اصبح_آسيرى بقلم وفاء أشرف
مش تفتح وتخلى بالك ايه مركب قطر فى رجليك يابنى ادم انت
=يا آنسه مكنش قصدى ورايا محاضرة ومكنتش مركز
- تقوم تخبط فى البنى ادمين اللى ماشيين
= طب انا اسف والله مكن..
اعمل ايه انا بإعتذارك ده والقهوه اللى غرقتنى دى امشى انا ازاى دلوقتي وسط الجامعه
= هاتى اغسلهالك
- اه انت بتستظرف بقى !
= طب خلاص خدى الجاكت بتاعى ألبسيه ومش هتبان
- و دمك خفيف كمان!
= طب اعملك ايه يعنى اعتذار واعتذرت و جاكت وكنت هدهولك ابوس رجلك عشان تسبينى امشى
- وهو حد قالك انى مسكاك ما تتفضل تمشى يك تلحق المحاضره اللى مستعجل عشانها
= ما اتأخرت عشان يعجب حضرتك
- لا ويت كده انا مالى!
= ما انت اللى شغاله لوك لوك لوك اى مبتفصليش
- يعنى غلطان وبجح كمان!
= ما قولنا اسف ولا هى شغلانه ولا تكنيش فاكره هقولك تعالى اعزمك على قهوه غيرها و نتعرف على بعض وبعدها نرتبط و نتجوز ونخلف و..
- حيلك حيلك ايه شريط وسف انت حافظ مش فاهم يابنى
= لا انا فاهم حوارات الروايات دى كويس و عارفهم كلهم حوار حوار تحبى اقولهوملك كلهم و مش بعيد تكونى خبطانى قصد اصلا عشان توقعينى ااه انا عارفكم ومش بعيد كمان تكونى مخططه لكل ده و .. وهو انتى سيبانى اتكلم من بدرى ليه مسكتنيش
- لا بس لاقيتك اندمجت شويه فكنت مستنياك تخلص القصيده اللى حافظها
= احم .. خلصت خلاص
- طب يلا يا شاطر من هنا .. يلا ياض من هنا
= ياض !
- مش عجباك!
= لا
- احسن غور من وشى على الصبح واتمنى مشوفش خلقتك تانى
= ولا انا اتمنى صدقينى
ـــــــــــــــــــ
- انتى فين يا بنتى انا وصلت من بدرى ؟
= خلاص والله وصلت اهو
- طب يلا انا فى الحمام بتاع الكليه تعالى على هناك
= حاضر بس مالك فى حاجه؟
- اما تيجى يا نور اما تيجى يا حبيبتي هتعرفى لوحدك فى اية
= حاضر حاضر جايه سلام
ـــــــــــــــــ
- ايه يا عم كنت فين كل ده اهى المحاضره راحت علينا
= خبطت فى واحده مجنونه على الصبح ودلقت عليها القهوه
- يخربيتك وهى كويسه!
= انا اش عرفن.. اوبس والله يابنى نسيت اسألها
- يعنى ايه نسيت تسألها اومال عملت اية ؟
=فضلت تزعق و مركبه بغبغان فى لسانها شغاله لوك لوك فصلتنى على الصبح
- طب ما انت غلطان مش تاخد بالك
= اهو اللى حصل بقى .. فكك يلا نفطر عقبال ميعاد المحاضره الجايه
- اشطا يلا
ـــــــــــــــ
- ايه ده !
= ده قهوه و دى بلوزتى و ده انا فين المفاجأه !
- ايوه اللى عمل فيكى كده!
= واحد ماشى زى الطور خبطنى
- الله يرحمه طبعا الجامعه كلها اتفرجت عليه !
