ثمن احلامي
##الفصل السابع عشر
ه ” تبكي ارجوكي يا طنط ارحميني بقي انا قلبي وجعني
سميره : سلامه قلبك اوعي انت بنتي الباقيه ليا من بعدها ماليش غيرك
فريده : تمام ع البيت بقي نحتفل بحق فيروز
يمر يومان تنتهي فيها كل الاجراءات وتطلق سميره
ويتحول الامر لقضيه يحكم فيها القضاء في سريه تامه ويرفع اسم فريده من الملفات اسامه
مروان : في ايه مستعجل اوي ليه ؟؟
اسامه : ازاي مستعجل … ده سنه وتبقي دكتوره ومستقبلها
وجواز وليله طويله ازاي ما افكرش في اسمها في قضيه قذره زي ده
مروان : بس هي المجني عليها يعني الضحيه
اسامه : في كل الاحوال هو ده الصح
مروان : يعني بس كده
اسامه : ان شاء الله ….سلام
مروان ” لنفسه “: تمام يا اسامه مسيرك تيجي لي وتعترف انك معجب
………………….
الاكاديميه
المدير: انسه فريده انت بــتتأخري ع الولاد
فريده : بعتذر فعلا بس ظروف
المدير : تمام اتفضلي
ترحب فريده بالطلاب الذين يفرحوا لقدومها وتستفيض في الشرح وتتأخر لبعض الوقت ثم تنتهي
الطلاب : الشرح رائع جدا
فريده : اي سؤال معاكوا ع الواتس سلام
يمشي جميع الطلاب وتجد كرمه تقترب منها
فريده ” تحتضنها ” حبيبتي يا كيكوا
كرمه : وحشتني يا ميس فعلا حضرتك عامله ايه ماما قلقانه علي حضرتك جدا
فريده : انا بتمني اشوفها واعتذر لها علي الحاله اللي كنت فيها ..
.لما ما شوفتكيش النهارده قلت حقها تخاف عليكي مني
كرمه : خالص والله هي زعلانه عليكي
فريده :هي موجوده
كرمه : منتظراني
تحمل فريده كل متعلقاتها وتذهب وتقترب من سياره تشير عليها كرمه وتسبقها بعده خطوات
كرمه “: فين ماما ؟؟
زين ” لنفسه “: اخيرا شوفتك انت غايبه فين ؟؟
كرمه : خالو فين ماما
زين ” ينظر لفريده التي تبتسم لهم”: مش تعرفينا
كرمه : ميس فريده
فريده ” تومئ برأسها مرحبه به بابتسامه جميله
زين : اهلا جدا جدا
كرمه : خالو يا ميس
زين ” مامتها “: ظهر لها طلب مفاجئ
فريده ” تمسك بشيكولاته ملفوفه بستان وعليها كارت صغير وتمدها لزين فيمسكها وبنظراته يتسأل
اعتذار بسيط لمامتها عن حالتي لما اتقابلنا …ارجوك تقبل اعتذاري
زين : اكيد وبعدين عادي وارد ..اننا كلنا نضعف ونمر بظروف ولا ايه ؟
فريده : شكرا لذوقكم اتفضلوا
زين : حضرتك خلصتي واضح
فريده : فعلا ضمت المجموعتان لبعض
زين : تمام اوصلك
فريده ترفض ولكن زين وكرمه يصروا عليها بشده فتركب معهم
وطوال الطريق تتحدث مع كرمه ولا ينتهوا من الكلام والضحك ويفرح زين لحالتها
فريده : كفايه كده
زين : ” مش معقول ده الطريق”: هو هنا بيت حضرتك
فريده : لاء هركب البيت بعيد
زين : هوصلك لمكانك
فريده : عند قربيتي وهأخر حضرتك
زين : عرفيني بس
يصلوا الي المكان
فريده : انا في منتهي الشكر طبعا وآسفه ع التأخير
كرمه : انت نورتي العربيه يا ميس انت متعرفيش بحبك اد ايه والله
فريده تحتضنها وتبتسم لزين وتنزل من السياره
زين ينتظرها حتي تدخل البنايه
كرمه : مش هتبطل قلقك ده خلاص دخلت
زين” لنفسه ” قلق ايه ده بتلخبط فيا كل حاجه فجأه بلاقي نفسي بحارب كل المشاعر”
كرمه : ايه يا خالو شارد في ايه ؟؟
زين : مش تبطلي بقي مش كفايه معطلاني وثانويتك ده جايه علي دماغي
كرمه : اسفه والله ان شاء الله اول ما انجح ههدي نجاحي لك ومش مهم سمر بس المهم فطار بقي
ينطلقوا معا بالسياره
…………………………………
بيت عائله فريده
سوسن : اول ما ننزل تتصلي بفريده عشان جدتك تكلمها تيجي
لوزي : متخافيش انا رتبت معاها كل حاجه عشان الفساتين
سوسن : مصلحتك خلصتها مش مهم الباقي يعني…
.امها زعلانه عليها انا شايفه بس ما بتقدر تقول
لوزي : هي ليه بتعاملها كده؟؟
سوسن : اهوه بيدلعوا وهنشوف اخرتها معاهم
…….
