طال أنتظار العوض بقلم وفاء أشرف
_مين ده يا هانم
=فى ايه يااكرم انت اتجننت ده هانى
_فرررح متستعبطيش اتفضلى انطقى
=فى ايه يا خالد بهزر معاك ده زميل معايا وبعدين كان بيسالنى على محاضره امبارح، وبعدين هو انت يعنى سيبته فى حالو ده انت هريت الواد ضرب ده انت خليته وشه خريطه
خالد بعصبيه:ويسيب الجامعه كلها ويسالك انتى ليه بقولك ايه متجبليش سيرة الواد الملزق ده ،وعلى الله اشوفك واقفه مع اى راجل تانى فاهمه
=….
خالد:ما تردى
خالد بعصبيه:اسمعك دلوقتى يا فرح تقولى مش هقف مع اى حد مكتوب فى بطاقته ذكر ااااانطقى
فرح بدموع:حاضر
خالد بحنيه:من غير دموع انتى عارفه انى بحبك ،وبخاف عليكى ،وعارفه انى بغير عليكي
=طب ما انت بتقف مع البنات عادى فى الجامعه وبتكلمهم ؛وبتكلم المتسهوكه على نفسها بنت خالتك اللى اسمها نيله ؛وانا ساكته ومتحمله؛ساكته ومتحمله
خالد:وووه انتى بتغيرى يافرولتى وبعدين يا روح قلبى قولتلك ميت مرة انا دكتور فى الجامعه ودول طلاب عندى مش اكتر؛ وبعدين بقا من يوم مابقيتى مراتى ،وروحى ؛وقلبى وانا مبكلمش نهله اهو انا مبكلمهاش وخالتى وامى زعلانين منى ؛وانا بحاول اراضيك انت ياقمرى انتى حياتى كلها يافرولتى
=دايما كده بتضحك عليا ،وانا عبيطه وبصدق ؛وبضعف قدام كلامك الحلو
خالد:لا يروحى انتى مش عبيطه انتى هبله بس
فرح بزعل: كده يالودى
خالد:كده ياقلب لودى من جوه
بقولك
فرح:اممم قول
خالد:تيجى نشرب قهوة فى حته بعيده و..
فرح:لا بقولك ايه يا حمزة يانمرة انت احنا مش هنشحطط نفسنا علشان فنجان قهوة انا عايزة كريب اصل النهارده كان عندنا دكتور رخم وغلس وثقيل
خالد:بت فصيله بقا اقولك تعالى نشرب قهوة فى حته بعيده تقوليلى كريب طفسه وبعدين انا رخم وغلس وثقيل ده انتى هتتنفخى لو مشيلتكيش الماده
فرح:لا بس مووووز وقمر
خالد:ايوه كده اتظبطى ويلا ياست تعالى اجبلك كريب علشان عارف ان مدام فرح مش هتعمل اكل النهارده
استوووب(انا فرح عندى ٢٢ سنه بنت جميله وطيبه ومنتقبه بتحب جوزها خالد جدا ابن عمها اتجوزوا عن قصة حب يكتب لها التاريخ والاساطير والروايات وكانت عايشه معاهم وهيا عندها ٧ سنين علشان هى يتيمه الاب والام
*عمى اللى مربينى من وانا ٧ سنين وبيعاملنى كأنى بنته
*خالد اما ده بقا ابن عمى وزوجى الحبيب بيعمل كل حاجه علشان يرضينى متجوزين عن حب طفوله ومراهقه هو اصلا حبيبى لطول عمره متجوزين بقالنا ٤ سنين اول جوازنا كنت عايشه مع عمى محمد بس دايما كان بينى وبين مرات عمى مشاكل بسبب او من غير بس بسبب المشاكل إللى دايما بينى وبين مرات عمى عايشين دلوقتى لوحدينا بعيد عن عمى ومرات عمى متجوزه خالد من اربع سنين وهو حبيبى وزجى وصاحبى بس لسه ربنا ماردش انى اخلف والموضوع ده عاملى عقده ايوة خالد مبيحسسنيش انى ناقصنى حاجه وبيقولى ان ده اختبار من ربنا لينا ولازم نصبر بس انا عايزاه يكون سعيد ويكون بابا بس الحمد لله انا واثقه ان ربنا هيعوضنى ويرزقنى ان شاء الله بس المشكله فى مرات عمى كل شوية تقولى كلام بايخ وان هى عايزة تبقا جده وان انا داخله على الخمس سنين ولسه مخلفتش وان هو ليه حق يكون اب وبصراحه هى معاها حق جدا فى كل حرف بس اعمل ايه بحبه وهو بيصبرنى و بيقولى دايما انه مش عايز غيرى بس انا بحس بزعل من جوايه انى مش عارفه اسعده واخليه اب)
