
هاجر:كدا مينفعش انت عايز اي تاني اللله
احمد:خلاص انتي حره
هاجر:اه طبعا انا حره ومش هركب
واحمد مشي
هاجر وهي واقفه مستنيه قالت ماكنت اركب مع احمد ايه اييه لا طبعا ايه اللي انا بقوله داا انا معرفهوش وبعد كدا جه توگ توك وركبت
ام هاجر:اي ياهاجر اللي اخرگ كدا
هاجر:والله ياماما انا تعبانه اوي وهموت وانام لما اصحي هبقا احكيلك
ام هاجر:ماشي يابنتي براحتگ خشي نامي ولما تصحي ابقة احكي
هاجر:يلا بقا يماما تصبحي علي خير انا تعبانه اوييي
ام هاجر:لي بس يابنتي مالگ
هاجر:مش عارفه يماما دماغي مصدعه اوي
هاجر:ماشي ادخلى نامى
ام هاجر داخله تشوف هاجر :يالهوي دي مولعه لازم اعملها كمدات بسرعه
ام هاجر فضلت طول الليل جنب هاجر تعملها فى الكمدات
هاجرصحيت لقت مامتها نايمه جانبها على الكرسى وماسكه ايدها
هاجر: ايه ده يا ماما انتى نايمه كده ليه
ام هاجر: اصلى جيت اشوفك لقيتك مولعه بليل فعملت لك كمدات ف نمت غصب عنى🤦🏻♀
هاجر : حبيبتى يا ماما سهرتى جانبى طول الليل طب خلاص روحى نامى بقى خلاص انا بقيت كويسه الحمد لله معلش تعبتك معايا
ام هاجر : لا تعبك راحه لا تعب ولا حاجه يا بنتى
المهم يلا بقى قومى علشان تفطرى
هاجر : لا لا فطار ايه انا رايحه الكليه انا كده هتأخر
ام هاجر: لا مافيش كليه النهارده انتى كده كده اتاخرتى وبعدين انتى تعبانه اووى اقعدى بقى النهارده مش مهم الكليه
هاجر: خلاص يا ماما مش هروح هكلم مريم اخليها تجيبلى المحاضرات
هاجر : الو ايوه يا مريم عامله ايه يا بت وحشتينى
مريم: الحمد لله انتى عامله ايه مجتيش ليه الكليه
هاجر: مفيش يا بنتى تعبانه وماما كانت سهرانه جانبى طول الليل وقالتلى مش هتروحى الكليه النهارده ف ممكن معلش تجيبيلى معاكى المحاضرات
مريم : الف سلامه عليكى يا روحى اكيد طبعا هجيبهملك واجيلك بعد الكليه
هاجر : لا خلاص يا حبيبتى متتعبيش نفسك انا بقيت كويسه الحمد لله
مريم : لا هجيلك
هاجر : لان انا عارفه انى مش هخلص من زنك تعالى يا حبى تنورى البيت والله انا بس مكنتش عايزه اتعرك معايا
مريم راحت فعلا ل هاجر البيت وهاجر حكيت لها كل حاجه وازاى تعبت وكده واطمنت عليها ومشيت مريم
تانى يوم ”
عند هاجر
امها : هاجر هاجر يلا يا حبيبتي قومى بسرعه علشان فى ضيوف جايلنا وكلموا باباكى امبارح واتفقوا هيجوا النهارده الساعه 7 ان شاء الله
هاجر مفزوعه 😹: ضيوف ضيوف مين
امها : جايلك عريس يا قمر انت يلا قومى بقى علشان تجهزى
هاجر: عريس عريس ايه بس انا يا ماما مش بفكر فى الجواز دلوقتي
امها : يلا بقى بطلى دلع وبعدين انتى مشوفتيهوش هتصغرى ابوكى ولا ايه يلا قومى اجهزى واقعدى معاها ولو معجبكيش ابقى ارفضيه
هاجر: حاضر وامرى لله فين التليفون بتاعى بقى لما انادى للبت مريم تقف معايا فى النصيبه ديه
امها: نصيبه ماشى يا هاجر هى ديه اخرة تربيتى فيكى😹 وسابتها ومشيت
هاجر اتصلت ب مريم وجاتلها على طول
طبعا هاجر مكنتش تعرف ان احمد هو العريس بس هتصدم عادى يعنى 😹😹🙈 بس على فكره هتكون احلى صدمه😹😹
الساعه جت 6:45 وفعلا العريس كلم بابا وقال ان هو جاى فى السكه وجه طلع مظبوط فى مواعيده😹