شقه الجده
الجده : يعني ده كله يحصل لحفيدتي وما حدش يقولي
اميمه : خوفنا علي زعلك وانت كمان كنت مسافره هنعمل ايه
الجده : انا اساسا كنت عايزه اخدها معايا كل قرايبي يا بنتي دكاتره ومهندسين واكيد كانت هتعجبهم
ليليان : وعبد الرحمن؟؟
الجده : هو في ايه هو قالولك لو بنتك ما اتجوزتش عبد الرحمن مش هتلاقي جواز مالك كل مناسبه عبد الرحمن
ليليان : كلكم عارفين هو الوحيد هيتحملها ويحميها ويحبها .
..بنت عمه وكل تصرفاتها حفظها وهي طيبه وانا خايفه عليها من الغرب ونفسي اطمن عليها
الجده : انا فهماكي ومقدرك بس المفروض تضمها لحضنك مش تضربها عيب عليك ده اطول منك دلوقتي
ليليان : يا ماما عندها 23 سنه ومش راضيه بخطوبه حتي
الجده : انا هتصرف بس اتصلوا
اميمه : ازيك يا ديده انت بتعملي ايه ؟؟
فريده : ازيك يا حبيبتي اخباركوا ايه انتو
اميمه : كلنا الحمد لله سمعتي نص بنات العيله اتخطبوا
فريده : مبروك يا ايمي عقبااااالي
اميمه : ماشي جدتك هتسلم عليكي
الجده : الكلبه الهربانه م الصلاه والشاي
فريده : حبيبتي يا تيتا والله هعوضك
الجده : من غير ولا كلمه عشر دقايق اشوفك عشان نلحق الجمعه
فريده : انا هشوفك عند عمتو
الجده : بنت مفيش تكرار للكلام ….سلام
فريده : يا خبر ابيض
سميره : قفلت المكالمه
فريده : طبعا ده تيتا كلامها اوامر لا تحتمل المناقشه
سميره : حقهم يا فريده روحي وانا هتمشي شويه واروح لصفاء ارتاح عندها كام يوم
فريده : مفيش الكلام ده بسرعه هنرتب كل حاجه وشنطه فيها لبس او مش لازم وانت معايا
سميره : مش هينفع
فريده : الحوار اتقفل …وبعدين تشوفي فرحه ماما بالهديه
سميره : تفتكري ذوقي هيعجبهم
فريده : هتشوفي بنفسك
يرتبوا كل شئ وفورا تركب فريده السياره ويتجهوا الي بيت العائله
……………….