باااك
*خرجنى وصالحنى عمرى ما لقيت حد فى حنيته ربنا بعته ليا عوض عن امى وابويا ووجوده فى حياتى نعمه كبيره متدين وبيتقى الله فيا بجد الجمله دى كنت بسمعها وانا صغيره كتيير بس فهمتها لما اتجوزته عمره ماضربنى ولا اهنى بيراضينى كأنى بنته وبيعمل المستحيل علشان يراضينى وعمره مازعلنى الا وصالحنى فى وقتها فعلا راجل بجد مش زى العيال المايصه بتاعت اليومين دول
*وبعد يوم طويل روحنا
_يلا ياست فرح خرجتى وانبسطى يلا نامى علشان بكرة ورانا شغل وانتى وراكى محاضره
=حاضر يالودى
~فرح:خالد انت نمت
_ايوه
=طب وبترد ازاى مادام نمت
_عايزة تقولى ايه يافرحتى
فرح بدموع تحاول اخفائها:خالد انا عايزه اقولك انى بحبك اوى وهفضل احبك طول العمر بس عايزه اطلب منك طلب
خالد بحب:خدى عيونى يافرولتى
=خالد انا عايزاك تتجوز
*لقيت خالد قام بسرعه ومسك دراعى جامد لدرجه انى حسيته هيتخلع فى ايده
خالد بصدمه وعصبيه:ايه الهبل إللى بتقوليه ده وليه وازاى اصلا تفكرى كده للدرجادى مبتحبنيش عايزانى ابعد عنك عايزانى اجبلك دره ولا انتى عايزه ايه بالظبط
فرح بدموع وقوه زائفه: زى ماسمعت انا بقولك تتجوز وسيب ايدى انت بتوجعنى
خالد بعصبيه:وانتى مبتوجعنيش قوليلى سبب واحد يخليكى تفكرى انى اتجوز ومليون مره اقولك لو على الخلفه ده اختبار من ربنا ولازم نصبر والدكتوره قالت ان مفيش مشاكل هى مسأله وقت حتى لو محصلش وربنا مأردش مش عايز حاجه من الدنيا غيرك انتى بنتى الصغننه ومتعيطيش علشان دموعك غاليه عليا
فرح بدموع:انا اسفه يا خالد انا بحبك اووى ولحد دلوقتى مفيش حمل وبجد تعبت وعايزه انى أسعدك ومش عارفه بجد انا بحبك اوووى وانت عارف كده بس
خالد:اوعى تيأسى من رحمة ربنا وبطلى عياط وتعالى نامى
فلاش باك
ام خالد:ايه يا ام العيال مش ناويه تخلفى دخله على ٥ سنين ولسه
فرح بدموع:الحمد لله يامرات عمى حاجه مش بأيدى وكل ماروح لدكتورة تقولى مسأله وقت
ام خالد بعصبيه :بصى بقا انا صابره وصبرت كتير عليك ياست فرح وانتى شكل مفيش منك امل فتخلى ابنى ياختى يتهنا بشبابه ويكون اب كفايه ياختى انه بيعملك كل حاجه وبيرضيكى اسعديه انتى حبه وخليه يتجوز ويجبلى حفيد والا اقسم بالله ماهسامحك لطولة العمر انك حرمتى ابنى يكون أب ومن كلمه بابا
بااااك
*اخدنى خالد فى حضنه وفضل يقرألى قرآن طول الليل لحد ما روحت فى النوم
*صحينا تانى يوم على صوت خبط جامد على الباب
=مين ده يا خالد إللى بيخبط كده
_مش عارف يافرولتى انا طالع افتح اشوف مين
*لبست الاسدال وطلعت اشوف فى ايه باين انه صوت مرات عمى طلعت و
مرات عمى:اهلا باام العيال
خالد لإنقاذ الامر:ان شاء الله يا امى هتبقى احلى ماما ولا ايه يافرولتى
فرح بدموع تحاول اخفائها: ان شاء الله عامله ايه يا ماما
ام خالد: احسن منك يا ام العيال
خالد : خير يا امى
ام خالد: انا هقول على طول بص يا ابنى انا نفسى اشوف عيالك قبل ما اموت
خالد: ربنا يطول فى عمرك يا امى ويرزقنى انا وفرح بالذريه الصالحه وتشوفيهم ان شاء الله
فرح بدموع : بعد الشر عليكى يا مرات عمى ان شاء الله هتشوفيهم