هاجر طلعت وكانت لبسه فستان بنفسجى جمييل جدا عليها وكانت قمرر قمرر يعنى
احمد انبهر من جمالها اللى زايد عن كل مره
هاجر قعدت بصه فى الارض ومبصتش خالص للعريس
لحد ما ابو العريس قال طيب نسيب بقى العروسين مع بعض
احمد : احم احم انا اسمى احمد وانتى اسمك ايه
هاجر بدهشه الصوت ده مش غريب عليا يا رب مايكونش اللى فى بالى رفعت وجهها ويالها من صدمه ايوه هو
ايه ده انت انت العريس
طبعا مش موافقه😦
احمد: ليه بقى ان شاء الله
هاجر : كده انا مش موافقه
احمد: مش هتوافقى تتجوزينى يعنى
هاجر : تؤتؤ
احمد : انا مش بهزر اتعدلى انتى مش عارفه انتى بتكلمى مين انا الرائد احمد
هاجر : طب براحه بس مالك بتزعق كده ليه
احمد : علشان انا بحبك وهتجوزك يعنى هتجوزك
هاجر : ومالك واثق كده ليه انت بتحبنى لكن مين قالك ان انا بحبك انت متقدملى صالونات انت واخد بالك وبعدين نتزعقليش علشان بخاف
احمد: حاضر يا حبيبتى مش هزعق بس انا فعلا بحبك ممكن توفقى بقى
هاجر : تمام انا موافقه بس يكون فى علمك مش علشانك ده علشان بابا تعبان بس مش اكتر وعلشان مزعلهوش
احمد: يا عمى
ابوها دخل : نعم يا ابنى
احمد : العروسه موافقه سمعونا الزغاريط بقى يا امى
ام هاجر وام احمد فى نفس واحد 😹😹:لولولولولولولولولولى💃💃💃
وخلاص مشى احمد وامه وابوه واليوم خلص
تانى يوم مريم: الف مبروك يا عروسه😹💃💃💃
هاجر : عروسه ايه اتنيلى انا وفقت علشان بابا بس والله انتى عارفه العريس مين العريس يبقى احمد🤦🏼♀️🙂
وعدت الايام واحمد كان كل يوم بيزيد فى نظر هاجر اكتر واكتر وحبيته جدا
فى يوم من ايام الخطوبه
احمد اتصل ب هاجر
هاجر : الو
احمد: الو يا هاجر انا هاجى اخدك ونخرج
هاجر : افندم نخرج ازاى يعنى
احمد : يا بنتى عادى زى اى اتنين مخطوبين هعزمك على اكله حلوه كده ويا ستى هاتى اختك معاكى
طبعا هاجر طفسه طول عمرها اول لما سمعت كلمة اكله فرحت اوووى ووافقت
هاجر: ااه طالما اختى هتيجى معايا يبقى ماشى
هاجر لبست فستان لونه نبيتى جمييل جدا عليها وحطت ميك اب خفيف جدا بس كانت قمر اوووى
وزى كل مره احمد اول لما شافها انبهر
احمد: ايه القمر ده بحس انك كل يوم بتزيدى جمال عن اليوم اللى قبله
” اكاد من فرط الجمال اذوب”
حقيقى انتى اجمل بنت شوفتها فى حياتى
هاجر : اتكسفت جدااا ووجهها احمررر شكرا يا احمد تسلم
احمد خد باله انها اتكسفت ف ضحك
هاجر فى نفسها وسرحت فى جماله يا خربيت ضحكتك اللى مشوفتش زيها ديه
احمد: طب يلا ولا ايه
ركبت هاجر واختها ميار العربيه
احمد :ها تحبى تكلى ايه
هاجر : المفروض يا حضرت الرائد تكون عارف انا بحب ايه هو مش اللى شغلين زيك كده لما بيكونوا عايزين يعرفوا حاجه عن حد بيجيبوا عنه كل حاجه ولا ايه
احمد: طبعا ها تحبى تاكلى بيتزا فين😏😹😹
هاجر فى سرها : يا بن القرده
احمد : سمعتك على فكره 😹😹
هاجر وبان على وجهها التوتر : ايه بجد وايه يعنى انا مقولتش حاجه اصلا
احمد : يا بن القرده قولتى يا بن القرده هو اه ديه اول مره اخرج معاكى وكل حاجه بس انا رائد بقى وزى ما انتى قلتى اللى زينا بيعرف اى حاجه عايز يعرفها عن اى شخص
ها يلا فكرتى هناكل فين
هاجر : اه هناكل فى ……….