بيت العائله
فريده : انا حضرت يا قوم
راويه تحتضنها علي الفور وتقبلها “: اسكتي جدتك هتاكلك راحت لوحدها الصلاه
فريده : هسلم واروح اجيبها
يرحب الجميع بها وبسميره وخاصه اميمه التي تزيد عليها الترحاب
فريده ” تنظر لامها فتشتاق لها ..ويضعفوا لبعض فيقعوا في احضان بعض ”
ليليان : اهون عليكي اسبوعان ما اشوفكيش
فريده : ما انا هونت وما اتصلتيش بيا
ليليان : عنيده
فريده : لومي نفسك يا لولو مش انا خالص
ليليان : خلاص بقي
سميره : يارب الهدايا تعجبك انت والعروسه
تتركهم فريده وتذهب الي احضار جدتها من المسجد التي
يراها محي بعد ادائه الصلاه مع زين وخالد وفورا يتركهم يتوجه لها
محي : ازيك يا تيتا
الجده : حبيبي انت عامل ايه
محي : الحمد لله بس انت جايه لوحدك معقول ؟؟
الجده : اكيد فريده زمانها جايه تاخدني
محي : فعلا هناك جايه ” تقترب منهم فريده وتحتضن جدتها التي تغضب عليها وتوكزها في ذراعها غضبا
فريده ومحي يضحكوا
الجده : كده اجي لوحدي
فريده : خلاص بقي اضربيني في البيت الناس بتتفرج علينا لخصي
يمشوا معا ويتحدثوا معا حتي يصلوا الي البنايه وتدعو فريده محي وتصر عليه في الدخول ويستقبله الجميع بالترحاب
لوزي : علي طول وش خير …بس بذمتك مش قمر في الترنج الابيض ده
فريده : اي خدمه هربيني بس عايزه انام
لوزي : الشاي وميعاد الخطوبه واخلعي
فريده : ما تحددوا مع بعض وبلغوهم
لوزي : لاحظي اننا بقينا كتير وشويه يقولوا مع بعض وشويه يخافوا م الحسد
فريده تبتعد عنها وتجلس بجوار عمها فؤاد:
هاه بقي الخميس الجاي خطوبه حلو
الجميع يفزع معقول هنلحق
فريده : ايه المشكله
اميمه : الفساتين والناس تتعزم
فريده : الفساتين مهمه البنات يخلصوها في يومين الاهم القاعه تتحجز
سوسن : والمدعوين
فريده : هاتي يا طنط وتفتح الفيس …بصوا خبر صغير هيوصل لكل معارفك بس بصيغه حلوه وانتهي
نجوي : والواتس كمان وكام مكالمه حلوه وخلاص
ليليان : يبقي القاعه
محي : افخم مكان والحجز هيتم في عشر دقايق
لوزي : لتبقي محجوزه
محي : شاوري انت بس وخلاص
الجده : علي بركه الله الخميس الجاي حلو
محي : خلاص اعرف ماما ونحجز
صلاح : خلاص يا بني بس عرفهم عدد العرايس
محي : فعلا كام
فؤاد : يعتبر كلنا المدعوين واحد ما عدا محي يخصصوا له جز ء لمعارفهم
الجده : كله مع بعضه احنا خلاص عيله واحده
محي تمام عن اذنكم اعرف ماما عشان نلحق الحجز والناس
سيف : واحنا بقي يادوب الشاي ونبدأ رحله العذاب في التجهيز
هاجر : ولا حاجه في مول تحفه جدا في المعادي خاص بالمناسبات بس تعالوا مع بعض
لوزي : يبقي الشاي بقي ونمشي فين فريده
الكل يبحث عن فريده فلا يجدوها وينادوا بصوت عالي ولكنها تحكم اغلاق الباب وتنام علي الفور
…………..
في المطبخ
سميره : السكر بره وكل واحد يضيف براحته
ليليان : فعلا افضل
سميره : خلاص ادخلي بالصينيه وانا معايا البراد وكل حاجه اتفضلي
يدخلوا معا ويضعوا كل شئ
لوزي : يا خبر انت يا طنط
سميره : معلشي سيبوها الايام اللي فاتت كانت قلقانه وزعلانه عليكوا
ومش بتعرف تنام والنهارده صاحيه من الفجر بتفكر في يوم العيله
الجده : ونعم الامهات يا سميره شوفوا متفاهمه
سميره : خلاص بقي يا حاجه العصبيه حكمت علي اعيش لوحدي العمر كله
ليليان ” تحزن من اجلها “: فتحتضنها : انت بتقولي ايه ومين هيسيبك
اميمه : ايوه انت معانا خلاص
الجده : ايه رأيك اعيش هنا براويه وولادها وانت في شقتي
اسلام : خلصنا الموضوع ده يا تيتا خلاص
جمال : خلاص يا سيدي اختنا نشتاق لها وفي الاسبوع نشوفها مره
نهي : فين يا خالو انتوا كل يوم عندنا
راويه : عيب عليكي يا بنت
…………….