ام خالد بتجاهل فرح : لا مهو السنيورة مراتك ممنهاش أمل وباينها كده مش هتخلف داخله على ٥ سنين ومفيش حاجه علشان كدا يا ابنى انا عايزاك تتجوز وتجبلى عيل افرح بيه
خالد : ما انا متجوز يا أمى وبعدين ياأمى انا اللى مش عايز فرح تخلف دلوقتى علشان هى لسه صغيرة وتهتم بدراستها وده شئ مابينى وبين مراتى ومش هتجوز أبدًا على فرح يا أمى
ام خالد: هو انت بتسمى دى جوازه دى
خالد : ايوه يا امى متجوز ست البنات كلهم وان شاء الله احلى ام
ام خالد : اخر كلام عندى يا خالد يا تتجوز نهله بنت خالتك لأما ولا انا امك ولا اعرفك
خالد بعصبيه: وكمان نهله لا يا امى انا اتجوزت فرح وهتفضل مراتى لغاية اخر عمرى حتى لو ربنا ماراضش انى ابقا اب
ام خالد: انا ماقولتلكش طلقها عادى اتجوز نهله ومطلقهاش
خالد: وانا قولت لا يا امى انا مش هتجوز حد غير فرح وهتفضل مراتى ومش هتجوز حد غيرها ولا عمرى هجيبلها دره وبكررها ليكى تانى يا امى ولو على العيال فهى بنتى وحبيبتى قبل ما تكون مراتى وانا ابنها قبل ما اكون جوزها صح يا فرحتى
فرح بدموع وفرحانه من كلام خالد:صح
ام خالد بغيظ : هسيبك وقت تفكر ومشيت وسابتنا
= مش هتسبنى صح
– مستحيل لو لفيت العالم كلوا مش هلاقى زيك اقوم اسيبك انتى حب عمرى وحياتى وبنتى
– انا بحبك اوى يا خالد ربنا عوضنى بيك
– وانا بحبك اكتر يا فرولتى بطلى عياط بقا ياست البنات ويلا يافاشله البسى علشان تروحى المحاضره علشان عليكى الدكتور الغلس الرخم يلا
*روحت معاه بس كنت سرحانه فعلًا هو ممكن ربنا ميرضش انى اخلف وماكانش ماما طب عمرى ما هسمع الكلمه دى طب خالد هيزهق منى وهيتجوز انا حاسه بدوخه وتعب وفاجأه حسيت ان الدنيا بتضلم وفقدت الوعى واخر حاجه فكراها صوته وهو بينده باسمى
=اه ايه ده انا فين
_كده يا فرحتى تخضينى عليكى
=ليه هو ايه إللى حصل انا فجأه حسيت ان الدنيا بتلف بيا ومحستش بعدها بحاجه
_انا شاء الله مفيش حاجه انتى بس بتدلعى عليا بتشوفى اذا كنت هسيبك ولا لاالدكتوره دلوقتى تاجى تعرفنا
_خير يا دكتوره
- ان شاء الله كل خير بس هنعمل شويه تحاليل علشان أعراضها أعراض حمل وفى شك كبير أنها تكون حامل
خالد بفرحه ودموع:ايه قولتى ايه حاااامل يعنى هكون اب طب اعمليها بسرعه الحمد لله احمد لله يارب
فرح بدموع: الحمد لله يارب حامل طب ممكن تعملى التحاليل علشان نتأكد علشان بجد تعبت
*بعد مده
فرح بدموع:خالد الدكتورة اتأخرت انا خايفه ليكون حمل كاذب وهى مش عايزه تقولنا
خالد:حتى لو حملك طلع كاذب عمرى ما استغنى عنك وانا راضى يارب راضى بكل حاجه
فرح بدموع: يارب انا راضيه بحكمتك يارب
وبعد مدة
فرح بعياط شديد:هاا يا دكتورة مش حامل ولا ايه انتى ساكته ليه هو كاذب
حالد:اهدى يا فرح هى ماتكلمتش
الدكتورة: مهو لو صبرتى هعرف اتكلم انتى مش مديانى فرصه على العموم الف مبروووك يا مدام فرح الف مبروك يا دكتور خالد المدام حامل فى الشهر التانى انا مش عارفه انتى ازاى كل ده ومش حسه
فرح بدموع: الحمد لله الحمدلله والله كنت حاسه بس بكدب نفسى خايفه اتعلق على أمل زى كل مره ويطلع وهم
خالد بفرحه كبيره:الف مبروك يا فرحتى الحمد لله وسجد شكر لله
بعد شهرين راحوا للدكتورة علشان يطمنو على الجنين.
