“مساء الخير” بقلم “أية حاتم ”
مسااااااء الخير
بوجعة قلب م الغير
بصوت مبحوح
من الصاعقة وكمان مشروخ
بحزن تملي مطروح
على القلب….
مساااء الخير
وفين الغير
اللي كنا عليه بنتعكز
بنيجي لآخر اليوم ونبص ع الجرح ونركز
فـِ اللي فات وبنجهز
فـ وجع القلب ويا العقل وبقسوة
بنجاهد ولحد امته نتصنع القوة
محدش عاش وحيد ومتشرد
بقلب رافض الحزن متحرض
جوااااااك البرد …
وبتحلم بقلب يمر يكون سخن
مسااااااء الخير
بحزن كبير
بيتفتح ويتشجع
يدبح الأوقات
وساعات بيتلون
ويخدعنا ويتحول
لنار قايدة جوانا
ومين سعيد برؤيانا
كفيف بالفرح آااااه يانا
أصم وأعمى للضحكة
مقيم الصحرى وفـبِركة
الوحل كان عالى لما غرقنا
سواد الليل ملازمنا
والدمعة تجري
وتحكي وتشكي
وأنا و الليل ضحايا
الحيطان سمعت بكاه لما بكينا
م القهرة شبكنا إيدينا
ونطينا من الشباك
لسااااابع أرض…..
مين قضاها بالطول وبالعرض
ومين اللي ساب الفرح غير بالطرد..
ومين عاش ف شارع محسش ببرد…
مليت أنا م السرد..
آيةحاتم
شكرا لدعمكم
آية حاتم
شكرا لدعمكم