شقه محي
رحيم : معقول الاستعجال ده ينفع يعني
محي : ده خطوبه فستان بدله دبلتان
انجي : ايه الاستخفاف ده وقرايبنا ومعارفنا وتجهيزاتنا ايه
رحيم : والقاعه لازم الحجز قبلها بشهر
محي : ثواني بس ويتصل
زين : خير مش معقول وحشتك
محي : خدمه وهتعملها ورجلك فوق رقبتك
زين : احترم نفسك واطلب بأدب
محي : بص انا خلصت
زين : خلصت ايه هتنتحر ولا ايه وتخلصني م المأساه اللي بعيشها كل يوم
محي : لا خلصت موضوعي
زين : الحمد لله خلصنا من جو البنات يعني
محي : والله البنات هي اللي ساعدتني ولك علي تبقي نصيبك
زين : انا ” يشرد بفريده ”
محي : ايوه انت والله يا زين انا متأكد انها هتاخدك وتلخبطك وتلففك حوالين نفسك
زين : عجيبه وما اختارتهاش انت ليه
محي : ما انت عارف بلوتي من kg
زين : تمام المهم ايه هتبطل نحنحه البنات بتاعه كل ليله
محي : خلاص بقي خدت رخصه كل ليله براحتي …المهم القاعه
زين : ايه ده حددتوا خلاص
محي : الخميس الجاي والقاعه عليك
زين : زفاف علي طول كده
محي : يا ريت ده خطوبه يا سيدي
زين : بس ده مش اتفاقنا انا اتفقت معاك ع الزفاف يبقي علي حسا بي لكن خطوبه وتفركش بعد شهران
محي : فال الله ولا فالك يا زفت…علي حسابي انا مش عايز منك حاجه المهم احجز بس اكون معاك
زين : تعالي وانا فاضي ساعه
محي : عشر دقايق اكون عندكوا تنزل في ثانيه
…………….
تمر الايام الجميع مشغول بالتحضير ليوم الخطوبه
في الصباح فريده تجهز ادواتها وتنزل تجد كل البنات يجلسوا
لوزي : معقول انت رايحه فين الخطوبه النهارده
فريده : ايه المشكله ؟؟
##صحيح ايه المشكله ؟؟؟
##كلنا نتابع الاحداث وننتظر الخطوبه 🧐🤓😎🤩🥳
##اتمني لكم قراءه ممتعه😎🤩🥳
##دمتم في امان الله ودعواتي لكم ان يحفظكم ربي من اي سوء🤲🤲🤲🤲🤲

##ثمن احلامي
##الفصل الثامن عشر
تمر الايام الجميع مشغول بالتحضير ليوم الخطوبه
في الصباح فريده تجهز ادواتها وتنزل تجد كل البنات يجلسوا
لوزي : معقول انت رايحه فين الخطوبه النهارده
فريده : ايه المشكله ؟؟
نجوي : تبقي معانا في البيوتي
فريده : هاجي لكم علي 6
هاجر: ايه بتهرجي صح
فريده : ليه انا هلبس بس وميكب وخلصت انتو اللي محتاجين وقت
لوزي : انت محتاجينك اصلا تساعدينا نتكلم نهرج ده يوم خطوبتنا انت ايه مفيش
فريده : خلاص هاجي بس لازم امشي هتأخر والله هاجي بس كل حاجتي خدوها معاكوا
نجوي : ولا اي حاجه وبراحتك
فريده : عادي براحتكوا شوفوا مين هيغني في الفرح لكم
لوزي : مستبده وربنا
فريده : سلام
…………………………….
الكليه
ضياء: التكليف الخاص بدكتوره الفت صعب جدا
فريده : عايزه متابعه اسبوع متكامل
سما : نقسمها علي بعض
لينا : ازاي كل واحد خاص بحالته
سما : انا فاهمه بس ممكن نقسم شيبفت بالليل علينا كلنا والموجود يلاحظ الحالات
فريده : طبعا مش هدخل في الشيفت خالص
ضياء: رأي تخلصي وتقولي
فريده : آه طبعا واتفاجئ انهم ينهوا حلمي كله
لينا : استحاله معقول
فريده : مش هضيع الوقت في المناقشه وانا اتأخرت المهم ساعتان واشوفكم
سما : مش عارفه هقدر اجي ولا لاء
فريده : لاء هتيجي
سما : يا بنتي ادهم عزمني امبارح علي خطوبه في عيلتهم
وانا رفضت عشان مش جاهزه ازاي بقي يعرف اني بحضر فرح تاني
فريده : اتصرفي يا سوسو مفيش تنازل يا طلبه تجاره انتوا
………………………
البيوتي
لوزي : انا سعيده جدا وزعلانه علي تعبكوا معايا
سمر : مفيش تعب ولا حاجه احنا خلاص اهل
كرمه : بس انتوا كتير اوي وما شاء الله حلوين خالص
نهي : انت العسوله
نجوي : لسه بقي سندريلا العيله متأخره
سمر: في حد تاني
فجأءه تدخل فريده
لوزي : والله الهانم جايه دلوقتي
فريده : بسرعه انجزوا متأخره
كرمه : ميس فريده
تتفاجئ فريده بوجود كرمه وامها وتنظر لهم فيفهوا ان بالامر شئ
لوزي : غريبه انت تعرفي كرمه من فين
فريده : يا بنتي هو انا زيكوا م الكليه للبيت انا مشهوره
نهي : فعلا دكتوره 6 سنين وفي الاخر بتعيدي السنه
فريده ” وجدتها فرصه ”
: ايوه احب اعرف حضرتك انا فريده في سنه 3 تجاره وبعيد لتالت مره خلاص انتهي التعارف
سمر ” تتعجب لما يقال وتفهم ان الامر فيه غموض فتنظر لكرمه ”
كرمه : حبيبتي وحشتني بجد
نهي : حبيبتك وده تعرفها منين ده يا بنتي ابعدي عنها ده انت لسه مستقبل عريض منتظرك
فريده ده بتاخد السنه في اتنان يا حبيبتي والمشكله انها تجاره
فريده :” تحتضن كرمه
“: فعلا اسمعي كلامهم كله صح وانا عرفتكوا بنفسي اول ما دخلت ” تلتف لهم “انا بقي دوري انتهي علي كده
يعني يا نهي لما كنت بظبط طبق المشاوي وابعته لهشام واقوله نهي جهزته ليك خلاص خلص
وانت يا نوجا لما كنت بجهز العصاير والمشروبات سخن وبارد ويعجب بهم سيف تبقي فعلا غلطتي
وانت يا لوزي….