احمد : تمام تصدقى فعلا ده احلى مطعم بيبع بيتزا هنا برافو عليكى شكلك ناصحه وعارفاهم واحد واحد😹😹
هاجر: فعلا لان انا بحب البيتزا جدا 😍
كلوا وهما مروحين جابلها بوكيه ورد
ومن هنا بدأت المحبه ما بينهم وهاجر بدأت تميل ليه😍😍
قبل عيد ميلاد هاجر بيوم واحد
احمد اتصل عليها
احمد: الو
هاجر : الو يا احمد
احمد : عامله ايه وحشتينى اوى
هاجر : الحمد لله انت عامل ايه يا احمد
احمد : يا رب ديما انا الحمد لله بخير طول ما انتى بخير وطول ما انا بسمع الصوت الرقيق ده طول ما انا بشوف القمر بنفسه
هاجر اتكسفت ومعرفتش ترد
وبعد سكوت مش طويل
احمد :طب خلاص بقولك بكره ان شاء الله وراكى حاجه
هاجر : ليه
احمد: عازمك على بيتزا يا حبيبتى
هاجر كان وراها حاجات منها ان مريم وممكن صحابها كمان يجوا بس مع احمد فى بيتزا يا جماعه 😍😹😹
وافقت طبعا وهتروح مع احمد
تانى يوم
احمد: يلا اركبى علشان نلحق نروح قبل الليل
احمد كان عاملها مفأجاه
فى مطعم الببتزا
هاجر: الحمد لله
احمد: خلصتى
هاجر : اه الحمد لله
احمد غمز للجرسون ف الجرسون فهم
طفوا النور والمطعم كله بقى ظلمه
وجابوا التورته وفوقيها الشمع منور وصورة هاجر مطبوعه على التورته ومنوره التورته والله
هاجر : اتبسطت اوووووى اول مره حد يعملها كده وكان جايبلها بوكس هدايا وشيكولاتات و دبدوب لان هو برضو عارف ان هى بتحبهم اوووى ففرحت جدا
يسكت على كده لا طبعا
خدها وفسحها فسحه حلوه جدا
وجابلها بوكيه ورد
على فكره كان فى خروجات قبل ديه كتير اووى وطبعا كان فيهم اكلات غير البيتزا
روحت هاجر وهى كانت هتموت من الفرحه
وحبها ليه زاد اووووى بعد المفأجاه ديه لانه فرحها جداااا مفيش اى حد عملها كده قبل كده كان اخرها تورته وخلاص🙂
فى يوم كانت نازله هاجر علشان تقابل مريم ويكملوا حاجات كانت ناقصه فى الحهاز بتاعها
هاجر وهى فى طريقها الى مريم وقفت عربيه سوده كبيره ونزل منها رجاله طول وعرض ايه و رشو على وجها حاجه اول لما شمته اغمى عليها خطفوها فى العربيه ومشيوا
هاجر طبعا اتأخرت على مريم
مريم: الزفته ديه اتأخرت كده ليه
واتصل عليها يقولى مغلق او غير متاح مش عارفه قافله تليفونها ليه
خلاص اتصل على طنط بقى وامرى لله
الو
ام هاجر: ايوه يا مريم فى حاجه ولا ايه يا بنتى
مريم : هى فين هاجر يا طنط
امها وبدأت تقلق : هاجر هاجر جاتلك يا بنتى ديه نازله من بدرى
مريم: مجتش والله يا طنط طب اهدى طيب وانا جايه.ليك حالا
مريم راحت بسرعه جدا على ببت هاجر
ام هاجر: بنتر فين يا مريم
مريم: اهدى بس يا طنط ان شاء الله خير اتصلى على احمد
احمد : الو ايوه يا هاجر بتتصلى من فون مامتك ليه
ام هاجر: انا مش هاجر يا ابنى هى هاجر مش معاك
احمد : لا
ام هاجر: يالهوى امال راحت فين ديه نزلت علشان تروح تقابل مريم ويرحوا يجيبوا باقى الجهاز ومريم عندى اهى وبتقول مجتليش وتليفونها مقفول
