ثمن احلامي
الفصل الثاني والعشرون
لينا : والحل ؟؟
فريده : انا والله بصلي كتير وبستغفر اكتر وبحاول اقرب من ربنا عشان يساعدني ويغفر لي ذنوبي وعمري عمري ما هغني تاني
بس يبعد عني الاحساس ده اللي مشتتني وحتي النوم عاصي علي
لينا : وطبعا دكتور ايهاب لامس حالتك ده
فريده : دكتور ايهاب ده بحسه لغز في حياتي بحس ان ضميري …اخويا الكبير…
الخط المستقيم اللي جوايا …ترمومتر حياتي بصي غريب جدا جدا
لينا : بس انا شايفه انك ظالمه نفسك اوي
فريده : لا ظلم ايه انا لما سيبت نفسي شوفي حصل لي ايه
لينا : طيب مبدئيا حاولي مع نفسك ولما يجي عندكم اتعاملي بشكل عادي يعني زي اي ضيف عندكم
فريده : براحته بقي وقت ما يجي …انا عند طنط سميره من اسبوعان بحاول اكون طبيعيه وهي بتساعدني
لينا : وليليان؟؟
فريده : زعلانه طبعا وجدا كمان
لينا: مش حاسه بحالتك؟؟
فريده : اهم حاجه عندها اني اتجوز
لينا: ما تزعليش منها يا ديده ما انت شايفه ماما كل يوم عريس ورفض وخناقه كبيره
فريده : بس ربنا يخلي اخواتك
لينا : المشكله بتقولي عشان لسه ما اجوزوش لو اتجوزو هينسوني ومش مهم عندهم اجوز ولا لاء هينشغلوا في جياتهم
فريده : المشكله ان في جزء م الحقيقه في كلامهم بس معني كده اني استسلم وخلاص
لينا : ايه تستسلمي انت …مستحيل انت جبل يا فريده مش فاهمه ازاي قدرتي ترتبي لنفسك م الثانويه وتدخلي علمي
وتحققي مركز وتعيشي كل نجاحك لوحدك وفرحتك ازاي قدرتي علي ده
فريده : وعدي وحـــــلمي بمستقبلي اتحكم في كل حاجه ليا والصفقه المشبوهه اللي عقدها مع نفسي
لينا : بس ليه مشبوهـه انت حلمك مشروع
فريده : بس مش متوافق مع ماما باي حال لو عرفت هتقاطعني
لينا : غريبه حياتك
فريده : كل حاجه حواليا بتضطرني للكدب وان اخفي كل اسراري
لينا: بس اطـــمني كلها حاجات مشرفه
فريده : بس قايمه علي مبدأ غلط …الكدب والانانيه
لينا: وليه ما تقوليش ان من حقك تعيشي حلمك ما دام ما بيعارضش مع حد ولا بيضرهم في شئ
فريده : حبهم ليك وخوفهم علي فطره ….المفروض كنت قدرتها
لينا: يعني بتندمي علي تحقيقك لحلمك
فريده: حتي لو ندمت لازم اكمل ما ينفعش اني اقف ..والغريبه اني كل ما بندم كل ما احقق تفوق اكبر
لينا: المهم زين ايه؟؟
فريده: خلاص هتعامل عادي
لينا : ومامتك
فريده : هروح النهارده اشوفهم
لينا : تعالي اوصلك
……………………………………
شقه فريده
نجوي: اهلا اهلا بالباشا الغايب فينك مش ظاهر ليه؟؟
محي: ايه يا بنتي الله يكون في عون سيف محقق
ليليان : تخيل سيف بيقول كده زيك ا
لوزي: نتفضل يا خالتو ولا ايه من ع الباب كده
ليليان : يا خبر طبعا اتفضلوا كلكم
سهير هانم : من الزياره الاخيره اتشغلت عنكم متأسفين
ليليان : انا قلت كده وقلت بس لازم نتعشي مع بعض
سمر: لا بقي بعد كده عندنا
لوزي: لا يا طنط انتو تشرفونا وتنورونا اسهل عليكم
محي: يا اختي اسكتي الشيف عندهم بتجهز كلل حاجه
زين ” يجلس لا ينطق بشئ وينتظر ظهور فريده وينظر لكل زاويه بالبيت
فجاءه يرن الجرس
لوزي: ربنا يستر ما يكونش عبد الرحمن
تتقدم وتفتح الباب تجدها فريده تحتضنها فورا
فريده تتفاجئ بوجود الجميع ومنهم زين
تبتسم في وجوه الجميع وتقترب وتحتضنهم مرحبه
وتشتاق الي نجوي وليليان فتحتضنهم بشده وزين يراقب كل انفعالاتها
فريده : اتفضلوا عن اذنكم
ليليان : هترتب حاجتها وتيجي
تشاغب نجوي الجميع بالحديث في موضوعات شتي