السكرتيرة : مدام فرح اتفضلى
خالد مسك ايديها بفرحة ودخلوا للدكتورة
والدكتورة بتكشف
خالد: ها بنت ولا ولد كل اللى يجيبو ربنا كويس طب هو كويس طيب فرح كويسه طيب
الدكتورة بضحك: اهدى يا دكتور هو كويس هو والمدام بس اقولكم حاجه مبرووك ليكم مدام فرح حامل فى تؤام بنت وولد
فرح وخالد بصدمه : بجد
الدكتورة : ايوه
فرح : الحمد لله يا الله على عوض ربنا
خالد بدموع وفرح: قلتلك مش هيبقا ليا عيال غير منك وغير كدا مش عايز الحمدلله
وبعد تسع شهور
=خالد الحقنى بوووووووووووووووولد ااااااااااااااااااه
وراحوا المستشفى
خالد بخوف بصريخ:حد يلحقنى مرااااااتى بتووولد
فرح بعد ما نامت على السرير وهما رايحين بيها لاوضة العمليات
=خالد انا خااااااايفه
_متخافييش يا فرحتى ويلا اولدى بسرعه علشان فضلنا سنين نستنى الليوم ده
– هاات ايدك يا حبيبى
– خدى يا حبيبتى ااااااااااااااااااه يا بنت العضاضه ايدى فين دكتور البينج بنجوهااا بسررعه
فرح بدموع: احسن تستاهل اقولك خايفه تقولى اولدى بسرعه
خالد:طب اهدى ربنا يقومك بالسلامه يارب
وبعد مرور وقت سمعوا صوت أول بيبى
الممرضه : مبرووك جابت ولد زى القمر
وبعديها بدقايق
الممرضه:ولدت بنت ربنا يباركلكم فيه
خالد بخووف: فرح عامله ايه
- متخافش هى كويسه وهننقلها
اوضه عاديه
خالد سجد شكر لله من فرحه وراح لوالدته
- شايفه يا امى الحمد لله قولتلك مش هيبقا عندى عيال غير منها وربنا رزقنى وعوضنى خير الحمد لله
ام خالد بفرحه:ربنا يسعدك ياحبيبى
خرجو فرح اوضه عاديه يجرى خالد على فرح: حمد لله على السلامة يا فرولتى
فرح : الله يسلمك يا لودى هما فين عايزة اشوف عيالى
خالد: من عيونى يا حبيبتى انا كمان عايزه اشوفهم
فرح : انت ده كله ماشوفتهومش
خالد:لا مستنى اما اطمن الاول على بنتى الاولى
فرح:ربنا يخليك ليا بسم الله ماشاء الله الولد شبهك اوووى والبنت شبهى اوى
خالد: البنت شبهك ونفس جمال عيونك انا هسمى البنت وانتى سمى الولد
فرح: هسمى الولد محمد علشان يكون محمودا فى الارض وفى السماء محمد خالد محمد
خالد: وانا هسميها حياه علشان تكون هى حياتى وانتى فرحتى
فرح بضحك: بحبك اوي يا ابو العيال
خالد بحب: بعشقك يا ام العيال
- فعلا الانتظار شئ متعب وممكن نيأس فى بعض الأحيان بس بننسى إن ده اختبار من ربنا أو يمكن بلاء عايزنا دايما نبقا فاكرينه ونستغفره وندعيه ونطلب منه الرحمه والعطاء والرزق ويمكن ربنا يحرمك من حاجه بس يرزقك ويعوضك بحاجه احسن .
#اسكريبت_انتظر_ولا_تيأس_سيعوضك_الله
#ل. وفاء أشرف