احمد: طب اهدى طيب واى اخبار عنها بلغينى
احمد عمل كذه مكالمه وخد كذه واحد من صحابه ونزلوا يدوروا عليها
احمد لقى هاجر بترن عليه
احمد: ايوه يا هاجر انتى فين
صوت غريب : انا مش هاجر ولو عايز هاجر تعالى احنا عايزينك انت مش عايزين هاجر
احمد : انت مين وعايز ايه وهاجر فين ادينى هاجر
رئيس العصابه : انا …… اللى انتو قتلتوا مراته وكانت حامل وانا مش هسيب حقى
احمد : ااااه عرفتك طب انا هاجيلك بس تسيب هاجر واديهالى اطمن عليها
هاجر: الو يا احمد الحقنى
احمد : متخفيش يا حبيبتى هما عايزينى انا مش عايزينك انتى اهدى بس ومتخفيش
رئيس العصابه خدت التليفون منها: ها اطمنت عليها يلا بقى تيجى لوحدك اهه
احمد: حاضر بس لو حد لمس شعره واحده منها انا مش هرحمه تمام؟ فين العنوان بقى
رئيس العصابه : العنوان………. هتروح هناك هتلاقى واحد مستنيك وهو هيجيبك
احمد راح وكان معاه شريحه تبع الشرطه بقى وكده يعنى حطه تحت لسانه لان هو عارف ان اكيد هما هيخدوا التليفون منه الشريحه ديه بتعرف الشرطه هو مكانه فين بالظبط علشان يروحوا ينقذوه
وراح احمد فعلا وقعدوا يضربوا فيه لكن احمد كان شجاع جدا ضرب معظمهم لوحده والشرطه جت وقتلت معاه الباقى وانقذوا هاجر لكن للاسف احمد منجاش كده وطلع سليم خدت طلقه بس الحمد لله كانت فى كتفه راح المستشفى وهاجر كانت معاه طبعا
بعد ايام
طلع احمد النهارده من المستشفى وكان تانى يوم على طول كتب الكتاب
احمد روح هاجر لحد باب البيت علشان تجهز بقى وكده ما هو بكره ليلتها واحمد روح برضو
واليوم خلص وطبعا مريم كانت مع هاجر طول اليوم وبايته عندها كمان
مريم : صباح الفل على احلى عروسه يلا قومى بسرعه علشان نروح الكوافير
هاجر: حاضر حاضر
احمد خلص هو كمان وجهز وراح ياخد عروسته من الكوافير فعلا كانت احلى واجمل عروسه
وعمل احلى سيشن واتصوروا احلى الصور والفيديوهات فى الكوافير
وبعدين راحوا عند المأذون وكتبوا الكتاب واول لما كتبوا الكتاب حضنها ولف بيها وصوت الزغاريط بقى فى كل مكان حواليهم😹💃💃💃💃💃
وبعدين راحوا على القاعه بقى ورقصوا وهيصو
بس كانت فى مفأجاه ل هاجر وكانت احلى مفأجاه فعلا
منار
ايوه منار انتو نسيتوها ولا ايه هاجر كانت بتكلمها على طول وهاجر كانت زعلانه ان هى مش هتيجى الفرح بس احمد لما شافها زعلانه اتصرف طبعا وبعت ل منار عربيه علشان تجيبها مخصوص
جت الفرح ديه كانت احلى حاجه حصلت فى الفرح كله وهاجر اتبسطت بيها اووووى واول لما عرفت ان احمد هو السبب قامت حضتنه جاااامد وقالته بحبك اول مره هاجر تقوله بحبك اول مره تعترفله بحبها اللى كانت عيونها ديما فضحها بس النهارده اول مره احمد يسمعها احمد فرح جدا وحضنه وشالها ولف بيها وكان احلى فرح واحلى زفه فعلا
تمت بحمد الله تعالى
#هاجر عكه