= لا مش الجامعه كلها والله هما كام واحد بس
- حرام عليكى كسفتيه
= لحظه بس انتى معايا ولا معاه نور فوقى انا صاحبتك يا حبيبتى انا اللى ادلق عليها القهوه
- ما انا عارفه وعارفه لسانك يا حبيبتي ربنا يخليهولك
= الله يحفظنى انا عارفه .. طب ممكن نشوف هنعمل ايه عشان المحاضره ده لو تكرمتى
- اغسليها و خدى معايا شال مش هتبان وهتنشف بسرعه عشان الجو شمس
= فكره حلوه
ـــــــــــــــ
- نور هو المدرج مليان كده ليه ؟
= مش عارفه بس استنى فى مكان فاضى هناك اهو تعالى نقعد فيه
- قودينى إليه
- إنتى تانى!
= يا ساتر يارب هو يابنى انت حد مسلطك عليا
- على فكرة انتى اللى جايه تقعدى جانبى
= على فكره مختش بالى انك قاعد هنا طب انا .. (قاطعها صوت نور) مش لازم الجامعه والمدرج يتفرجوا عليه لمى لسانك واقعدى عشان مافيش مكان والدكتور دخل اترزعى
(بعد المحاضره)
- بصي انا اسف فعلا على الصبح بس انا فعلا مكنش قصدى و ..
= اووه وهتعزمنى على قهوه غيرها لالا استنى هنحب بعض اووف هنرتبط طب هنتجوز ولا اقولك هنخلف ونسمى عيالنا ..
- بس بس خلاص يخربيت اللى يتكلم معاكى انا غلطان والله يلا يا عم نخرج دى بالعه راديو والله
= استنى هنا
- نعم نسيتى تقولى حاجه !
= لا بس انا اسفه
- اية ده انا سامع بجد دبشايه بتعتذر
= قلت ايه!
- دبشايه
= انا دبش !
- تؤتؤ انا اللى دبش
= طب يلا من هنا
- ما كنا حلوين وبتعتذرى وكده
= لا خلاص الفرصه بتيجى مره واحده ومبتتكررش
- طب ياستى فرصه سعيده ( مد إيده عشان يسلم)
= انا اسعد (وسلمت هى كمان بإبتسامه)
- ايه ده اسمك جميل يا استاذه اسعد
= لا ده انت ظريف بجد يعنى مش هزار
- لا انا آسر
= مسألتكش
- مش لازم تسألى
= طب يا سيدى تشرفنا
- مش هتقولى اسمك اى يا استاذه اسعد
*لمت كتبها وكانت نازله على سلالم المدرج *
– استنى بس انا معرفش اسمك
* لفت وشها وهى بتبتسم*
= ليل * و كملت نزول هى وصحبتها *
رد عليها بصوت عالى عشان تسمع
– اسمك حلو يا استاذه اسعد
* كملت نزول ومبصتش عليه و ردت وهى بتضحك وخارجه من المدرج *
= اتمنى متسرحش فيه كتير
*بص عليها لقاها اختفت كانت خرجت خلاص *
– طب ما هى بتضحك اهى وضحكتها حلوه
= لا وكمان اسمها حلو
- وعيونها جميله و .. ايه ده انت بتعمل اى هنا يا طارق !
= حبيبى انا هنا من الصبح انت اللى نستنى من ساعه ما الاستاذه شرفت
- طب يلا يا عم بلاش كلام فارغ
= انا بردو يا آسر قول لنفسك يا حبيبى قال ضحكتها حلوه قال
ــــــــــــــ
( عدى شهرين بقينا صحاب بنتقابل كل يوم تقريبا وبنقعد سوا بقينا عارفين كل حاجه عن بعض تقريبا بناكل ونشرب و نذاكر ونهزر ونلعب سوا واحيانا كنا بنروح سوا لان بيوتنا طلعت قريبه من بعض بقينا بنتحجج عشان نتقابل مينفعش يعدى يوم من غير ما نتكلم )
- سرحانه فى ايه!
= نور دايما بتقطعى حبل افكارى
- انا زهقتلك يا ليل ومبقتش عرفالك حاجه
= عاوزه تعرفى اى يا نور!
- انتى بتحبى آسر؟
= نور احنا صحاب و ..