لوزي فورا تحتضنها اسفين والله يا صلاح مين زعلك بس
سمر ” تضحك عليهم هي وكرمه “:
سمر : يا جماعه مقطعه نفسها عليكوا …هتذاكر امتي
نهي : فعلا والله التانيه 6سنين في تجاره ……الله يكون في عونها
فريده : مع نفسكوا عايزه اجهز
الميكب : انسه حضرتك اتأخرتي خالص
فريده : هلبس واجي ….انا محتاجه معايا حد في الشاور يمسك اللبس
نجوي : لسه شاور
تتركهم فريده فورا وتدخل معها كرمه علي الباب وتأخذ شاور بسرعه وترتدي ملابس وتخرج
سمر: معقول ما غسلتيش شعرك
نهي : ربنا يسترك دنيا وآخره
سمر : ليه كده
نجوي : ده واجب وطني
فريده : لا بس لازم تلموا عشان اتفك …
..وتفك شعرها وينزل علي هيئه سلاسل ذهبيه طويله وفي منتهي النعومه وتتفاجئ سمر وكرمه
سمر : بسم الله ماشاء ايه الجمال ده
لوزي : احلي شعر في العيله
الميكب : تعالي يا آنسه من فضلك
فريده : لمي شعري الاول وبعدين نتفاهم
الميكب تنتهي من تمشيط شعرها ثم تشير لها فريده بالتوقف وترتدي ايشارب وتقف تصلي العشاء
الجميع معقول انت هتأخرينا
نهي : لا ء بجد احسن الليله هتطول وممكن ننسي نصلي والباقي العشا تعالوا احسن
يقف الجميع بجوارها وتنظر كرمه لسمر فتنضم لهم ويؤدوا العشاء
الميكب : ارجوكي يا آنسه اتأخرنا
فريده : ثواني …
.تدخل ترتدي فستان موف داكن ضيق من الصدر وواسع من الوسط وايشارب حرير ابيض
الجميع ينبهر بالفستان
الميكب : خلاص بقي نهدي عشان نخلص
فريده تجلس وتبدأالميكب في وضع الميكب وفريده تعترض علي كل شئ
الميكب : استني نشوف الشكل النهائي
نهي : هي مش بتحب الاوفر قللي شويه
الميكب : حلو كده
فريده ” تنظر فلا يعجبها شئ فتغسل وجهها
الميكب تعترض عليها
فريده : مش عايزه كده حلو
هاجر : حرام هتأخرينا
فريده : خلاص يا جماعه انا كويسه كده مش مهم
سمر : انا معاكي ولو حاجه بسيطه وتقترب منها
” لنفسها بسم الله علي جمالك
يارب تبقي من نصيب زين ” وتضع لها بعض اللمسات التي تعجب بها فريده
نهي : كلهم تحت وفريده لسه
نجوي : تمام ننزل بهدوء
ينزلوا جميعاويستقلوا السيارات
سمر: حلو كده
فريده : ميرسي لحضرتك اتفضلي وانا هنزل س9كرمه : با با تحت بيستعجلنا
فريده : اتفضلوا
الميكب ” تقترب من فريده وتساعدها في وضع الايشارب بشكل بسيط وجميل
وترتدي فريده الشوز وتأخذ الشنطه وتنزل امام البيوتي
سمر تلمحها فتتصل
زين : من فضلك الجميله اللي واقفه هناك خدها وصلها القاعه
فريده تتلفت يمين ويسار فلا تجد احد الكل ابتعد بسيارته
زين ” ينظر يتفاجأ” لنفسه معقول انت ….انت بتطلعي من فين بس؟؟!!