ليليان تنتظر خروج فريده لهم ولكن فريده بدلت ثيابها و ادت فروضها وفتحت الشاشه وجلست تشاهد ما يعرض
نجوي ” تدق الباب وتدخل علي فريده
ايه يا ديده تعالي اقعدي معانا انت وحشتني
فريده : لا 00انت بس سندوتشان وانا هنام ونسهر طول الليل مع بعض نرغي ونخطط لسيف
نجوي: بجد يعني عندك فكره
فريده : مش اللي فاتت نفعت
نجوي : جننته والله واخيرا قالها
فريده ” تضحك وتحتضن نجوي”: ثم تجلس علي الفراش
نجوي: بس ماما هتزعل والضيوف
فريده : انا جايه ومعرفش ان في ضيوف اصلا …فسيبني ارتاح
نجوي: طيب ثواني وراجعه لك
تخرج نجوي تقوم بتحضير سندوتشان وعصير وفي صينيه تحملها لغرفه فريده وزين يلاحظ الامر وفي داخله يحترق
ليليان ” تري نجوي وتشعر بالاحراج”…فتستئذنهم علي الفور الي غرفه فريده
ليليان : انتوا بتعملوا ايه
فريده : جعانه يا ماما
ليليان : حبيبه ماما انا عامله تقريبا كل الاكل اللي بتحبه
فريده : هنام الاول
ليليان : والضيوف مش عيب
فريده : ماما انت دعتهم وانا جيت مفاجاءه
ليليان : بس شافوكي وعيب ما ترحبش ..
..ولا عايزهم يقولو ا جم في وقت مش مناسب عيب …ضيوف يبقي الكل بيرحب بهم
ولا انا معرفتش اربيكم
فريده ” تقبل ليليان “: وانا اقدر معقول ده
تفتح الولاب وتختار فستان جميل
ليليان : البسي ده وشويه ميكب
فريده : اوامرك
ليليان : او ل ما تخرجي قولي كنت بتكلمي في الموبايل واتا خرتي عشان عيب
تخرج نجوي وليليان ويتركوا فريده في حيرتها
فريده : يارب قويني اقدر اني ابعد نفسي عنه
تجهز فريده وتكون رائعه ولكن يكسو وجهها لمحه حزن
فريده ” تميل علي ليليان ”
زين يراقبها بشده ويصب نظراته المشتاقه لها عليها ولا تفارقها
فريده ” تنتبه له ولكن تحاول التجاهل
ليليان : في حاجه
فريده : مشروبات ولا العشا
ليليان ” تبتسم وبصوت منخفض “: حبيبتي اسألهم
فريده ” لهم “: طنط من فضلك مشروبات ولا العشا
سمر: حبيبتي الجاهز
فريده : يبقي العشا ثواني وارتب السفره
انجي: خدي راحتك
تنشغل فريده بترتيب السفره وتوجه كل انتباهها لها
زين يزيد اشتياقه لها فهي امامه ولا يستطيع التقرب ولذلك يطلب ان يغسل وجهه
ليليان : فريده مع زين من فضلك
فريده :” نظراتها مشتته “: اتفضل
زين يمشي بجوارها عدًه خطوات ثم يقترب”: اتأخرتي له لما دخلتي تبدلي لبسك
فريده ” تشير علي غرفتها وتحاول ان تتماسك والا تعطيه الاهتمام “: آه ابدا تليفون اتفضل
زين ” يدخل الحمام وتهم فريده بتركه ولكنه فورا ينادي “فريده
فريده ” قلبها يخفق وتتسارع بداخلها كل مشاعر الاشتياق والحنين له ” نعم ”
زين ” نظرات حانيه متد فقه “: اقفي من فضلك ” ويتلفت يمين ويسار “: هي فين المنشفه؟؟
فريده : تمسكها لتعطيها له ولكنه فورا
يمسك الصابون ويفتح المياه وهي تلاحظ ان اكمام القميص ستبلل بدون انتباهه فتتدخل وتجعله يمد ذراعه فتفك الازرار وتقوم بطيه
زين : تزيد
\ ضربات قلبه وتنفجر بداخله الكثير من المشاعر المتوهجه التي يقاوم ويحاول السيطره عليها
فريده تشعر به ولكنها تحاول التظاهر بالا مبالاه
ينتهي زين من غسيل يده ووجهه
فريده تعطي له المنشفه وتتركه علي الفور الي المطبخ
ينتهي زين ويمر يجدها تقف بمفردها في المطبخ تملأ الكاسات
زين : ممكن اشرب
فريده : في الصاله موجوده صينيه كامله
زين : ايه يا فريده
فريده ” يتوهج وجهها فورا ويتذكر قلبها ما عاناه في غيابه وفي لحظه تعلن غضبها وحزنها الذي يعطيها دفعه للمقاومه”:
ايه يا زين ….كل طلباتك جاهزه اتفضل