- ششش صحاب دى تضحكى بيها على نفسك على آسر اما انا لا
= مبقتش عارفه والله يا نور ده اعجاب ولا حب بس بحاول اخبى عشان لا أذى نفسي ولا أذيه
- ليل كلها كام شهر وهنتخرج فكرى فى مستقبلك وشوفى انتى عاوزه اى عشان لا تظلمى نفسك ولا تظلميه ..
= متقلقيش اللى لينا نصيب فيه هنشوفوا اكيد
- ربنا يعملك اللى فيه الخير يا ليل يارب
= يارب يا حبيبتي يلا عشان نروح بقى
ـــــــــــــــ
- استنى انا شفتك انتى بعيد عنى بشويه
= حصلنى
- اقفى يا ليل هنروح سوا
= اخاف وانا بلف اسحرك بجمالى واخطف قلبك
- لا مش هتخطفيه
= يا عديم المشاعر و ..
- اخلصي معييش رصيد
= طب يلا هقف وانجز متأخرش
- حاضر
= خسيتى فى الخمس دقايق دول فيها اى لو وقفتى استنتينى
- حضرتك اتأخرت
= قابلت كام واحده من معجبينى قلت اسلم عليهم
- مش هنخلص بقى على الصبح
= طبعا ما انا مهم جدا
- آسر
= مهم نص نص
- آسر
= خلاص خلاص هسكت .. بس شكلك حلو ليه انهارده بقيتى شبه البنات؟
- شك.. ايه! شبه البنات! ليه هو اومال انت شايفنى ايه!
= شايفك واحد صاحبى احنا هنهزر يا استاذ اسعد
- اسعد تانى يا آسر
= مش قصدى يا ليل مالك قلبتى ليه؟
- ولا حاجه يا آسر اسكت
= حاضر
- ليل
= نعم
- بقالك يومين لا بتردى عليا ولا بتنزلى الجامعه و لا عاوزه تشوفينى فى اية !
= مافيش حاجه
- يعنى اى مافيش حاجه انا مش من حقى اعرف فى ايه!
= وتعرف ليه؟
- عشان احنا صحاب
= عشان صحاب بس!
– ايوه يا ليل
* إبتسمت إبتسامه لطيفه* خلاص يا آسر مافيش حاجه
– استنى يا ليل متمشيش
= نعم!
- اسمعينى
= مش انت خلصت
- لا يا ليل مخلصتش
= ها فى اية تانى!
- اليومين اللى فاتو انا كنت هتجنن من غيابك و كنتى وحشانى جدا و كنت حاسس ان فى حاجه نقصانى فى يومى ومكنتش عارف اكملك كنتى بتهربى منى و ده شئ كان مجننى، كنت مستنيكى يا ليل مستنيكى ترجعى او تكلمينى كنت مستنى اى حاجه منك كنت خايف اكون زعلتك او عملت حاجه ضايقتك مكنتش عارف فى اية او بيحصل ايه او انا حتى ليه حاسس كده .. ليه حاسس انك وحشتينى اوى وحشنى كلامنا وهزارنا وقعدتنا سوا عدوا عليا كانهم سنه مش يومين كنت خايف تبعدى عنى مش عارف كنت خايف ليه بس كنت خايف اخسرك يمكن عشان اتعودت عليكى فى يومى وانك جزء مهم فيه او يمكن .. يمكن عشان انا بحبك يا ليل
= مطلعتش عديم المشاعر يا آسر وبتحس وبتحب وكده
- يخربيت فصلانك يا شيخه
= طب هتيجى تتقدملى امتى !
- أعتبر دى موافقه
= مش اوى يعنى
- طب ما احنا حلوين اهو وبنتكسف زى البنات
= تانى يا آسر
- بهزر يا حبيبتي الله
= حبك برص يلا متتعودش على كده
- فصيله عليا النعمه فصيله اقولك انا ماشي
= خد بس يا آسر بهزر معاك
- يا ست بقى اتكلى على الله بقى
ـــــــــــــــ
( وها قد سَرقتُ قلبها و جعلت منها اسيِرَتى و كانت هى ليلى وعيونها كالقمرُ تُضئُ عَتمَتىِ )
#اصبح_آسيرى
#ل. وفاء أشرف