سمر : آلووووو زين ….روحت فين
زين : تمام حاضر
كرمه : هروح اركب معاهم
سمر : لاء انت معانا
يقترب زين بالسياره من فريده التي تحاول الاتصال بهم
زين : تعالي اوصلك
فريده ” تبتسم وتتذكر “:لا معقول بقي علي طول تعاباك معايا
زين : تخيلي فعلا شكلك كده
فريده ” تتعجب “: انا ليه ؟؟
زين : هتعرفي بعدين اتفضلي
فريده ” تخجل ” ان تركب بجواره في الامام فتفتح الباب الخلفي
زين ” يندهش من موقفها “: وينظر لها في تعجب وتساؤل
فريده : ترفع يدها لفوق بأنه هو التصرف المتوقع
زين : تمام مفيش اعتراض
يقود السياره وهو يتابعها في المرآه ويزيد انجذاب لها ولجمالها
زين : اكيد من قرايب العروسه صح
فريده ” تشاغبه “: قصدك اي واحده
زين : لوزي
فريده : لاء انا اقرب في النسب لعروسه تانيه
زين : آه فعلا في اكتر من عروسه بس انت بالنسبه للوزي ايه ؟؟
فريده : سيبك مني انت قريب مين ولا صديق
زين : تمام هتعرفي
فريده : احنا فينا من كده …بلاش …هتعبك
زين : ما احنا اتفقنا
فريده : لاء ارجوك …
.يارب اكون في حياه اي حد يعرفني راحه ويبعده عن التعب معايا
زين ” يخاف علي زعلها “: انا آسف اكيد ما اقصدش بس انت ليه اتأثرتي كده
فريده : ممكن تعرف بعدين
يقطع حديثهم رنين الموبايل
زين : ايه عايزه ايه ؟؟
كرمه : كده يا خالو مش كفايه ما ركبتش معاك
زين : انسيني يا كرمه دلوقتي
كرمه : تمام ..ماما بتقولك انهم في الميدان تعالي عشان التصوير
يتجه بالسياره نحوهم وينشغل زين في اتصال آخر
وفريده يراها عبد الرحمن وفورا يشدها من ذراعها الي احدي الجوانب المظلمه
عبد الرحمن : ديده وافقي بقي نكتب الليله
فريده : قلت لاء بعد التخرج
عبد الرحمن : هو كتب كتاب وخلاص
فريده : وبعد اسبوع عايزيني ببيتك …لاء اكيد
عبد الرحمن : اخلصي يا فريده
فريده : ايدي وجعتني سيبها
عبد الرحمن : ايه اسيبها تمام ..
.فيزيد من الضغط علي يدها وذراعها ويركل قدمها عده ركلات توجع فريده بشده
فريده : والله لو ما بعدش هصرخ
عبد الرحمن : قلت لك وانت بتعصبيني
فريده : بصوت عالي بعض الشئ وتهديد ….ابعد ابعد عني
عبد الرحمن يخاف ويبتعد وهي تخطو بسرعه برغم آلامها الي البنات
نجوي : انت فين
فريده : كلكم سيبتوني
تلتقط الكثير من الصور الجميله تخلد الذكري بينهم
يلاحظ زين ان الجميع له علاقه وطيده بفريده ويشعر بالضيق لقربهم منها
زين ” يمسك محي من ذراعه ويبتعد به “: هي فريده ايه بالنسبه لهم
محي ” يضحك ”
زين : انطق
محي : يعني عجبتك
زين : هي مين …انا بسألك عشان حاسس انهم متداخلين خالص
محي : عامه انا بدعي عليك بها
زين : ادعي بس فهمني ايه ؟؟
محي : فريده بنت عمهم كلهم واخت نجوي
زين : وايه يعني بنت عمهم يعاملوها كده
محي تنادي لوزي عليه فيترك زين ويقترب منهم
يقودوا مره اخري السيارات متجهين الي القاعه التي تزينت بما يليق بهم
دخل العرسان والعرائس في موكب ترمي عليه الورود والياسمين وسط زغاريد
وموسيقي تخلع القلوب من الفرحه و لا يكف اللسان عن الدعوات بالخير لهم
يجلس الجميع في اماكنهم
تتجه فريده الي طاوله اصدقائها فورا
ليليان تنظر وتبحث عن فريده فتشير لها فتذهب علي الفور
وزين يراقب الموقف ويقترب منهم بدون انتباههم ويستمع لما يقال
وافقي بقي واكتبي علي ابن عمك
فريده : لاء خلاص بقي مش كل شويه
ليليان : هيكون حمايتك وعرفك وحافظ تصرفاتك
فريده ” تفك اكمام الفستان التي ترتديه وتري علامات زرقاء في يدها ..
