اسم الشعر: كان في المكان
كان في المكان
الي ياما كان يتقابلوا فيه
و في وشه واحده
قدامها واحد بيقولها تتمني إيه
فقالتله بس تكون معايا
يجمعنا بيت و نكون لبعض
راح قال اكيد هتكوني ليا
و انا صعب اخلف بنا وعد
سمع الكلام و دموعه نزلت
و الدنيا فجأه قدامه وقفت
و قام و ساب مكانه فاضي
ماشي بسكوت و شريط يفوت
قدامه يفكّره بالماضي
و بأعلي صوت يسأل يقول
إزاي حبيبتي مش معايا؟!
مانا لسه شايف نفس الحكايه
اشمعنا انا وصلت لنهايه؟!
مشهد بسيط صحّى الي فيه
صحّى الي ياما سنين ناسيه
اه من مكان ياما زمان
اتنين حبايب اتقابلوا فيه.