.ثم ترفع ديل الفستان وتري رجلها شايفه ..
.شايفه يا ست ماما حمايتي هو اللي بيكسرني
لو سمحتي خلاص بقي فتتركها امها
زين ” يشعر ع الحزن من اجلها ”
وتقف فريده في يأس ويقترب منها ضياء : معلشي يا فريده
فريده : تعبت يا ضياء
ضياء : هانت تعالي
تجلس بجوار اصدقائها
زين ” يتضايق من تقرب ضياء لها ” لنفسه معقول هو ايه ده كمان ارحميني بقي اعصابي تعبت”
ثم يذهب ويجلس بجوار عائلته ويختار مكان يري به فريده
لينا : بت يا فريده فين عبد الرحمن
فريده : افتكري حاجه حلوه
لينا : بس قولي
فريده ” تشير علي عبد الرحمن
لينا : كلهم حلوين سواء بنات او شباب
سما تأتي وترحب بهم و تجلس ثم تتفاجئ بوجود سمر
” تدير رأسها وعلي الفور تقوم ترحب بهم
سمر : ازاي هنا
سما ” تشير لفريده ”
معتز : هو معقول ادهم
سما ” تتوقع حديثه ” فتقاطعه ….هو فين؟؟
كرمه : هناك يا عروسه
ادهم يتفاجئ ويمد يده ولكن سما تقترب وتقبله من وجهه فيتعجب وهي تبتسم له
واضح ان ليلتنا بيضا
تقترب اميمه من طاوله فريده….قومي قومي بسرعه فرفشي فرفشي الدنيا
فريده : لا سيبني الله يخليكي انا بريئه من العيله ده
اميمه : انا هساعدك بس الليله انت معانا
لينا تنظر لضياء” ساعد حبيبتك
يقف ضياء بجوار فريده ويصدح صوتهم في الميك وسط تعجب الجميع
تغني فريده بيت العز ويشاركها الجميع ثم تتنوع في الغناء ويفرح الجميع بصوتها وادائها مع ضياء
ادهم : مش ده زميلتك يا سما …
سما : هنبقي قرايب
سمر تبدأ في شرح صله فريده بهم
معتز : ليه محي ما خطبهاش ده جميله وشقيه وحاجه كده تخطف العين وتفرح القلب
زين ” يغير ” وفورا : ايه يا سمر ساكته يعني جوزك بيعاكس
سمر : بس صراحه تستحق المعاكسه
معتز : صح يا سوسو شايفه خفتها ودلعها وجمالها وشقوتها
.زين : ايه يا بني ما تقوم نشوف لك عروسه احسن
فريده تأخذ كل الانظار وتتفاجئ بأحدهم يقترب منها ليلتقط بعض اللقطات معها ويكون من اصدقا ء عبد الرحمن
عصام يبعده في ثواني ويقف مع فريده يشاغبها بحركاته وهي بخفه ظلها تندمج معه
زين ” لنفسه “: لا ده كتير علي والله
كرمه : مين ده يا سمسمه
سما : ده اخوها عصام
سهير: صراحه الجمال متوفر بزياده
ينتهي برنامج الفرح ويتم اعلان عقد قران للجميع
يستقلوا السيارات وتركب فريده بجوار نجوي
سيف : شكرا يا ديده
فريده : المهم تحبها وتخاف عليها ورجولتك باحتوائك وقربك منها
سيف : يا بخت اللي هياخدك
فريده ” تشرد”
نجوي : هو في حد ولا ايه
فريده ” تضحك بشده “: انا فين ده يا ريت يا بنتي
والله كنت بتمني وفجاءه
وهي تدير نظرات عينها لخارج زجاج السياره تتلاقي مع زين ا
لذي تشعر ان قلبها يخفق له وانها تعرفه من قبل
تصل السيارات عند البنايه ويقف كل عريس بجوار عروسته ولكنها تقف لسوسن
فريده : ايه يا سوسو مالك
سوسن : كل واحد علي شقته خلاص بقي
سميره ” تتدخل لتعطيهم فرصه “: بس ايه الجمال ده قومتي ورقصتي مع الباشمهندس وكنت جميله جدا
سوسن : بجد اصلي فعلا بحاول اخس
سميره : لا ده انت بقيتي خطيره جدا
تشرد سميره مع سوسن في الحديث ويجلسوا في شقه الجده التي تنام فور وصولها البيت
اما زين فيمسك في ذراع محي
محي : ايه يا بني
زين : هشششش
سيف : الروف يا ديده
فريده : بهدوء طنط مع خالتو مخدرها اطلعوا بسرعه
يصعد الجميع علي الروف وفي البدايه يتحدثوا جميعا معا
هشام : انت يا بت مين ده اللي كنت بتغني معاه
فريده : ابدا داه اتعرفت عليه في اتحاد الطلبه
نجوي : مش ده اللي في الفيديو
فريده : يعني افتكرتوني دلوقتي فجاءه
هشام : فيديو ايه؟؟
فريده : واضح انك مش مأثره يا نهي
مره اخري يحول الحديث علي الفرح والفقرات وفجاءه تقف فريده
محي : ايه يا بنتي
نجوي : جعانه صح
فريده : اكيد كلكم يعني
سيف : هتأكلينا ايه ؟؟
هشام : ده خبيره مشاوي
فريده : تمام هاتوا الفلوس
الجميع يعطيها
فريده : تمام كده مين بقي هيجي معايا
هشام : هياكلوك يعني….ما انت متعوده
سيف : لا مش هينفع تنزل دلوقتي
لوزي : الوحيد الممكن زين
فريده ” ترتبك وتخجل “: اكيد لاء
زين : ليه يعني نسيبهم مع بعض وننزل نشتري
فريده ” وبعد كده تقول تعباني
زين : عادي ما اقول
تبتسم فريده وينزلوا معا وتسبق وتبتعد فريده بخطواتها عن زين
زين : يا بنتي هيفتكروني بعاكسك
فريده : آسفه جدا وتقترب منه ويتحدثوا معا ”
يفرح زين بداخله لهذا القرب ويشعر بالمشاعر التي تجتاح وتتسبيح كل خلاياه
فريده : ” لا تقل عنه حالا بل تزيد ”
يدخلا معا المحل ويطلب زين تغليف كل طلبان معا
ويخص طلبه بفريده
زين : ايه رأيك آيس كريم
فريده ” تفرح فرحه طفله وتبتسم في وجهه “: بجد متأكد ….مشاوي وآيس كريم
زين : اللي تحبه
فريده : لا متهيألي تمام جدا
يذهبا معا الي محل الايس كريم ويطلب زين وتنتظره فريده التي تتفاجئ بأحضاره بوله وبسكويت
فريده : اتنان ” تشير لنفسها “: ليا
زين : طبعا اتفضلي ويمسك هو بوله ويتناولها ….وهي يراقب فرحتها وحماسها الطفولي والبراءه التي تأكل به آلايس كريم
يستلم زين كل الطلبات ويصعدا الي الروف وتتوزع الطلبات
تجد فريده وجبتها مرتبطه بزين
فريده : لا من اولها كل واحد ياخد نصيبه
زين ” وهو ينظر اليها “: انا نصيبي معاكي …هناكل مع بعض
فريده : انا في المشاوي ما ليش عزيز
زين : ولا يهمك ناكل بس
يجلسا معا ويتناولا الوجبه امام الجميع وفريده في منتهي الخجل وتشرد في زين ومعاملته لها وتشعر براحه كبيره
زين يلاحظ شرودها
ايه مش حلو؟؟
فريده : بالعكس ده جميل جدا
زين : هو ايه ؟؟
فريده ” تنتبه “: الاكل طبعا الاكل
زين : ايه حكايتك ؟؟
فريده ” تتعجب للسؤال بشده ولكن يثيرها الاجابه
##فعلا ايه حكايتها سؤال جميل بس مين هيجاوب من المتابعين🤓🧐
##جايزه حلوه خالص لتحليل صح لشخصيه فريده🤓🧐
##يا تري قدرتوا تستوعبوها 🤓🤓🤓
##في انتظار تحليل لشخصيه فريده😳😳
##اتمني تفاعلاتكم وتعليقاتكم الكتييير👇👇👇👇👇👇👇👇👇👇
##دمتم دائما وابدا في رعايه الله وحفظه من اي سوء🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲🤲